Мулоқоти Пешвои миллат Эмомалӣ Раҳмон бо зиёиёни мамлакат

19 марти соли 2018 дар Китобхонаи миллии Ҷумҳурии Тоҷикистон Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар остонаи ҷашни фархундаи Наврӯзи байналмилалӣ чун анъанаи накуи баҳорӣ бо зиёиёни мамлакат мулоқоти самимию судманд анҷом доданд.

Дар оғоз Сарвари давлат муҳтарам Эмомалӣ Раҳмон кулли мардуми шарифи тоҷик, ҳамзабонони бурунмарзӣ, мардумони ҳавзаи тамаддуни Наврӯз ва ҳамаи зиёиёни мамлакатро ба ифтихори ин ҷашни хусравонӣ самимона шодбош гуфта, ба ҳамаи онҳо дар Соли нави аҷдодӣ бахту нишот, сулҳу субот, ваҳдати ҷовидона ва ба зиёиёни кишвар нерӯи тоза ва илҳоми эҷодӣ орзу карданд.

Наврӯзии маҳаллаҳо

Фирӯз ШАРИФӢ, сардори КВД Хоҷагии манзилӣ-коммуниалӣ:

- Наврӯзи оламафрӯзро, ки иди солинавии аҷдодии мост, дар корхона бисёр бо ҳисси баланди худогоҳӣ таҷлил карда мешавад. Наврӯзи Аҷам бо таърихи кӯҳан ва шукӯҳу ҷалоли пуршонаш аз ҷониби Созмони Милали Муттаҳид ба ҷашни байналмилалӣ табдил ёфт. Ҷаҳони шудани Наврӯзи мубораки мо бори дигар аз тамаддуни бою ғании қавмҳои ориёӣ башорат медиҳад.

Рӯзи байналимилалии Наврӯз эълон шудани 21-уми март ин шодиву сурур ва ифтихори моро бештар мегардонад. Дар ҳақиқат Наврӯз дар тӯли ҳазорсолаҳо ба фарҳанги як силсила қавму миллатҳо ҳамчун ҷузъи фарҳанги онҳо ворид шудааст.

Таҷлили Рӯзи матбуот

Дар толори хурди мақомоти иҷроияи ҳокимияти давлатии шаҳр бахшида ба Рӯзи матбуоти тоҷик ҷамъомади ботантана баргузор гардид.

Раиси шаҳри Гулистон Матлубахон Амонзода матбуотчиёнро бо иди касбиашон таҳният намуда, доир ба рисолати рӯзноманигорӣ сухан ронд. Тазаккур дода шуд, ки алҳол дар ҳудуди шаҳр як ҳафтаномаи расмии «Соҳил» ва моҳномаи соҳавии «Гулистони дониш» арзи вуқуд доранд. Матбуоти шаҳр ҳамчун оинаи ҳақгӯ буда, воқеиятро ҳаққонӣ инъикос карда, барои таҳкими арзишҳои истиқлолият, ваҳдату ягонагӣ ва таъмини пояндагии сулҳу субот саҳми бориз дорад. Дар ҷамъомад инчунин қайд карда шуд, ки ягона рӯзномаи расмии шаҳр – «Соҳил» 20-сола шуд.

Дасторхони Ҳилоли Аҳмар

Дар толори меҳмонхонаи «Далер-777» бо дастгирии мақомоти иҷроияи ҳокимияти давлатии шаҳр ва ибтикори Ҷамъияти Ҳилоли Аҳмари Тоҷикистон дар вилояти Суғд барои 50 нафар модарон ва бонувони бесаробонмонда дасторхони идона ва туҳфаҳо ба ифтихори Рӯзи Модар ташкил ва гузаронида шуд.

Дар ибтидо мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Илҳом Мадализода модаронро аз номи Раиси шаҳри Гулистон Матлубахон Амонзода таҳният намуд. Сипас Котиби иҷроияи ҶҲАТ дар вилояти Суғд, ҳамзамон вакили Маҷлиси вакилони халқи ноҳияи Бобоҷон Ғафуров Парвиз Ҷабборзода, донишманди шинохта ва маъруф Саидумрон Саидов модаронро бо ҷашни ҳумоюни Рӯзи Модар муборакбод намуданд.