ДАСТОНИ МОҲИРИ АДРАСМОНИЁН

Дар бинои Маркази таҳсилоти иловагии вилояти Суғд даври вилоятии озмуни "Дастони моҳир" баргузор гардид.

Дар озмуни мазкур хонандагони муассисаҳои таълимии шаҳри Гулистон низ фаъолона иштирок намуданд. Пас аз баҳогузори ҳакамон маълум гардид, ки хонандаи синфи 8 МТМУ рақами 7-и шаҳраки Адрасмон дар бахши "Қолинбофӣ" сазоворо ҷои саввум шуда, бо дипломи дараҷаи се қадрдонӣ карда шуд. Инчунин дар бахши "Пешниҳоди анъанаҳои миллӣ" хонандаи синфи 10-и МТМУ рақами 5-и шаҳраки Адрасмон Салими Паризода барои иштироки фаъолона бо Сипосномаи озмун сарфароз гардид.

ИНТИХОБОТИ МИЁНАДАВРӢ

Санаи 24-уми феврали соли 2019 дар участкаи 1 интихоботӣ (ҳавзаи интихоботии «Балхӣ», №2) воқеъ дар бинои меҳмонхонаи «Далер-777» мутобиқи талаботи моддаи 48  Қонуни конститутсионии Ҷумҳурии Тоҷикистон “Дар бораи интихоботи вакилони Маҷлисҳои маҳаллии вакилони халқ” бинобар пеш аз муҳлат қатъ карда шудани ваколати вакилии Маҷлиси вакилони халқи шаҳри Гулистон интихоботи миёнадаврӣ гузаронида шуд.

Дар ҳавза рӯзи интихобот 473 нафар интихобкунандагон иштирок намуда, ба ҷонибдории номзад ба вакили Маҷлиси вакилони халқи шаҳри Гулистон и.в. Раиси шаҳри Гулистон Фирдавс Шарифзода 76,3 дар сади интихобкунандагон овоз доданд.

Комиссияи дахлдори интихоботӣ доир ба баргузории интихоботи миёнадаврӣ ва интихоби вакил қарори дахлдор қабул намуд.

ҲАНГОМАҲОИ ТАКРОРӢ

Рӯзҳои охир сомонаҳо ва шабакаҳои иҷтимоӣ ба майдони буҳтонсозиҳои ашхоси ғаразнок табдил гаштааст. Ҳамаи ҷойҳоро аз ҳангомасозиҳои марбут ба бозгашти Шарофиддин Гадоев пур сохтаанд. Дигар мавзӯи ҷолиби диққат гӯё барои ин ҷанобон намондааст. Қайд кардан ба маврид аст, ки ин ҷавон дар зери роҳбарӣ ва сарпарастии бевоситаи шахсони номаълуми хориҷӣ ва хусусан дар зери  роҳбарии раиси Паймони зиддимиллӣ  нисбат ба миллат ва сиёсати давлатии Ҷумҳурии Тоҷикистон суханҳои бӯҳтономезу дурӯғинро дар шабакаҳои иҷтимоии интернет пахш менамуд.

Таъиноти кадрӣ

Имрӯз дар бинои Ҳукумати Ҷумҳурии Тоҷикистон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кадрҳоеро, ки ба вазифаҳои роҳбарикунанда дар мақомоти ҳифзи ҳуқуқу тартибот таъин гардиданд, ба ҳузур пазируфтанд.

Бо Фармонҳои Президенти Ҷумҳурии Тоҷикистон Лоиқзода Қаноатшо аз вазифаи раиси ноҳияи Рашт озод гардида, Муқимӣ Раҳимҷон Набизода — иҷрокунандаи вазифаи раиси ноҳияи Рашт таъин гардид.

Тибқи Қарорҳои Ҳукумати Ҷумҳурии Тоҷикистон Раҳмонзода Лолахон Футур бо сабаби ба нафақа баромадан аз вазифаи директори Агентии таъминоти амволи махсуси назди Ҳукумати Ҷумҳурии Тоҷикистон озод гардида, Савзаалӣ Назирзода — директори Агентии таъминоти амволи махсуси назди Ҳукумати Ҷумҳурии Тоҷикистон ва Саидзода Бобоҷон Абдуқодир — муовини якуми директори Агентии таъминоти амволи махсуси назди Ҳукумати Ҷумҳурии Тоҷикистон таъин шуданд.