ТАҚОЗОИ МАСЪУЛИЯТШИНОСИИ ДУЧАНД

Дар толори хурди мақомоти иҷроияи ҳокимияти давлатии шаҳр таҳти раёсати иҷрокунандаи вазифаи Раиси шаҳри Гулистон Фирдавс Шарифзода машварати кории моҳи феврали назди Раиси шаҳр баргузор гардид.

Дар маҷлиси машваратии назди Раиси шаҳр муовини Раиси шаҳр, роҳбари дастгоҳи Раиси шаҳр, мудирони шуъбаҳо ва бахшҳои мақомоти иҷроияи ҳокимияти давлатии шаҳр, роҳбарони мақомоти ҳифзи ҳуқуқ, раёсати молия, нозироти андоз, роҳбарони корхона, ташкилоту муассисаҳо, раисони ҷамоати шаҳракҳо, имомхатибон, намояндагони дигари соҳаҳои хоҷагии халқ ширкат варзиданд.

Дар оғоз сардори шуъбаи Раёсати Кумитаи давлатии амнияти миллӣ дар шаҳри Гулистон Хаёл Ҳакимов оид ба пешгирии экстремизму терроризм ва шомилшавии шаҳрвандон ба ҳизбу ҳаракатҳои иртиҷоӣ, ҳушёрии сиёсӣ суханронӣ намуд.

ВАРЗИШ - ГАРАВИ САЛОМАТӢ

Дар Кохи варзишии «Истиқлол» марҳилаи якуми мусобиқаи шаҳрӣ бо иштироки 20 нафар оид ба дастхобонӣ байни варзишгарони имконияташон маҳдуд бо мақсади интихоби варзишгарони шаҳр барои иштирок дар мусобиқаҳои вилоятиву ҷумҳуриявӣ баргузор гардид. Ғолибон ва иштирокчиёни мусобиқа бо диплом, медал ва туҳфаҳо қадрдонӣ карда шуданд.

***

Рӯзи шанбе – 9 феврали соли 2018 тибқи нақша машқҳои пагоҳирӯзӣ бо мақсади солимии ҷавонон ва наврасон, оммавигардонии варзиш, тарғибу ташвиқи тарзи ҳаёти солим  таҳти унвони  «Зебоӣ, тавоноӣ ва доноӣ аз варзиш аст!» бо ҷалби зиёда аз 1000 нафар ҷавонону наврасон ва  варзишгарон баргузор гардид. Ташкил ва баргузории машқҳои пагоҳирӯзӣ ҳар ҳафта рӯзи шанбе ба роҳ монда шудааст.

АЁДАТИ МОДАРИ ҶАНГОВАРИ ИНТЕРНАТСИОНАЛИСТ

Бахшида ба 30-солагии баровардани қӯшунҳои Иттиҳоди Шӯравӣ аз хоки Афғонистон тибқи нақшаи чорабиниҳои мақомоти иҷроияи ҳокимияти давлатии шаҳр чорабиниҳои гуногуни ҳарбӣ-ватандӯстӣ дар ҳудуди шаҳр баргузор гардида истодааст.

Дар шаҳраки Консой аъзои ташкилоти ҷамъиятии Иттифоқи ҷанговарони интернатсионалист ва муҳофизони сохти конститутсионӣ (раисаш Даврон Тӯхтаев), якҷоя бо кормандони ҷамоати шаҳрак ва комиссариати ҳарбӣ модари ҷанговари интернатсионалисти шаҳидгардида Дурбибӣ Сафароваи 82-соларо, ки писараш Олим Сафаров дар набардҳои ҷанги афғон ҳалок шудааст, аёдат намуданд. Ҳини суҳбат аз матонату иродатмандии ҷанговарони интернатсионалист, ки қарзи худро дар назди Ватан-Модар адо кардаанд, ёдоварӣ карда шуд.

Конференсияи хоинон ё ҷустуҷӯйи маблағгузорон

Имрӯзҳо ташкилотҳои террористию ифротӣ тамоми ҷомеаи байналмилалро фаро гирифтааст. Инчунин шахсоне вуҷуд доранд, ки дар Тоҷикистон ба воя расидаанд, аммо ҳувияти миллиро бо нафси ҳаромашон иваз намуданд. Ба буду набуд  дар зиндагӣ қаноат накарда худашонро ба гирдоби тероризм гирифтор карданд. Барои нафсашонро қонеъ кардан ҳар гуна амалҳои мудҳишро нисбати халқу давлатӣ худ раво дида аз ҷониби роҳбарони хориҷиашон маблағҳои калон ба даст меоранд. Аммо он пулҳои ба дастовардаи онҳо тибқи унсурҳои исломӣ ҳаром ба ҳисоб меравад. Бо вуҷуди ин амалҳо, ТТЭ ҲНИ дар зери шиори паймони  зиддимиллӣ ва дигар ҳамдастонаш амалҳои мудҳиши терористиву ифротиро нисбати мардуми Тоҷикистон ба анҷом расониданианд. Ин бадкирдорон конференсияҳо, нишастҳо ва мусоҳибаҳо бар зидди халқу ватани худ ташкил карда мақсадҳои иғвоангезона ва нопокашонро барраси месозанд.