“20 рўзи ҷавонон”- идома дорад

“Ҷавонон пайрави Пешвои миллат ва муҳофизони дастовардҳои 25 соли Истиқлолияти давлатии Ҷумҳурии Тоҷикистон” – таҳти чунин унвон силсилаи чорабиниҳо ҷиҳати дар сатҳи баланди сиёсию фарҳангӣ ва ташкилӣ гузаронидан ба муносибати Рўзи ҷавонони Тоҷикистон тайи 20 рўз идома дорад.

Марбут ба ин самт қарори навбатии Раиси шаҳри Гулистон низ ба тасвиб расидааст.

Чорабинии судманд дар муассисаи таълимӣ

Дар МТМУ-и №14 оид ба фаҳмонидани паҳлўҳои гуногуни Қонуни ҶТ “Дар бораи масъулияти падару модар дар таълиму тарбияи фарзанд” ва пешгирии шомилшавии ҷавонон ба ҳизбу ҳаракатҳои иртиҷоӣ вохўрӣ баргузор гардид.

Мудири шуъбаи кор бо ноболиғони Маркази таҳсилоти иловагии Раёсати маорифи вилоят М.Миркамолов, кормандони Маркази номбурда С.Қобилова, Л.Гадойбоева ва мушовири кабинети методӣ оид ба тарбияи шуъбаи маориф Ф.Фаридунова назди ҳозирин андешаронӣ карданд.

Раҳнамоӣ ба касб

Семинари дастурдиҳӣ дар мавзўи “Тасдиқи Консепсияи роҳнамои касбии хонандагон дар Ҷумҳурии Тоҷикистон” дар МТМУ-и №7 доир гардид.

Мушовири кабинети методӣ оид ба тарбияи шуъбаи маориф Фазилат Фариддунова роҷеъ ба мавзўи зикр гардида маърўза намуд. Ҷонишинони директори гимназияи ба номи Б.Ғафуров Муқаддас Бобоева ва МТМУ-и №12 С.Махсуталиева ба музокира баромаданд. Семинар бо гузаронидани дарсҳои кушод ва дастурҳои мушаххаси таъсисгарон анҷом пазируфт.

Ғалабаи бузург

Муассисаи давлатии “Мактаби варзишии бачагон ва наврасони шаҳри Гулистон” фаъолиятро тибқи нақшаи чорабиниҳо баҳри истиқболи арзандаи ҷашнҳои Ғалабаи бузург Рўзи Ваҳдати миллӣ ва 25-умин солгарди Истиқлолияти давлатии Ҷумҳурии Тоҷикистон роҳандозӣ намуда, дар моҳи апрел бо ҳадафи рушди оммавияти варзиш зиёда аз 30-то чорабиниҳои гуногуни варзишӣ гузаронид. Дар мусобиқаҳои варзишӣ намояндагони ташкилоту корхона, муассисаҳои таълимӣ ва Ҷамоати шаҳракҳо фаъолона иштирок намуданд.