Семинари бозомӯзӣ

Имруз, 8 октябр дар толори Мақомоти иҷроияи ҳокимияти давлатии шаҳри Қайроққум семинари омӯзишии муштараки вакилони Маҷлисҳои маҳаллии вакилони халқи вилоятӣ ва  шаҳрии Қайроққуму Хуҷанд тибқи нақшаи тарҳрезинамудаи  Мақомоти иҷроияии ҳокимияти давлатии вилоят  баргузор гардид.

Семинари омӯзиширо Раиси шаҳри Қайроққум, вакили Маҷлиси вакилони халқи вилоят Матлубахон Амонзода ҳусни ифтитоҳ бахшид. Зимни баромад таъкид гардид, ки иқдоми Раиси вилояти Суғд Абдураҳмон Қодирӣ оид ба гузаронидани курси омӯзишӣ барои вакилон хеле муфиду саривақтӣ буда, махсусан ба вакилони бори аввал интихоб гардида аҳамияти муфид дорад. Вакилон бояд бо Мақомоти иҷроияи ҳокимияти давлатии шаҳр ҳамеша ҳамкориро густариш дода баҳри амали гардонидани барномаҳои пешазинтихоботии худ тадбирҳои мушаххас андешанд, -зикр дошт Раиси шаҳр.

Пленуми Шӯрои собиқадорон

8 октябр дар толори шуъбаи маориф пленуми Шӯрои собиқадорони ҷангу меҳнати шаҳр доир гардид. Пленум бо баромади раиси Шӯрои собиқадорони ҷангу меҳнати вилоят Муҳсин Раҳимов оғоз ёфт. Иштирокчиён 4 масъаларо мавриди баррасӣ қарор доданд.

Аъзоёни Шӯро Н.Мирзорахимова, Т.Эгамбердиев ва А.Қодиров аз рӯи масъалаи якум оид ба интихоби раиси Шӯро баромад карда номзадии М.Файзуллоевро пешниҳод намуданд. Дар натиҷаи овоздиҳии кушод Муҳаммадҷон Файзуллоев раиси Шӯрои собиқадорони ҷангу меҳнати шаҳри Қайроққум интихоб гардид.

Роҳҳои ҷалби ҷавонон ба китобхонӣ

Имруз, 7 октябр дар толори хониши китобхонаи марказии шаҳри Қайроққум бо ибтикори Вазорати фарҳанги ҶТ семинари омӯзишӣ минтақавии кормандони китобхонаҳо аз шаҳрҳои Истиқлол, Қайроққум, Чкалов ва ноҳияи Б.Ғафуров барпо гардид.

Директори китобхона Бибиомина Мирзоева семинарро ифтитоҳ намуд. Мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Илҳом Мадализода иштирокдорони ҳамоишро аз номи Матлубахон Амонзода, Раиси шаҳри Қайроққум хайра мақдам гуфта, аз таърихи шаҳр ва фаъолияти корхонаҳои саноатӣ муфассал маълумот дод.

«Забон ҳастии миллат»

5 - уми октябр дар толори хониши китобхонаи системаи марказонидашуда бо чунин унвон маҳфили адабӣ ба ифтихори Рӯзи забони давлатӣ доир гардид.

Дар чорабинӣ намояндагони илму адаб, фарҳанг ва ихлосмандони шеъри Аҷам иштирок доштанд. Директори боргоҳи маърифат Бибиомина Мирзоева оид ба забон ва мавқеи он дар ҷомеа сухан гуфта хидматҳои назарраси Президенти мамлакат Эмомалӣ Раҳмонро дар рушди забони тоҷикӣ таъкид намуд. Назди ҳозирин узви доираи адабии «Илҳом» Рафоат Худойдодова, навқалам аз гимназияи ба номи Б.Ғафуров Умедҷон Ҳоҷиев намунаҳо аз  эҷодиёти хешро қироат карданд. Толибилмони муассисаҳои таълимии маркази шаҳр Усмонбек ва Умарбек  Муллобековҳо, Санавбар Ғаниева вагуруҳи хонандагони суруду саҳначаҳоро манзури ҳузурдоштагон намуданд. Маҳфили «Забон ҳастии миллат» бо саволу ҷавоб ҷамъбаст шуд.