Рўзи якшанбе 15-уми май дар маркази шаҳр чорабинии калони варзишӣ – Дави миллӣ, дар доираи “20 Рўзи ҷавонӣ” ба ифтихори Рўзи ҷавонони Тоҷикистон таҳти унвони “Ҷавонон – пайрави Пешвои миллат ва муҳофизони дастовардҳои 25 – соли Истиқлолияти давлатии Ҷумҳурии Тоҷикистон!” зери шиори “Солимии ҷавонон – солимии миллат” баргузор гардид.
Аз субҳи барвақт дар назди чорроҳаи Хадамоти оташнишонӣ дўстдорони варзиш, намояндагони ташкилоту корхонаҳо, макотиби миёна сарҷамъ омаданд, то дар чорабинии муҳим – Рўзи Дави миллӣ иштироки фаъолона дошта бошанд.
Дар чорабинӣ варзишгарони синну соли гуногун дар 5 масоҳати муқарраршуда, бо фарогирии зиёда аз 8100 нафар, аз ҷумла 2700 нафар бонувону духтарон сабқат намуданд.
Муфассал Шарҳ додан
13-уми майи соли 2016 дар Мақомоти иҷроияи ҳокимияти давлатии шаҳр таҳти раёсати Матлубахон Амонзода, Раиси шаҳри Гулистон ҷаласаи корӣ баргузор гардид.
Дар толори шуъбаи маориф маросими расмии рўнамоии китоби полковники мустаъфӣ, нафақагири кумитаи амният Султон Каримбердиев «Пайраҳаҳои пурпечутоби қисмат», ки чанде пеш дар нашриёти ҶСК «Наби Фахрӣ» бо иқдоми Раиси шаҳри Гулистон Матлубахон Амонзода аз чоп баромад доир гардид. Дар ҳамоиш олимон, муҳаққиқон аз макотиби олӣ ва намояндагони Мақомоти иҷроияи ҳокимияти давлатии ноҳияи Ҷаббор Расулов ва шаҳри Гулистон ширкат доштанд.
Дар муассисаи таълимии №10 бахшида ба Рўзи оила чорабинии идонаи Ҷамоати шаҳраки Зарнисор доир шуд. Дар маҳфили идона котиби Ҷамоат Ғозибой Яҳёев ва сарвари бонувони шаҳрак Шафоат Бобоева иштирок карданд. 5 оилаи шаҳрак, аз қабили Ҳоҷиевҳо, Бобоевҳо, Мирзалиевҳо, Ғафуровҳо ва Кулматовҳо тибқи чор шарти озмун баромад намуда, чун оилаҳои намунавӣ муаррифӣ гардиданд.
