Маърифати оиладорӣ

Ҷанбаҳои маърифати оиладорӣ ва роҳҳои тақвияти он имрӯз таваҷҷуҳи аҳли ҷомеаро ҷалб намудааст.

Дар ин ҷода қарори Ҳукумати Ҷумҳурии Тоҷикистон аз 30-юми декабри соли 2015, № 801 «Дар бораи Консепсияи рушди оила дар Ҷумҳурии Тоҷикистон» бо ҳадафи таҳкими мавқеи оила дар ҷомеа ҳамчун ниҳоди иҷтимоӣ, боло бурдани маърифати оиладорӣ, баланд бардоштани масъулияти падару модар дар таълиму тарбияи фарзанд ба тасвиб расидааст. Ҷиҳати татбиқи қарори мазкур ва қарори Раиси вилоят аз 2-юми феврали соли 2016 №118 қарори навбатии Раиси шаҳри Гулистон аз 29-уми июни соли 2016, №169 ба тасвиб расид.

Ба қарори номбурда нақша – чорабинӣ замима ва масъулини шуъбаю бахшҳои дахлдори МИҲД-и шаҳр, Ҷамоати шаҳракро баҳри амалисозии он муваззаф гардидаанд.

Гулистон: фаъолияти шашмоҳа қаноатбахш

Фаъолони шаҳр 21-уми июли соли ҷорӣ дар маҷлисгоҳи Мақомоти иҷроияи ҳокимияти давлатии шаҳр таҳти раёсати Раиси шаҳри Гулистон  Матлубахон Амонзода фаъолияти хоҷагии халқро дар идомаи шаш моҳи соли 2016, ки аз рўи ин масъала Абдуаҳад Каримов, роҳбари дастгоҳи раиси шаҳр гузориш дод мавриди баррасии амиқу ҳамаҷониба қарор доданд.

-Тайи  шаш моҳ  ба қисми даромади буҷети давлатӣ 42,8 млн. сомонӣ маблағҳои андозу пардохтҳо  ворид гашт, ки он баробар ба 102,3 фоизи нақшаи пешбинишуда мебошад. Дар натиҷа ба буҷет 964,5 ҳазор сомонӣ аз нақша зиёд маблағ ворид гардид.  Нақшаи даромади буҷети шаҳри 102,7 фоиз иҷро ва зиёда аз нақша 324,6 ҳазор сомонӣ маблағ ворид гардид. Аз ёздаҳ намуди андозҳо  ду намуди андоз: андози даромад аз шахсони воқеӣ, андоз тибқи низоми соддакардашуда таъмин карда нашуд, - зикр дошт баромадкунанда.

Боз 100 ҷойи нави корӣ дар «Апрелевка»

Ҷиҳати амалисозии дастуру супоришҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба муҳайё кардани ҷойҳои нави корӣ ва дар ин замина бунёди иншооту коргоҳҳои истеҳсолӣ дар ҶМ ТКММ «Апрелевка» боз қадаме ба пеш гузошта шуд.

16-уми июли соли равон дар минтақаи кони амалкунандаи ҶМ ТКММ «Апрелевка» иншооти нодир оид ба тўдаи ишқорронии маъдан мавриди баҳрабардорӣ қарор гирифт. Шурўъ аз соли 1985 то ба имрўз ин ҷо зиёда аз 2,5 миллион тонна маъдани истихроҷшудаи камбағал, ки дар таркибаш миқдори ками тилло мавҷуд аст захира шудааст. Ба хотири коркарди самаранокии ин маъдани истихроҷшуда иншооти мазкур ба истифода дода шуд. Иқтидори коркарди маъдани мазкур тавассути иншооти нав 250-300 ҳазор тоннаро ташкил дода, дар як сол то 115-120 кило металли рақами 1 истеҳсол мешавад.

Тадбирҳо баҳри амалисозии талаботи иҷтимоию иқтисодии ҷавонон

15-уми  июли соли 2016 иҷлосияи ҳафтуми Маҷлиси вакилони халқи шаҳр. даъвати панҷум, дар маҷлисгоҳи Мақомоти иҷроияи ҳокимияти давлатии шаҳр таҳти Раёсати Раиси шаҳри Гулистон, Раиси Маҷлиси вакилони халқи шаҳр Матлубахон Амонзода баргузор гардид. Дар кори иҷлосия аз 35 нафар вакилон 30 нафар иштирок намуданд. Бо садо додани Суруди миллӣ ва интихоби котибот иҷлосия оғоз ёфт.

Ба баррасии иҷлосияи ҳафтуми Маҷлиси вакилони халқи шаҳр, даъвати панҷум  чор масъала пешниҳод карда шуд.

Доир ба «Рафти иҷрои қарори Ҳукумати Ҷумҳурии Тоҷикистон аз 4-уми октябри соли 2011, № 480 «Дар бораи тасдиқи Стратегияи сиёсати давлатии ҷавонон дар Ҷумҳурии Тоҷикистон то соли 2020» муовини Раиси шаҳри Гулистон Ғайратҷон Оқилов гузориш дод. Номбурда оид ба тадбиқи Стратегияи сиёсати давлатии ҷавонон  дар шаҳр, корҳои иҷрошуда доири амалисозии талаботи иҷтимоию иқтисодии ҷавонон, рушди зеҳнӣ ва ҷисмонии онҳо ҳарф зад.