Боздиди иҷрокунандаи вазифаи Раиси вилоят Раҷаббой Аҳмадзода аз ҶСК “Қолинҳои Қайроққум”

Рӯзи 31 январ иҷрокунандаи вазифаи Раиси вилоят Раҷаббой Аҳмадзода ба шаҳри Гулистон сафари корӣ анҷом дод.

Зимни сафари корӣ ба шаҳри Гулистон Раҷаббой Аҳмадзода таваҷҷуҳи роҳбарияти мақомоти иҷроияи маҳаллиро ба масъалаи ободонии даромадгоҳи шаҳр ҷалб намуд. Бо назардошти минтақаи сайёҳӣ ба ҳисоб рафтани шаҳри соҳили Баҳри Тоҷик, дастур дода шуд, ки ободонии ҳудуди он ба таври зарурӣ ба роҳ монда шавад. Мусаллам аст, ки ба шаҳри Гулистон ҳамасола шумораи зиёди сайёҳони дохиливу хориҷӣ ташриф меоранд. Ҷалби боз ҳам бештари дӯстдорони сайру саёҳат бошад, ба намуди зоҳирӣ ва  ободониву сарсабзии он вобастагӣ дорад. Дар ин замина роҳбарияти шаҳр вазифадор гардид, ки  бо шинонидани дарахтони сояафкан дар  ду канори роҳи назоратӣ,  азнавсозии қитъаи даромадгоҳи шаҳр бо истифодаи сангҳои ороишӣ, насби чароғаки роҳнамои рақамӣ ва кабудизоркунӣ ҳусни шаҳрро боз ҳам афзунтар гардонад.

Мулоқоти Пешвои миллат Эмомалӣ Раҳмон бо Роҳбари ширкати «Салини Импреҷило» (Salini Impregilo) Пиетро Салини

31 январ дар Бӯстонсарои шаҳрии Ҳукумати Ҷумҳурии Тоҷикистон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Роҳбари ширкати «Салини Импреҷило» (Salini Impregilo) Пиетро Салиниро ба ҳузур пазируфтанд.

Дар мулоқот масъалаҳои ҳамкории Тоҷикистон бо Ширкати «Салини Импреҷило» дар бунёду барқарорсозии иншооти гидроэнергетикӣ, аз ҷумла Неругоҳи барқи обии “Роғун” мавриди баррасӣ қарор дода шуд.

1:0 ДАР “ҶАНГ”-И ҲУКУМАТ БО ОППОЗИТСИЯ

Бисёриҳо ҷудоии афтода дар байни гурӯҳҳои оппозитсияи тоҷик, аз ҷумла қатъи ҳамкории "Гуруҳи 24” бо ҲНИТ-ро комёбии мақомоти амниятии Тоҷикистон дар амри хунсо кардани хатари мухолифин ба ҳукумат мешуморанд. ҲНИТ, ки дар байни оппозитсия ҳам танҳо мондааст, ҳамчунон ҳадафи рақами як дар "ҷанг”-и Душанбе бо мухолифонаш боқӣ мемонад.

Табрикоти телевизионии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати ҷашни Сада

29.01.2018, шаҳри Душанбе

Ҳамватанони азиз!

Боиси ифтихори ҳар яки мост, ки ба шарофати соҳибистиқлолӣ анъанаву суннатҳо ва ҷашнҳои миллии мардуми куҳанбунёди мо эҳё гардида, арҷгузорӣ ба онҳо сол ба сол бештар шуда истодааст.

Имрӯз ҷашнҳои миллии мо, ки аз қаъри асрҳо ба замони мо расидаанд, ҳоло дар сатҳи давлатӣ, бо рангу ҷилои беҳтар ва бо шукӯҳу шаҳомат таҷлил мегарданд.

Зеро ин ҷашнҳо ёдгоре аз ниёгони ориёии мо буда, мардуми тоҷик онҳоро, аз ҷумла маросими Садаро бо вуҷуди нодида гирифтану монеа эҷод карданҳои зиёд ҳамчун ҷузъи ҷудоинопазири хотираи фарҳангии чандинҳазорсолаи худ ва ба сифати дурдонаҳои гаронбаҳои маънавӣ ҳифз намудаанд.