Табрикоти Раиси шаҳри Қайроққум Матлубахон Амонзода бахшида ба 24-солагии Истиқлолияти давлатии Ҷумҳурии Тоҷикистон

Ҳамшаҳриёни гиромӣ!

Бисту чор сол муқаддам 9 сентябри соли 1991 муҳимтарин воқеаи таърихии сарнавишти миллати тоҷик – Истиқлолияти давлатии Ҷумҳурии Тоҷикистон ба вуҷуд омад, ки барои ҳар яки мову шумо иди муқаддас ва азизтарин маҳсуб меёбад.

Чуноне, ки Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон зикр доштаанд, истиқлолият волотарин ва боарзиштарин дастоварди миллати тоҷик дар масири даҳ асри охир буда, рамзи соҳибдавлатӣ ва ватандорӣ, нишонаи ҳуввият ва озодӣ, ифтихор ва номус, бақои симои миллати соҳибихтиёру соҳибдавлати тоҷикон, шиносномаи байналмилалӣ ва шарафу эътибори ба ҷаҳони мутамаддин пайвастани кишвари соҳибистиқлоламон мебошад.

Хушҳолии собиқадорон

Аёдату дидорбинии шахсони барӯманд, ки солҳои дароз ба хадқу ватан софдилона хизмат кардаанд дар арафаи баргузории ҳар иду айём ба ҳукми анъана даромадааст, ки қобили қабули аҳли ҷомеа мебошад.

Дар ин радиф 7 сентябри соли 2015 муовини раиси ҲХДТ Латифзода Асрор ва раиси Кумитаи иҷроияи вилоятии ҲХДТ Сарфароз Юнусов аз рӯзгори собиқадорони меҳнат Санавбар Нуруллоева, Муҳсин Раҳимов ва Шоҳзода Мусобекова дидан ба амал оварда, онҳоро аз номи Сарвари давлат Эмомалӣ Раҳмон ба муносибати 24-солагии Истиқлолияти давлатии Тоҷикистон муборакбод гуфта, дар вазъияти тантанавӣ ба миқдори 1000 сомонӣ маблағи идона супориданд.

Кӯмак ба ниёзмандон

Дар арафаи иди Истиқлолияти давлатӣ бо иқдоми Раиси шаҳри Қайроққум Матлубахон Амонзода 12 нафар эҳтиёҷмандони яккаву танҳо ба монанди Л.Яковеская, В.Самадов, В.Цой, М.Погарелова, В.Терёхин, А.Самадов, Л.Мухина, П.Климентий, М.Усмонова, А.Самадов, Ҳ.Мадалиева ва Ли Роза бо маводҳои хӯрока аз ҷониби кормандони шӯъбаи хизматрасонии иҷтимоӣ дар хона аёдат карда шуданд.

Вохӯрии Раиси шаҳр бо зоирин

Ҳамасола аз ҷумҳурии мо зиёда аз 6000 нафар ба Хонаи Каъба рафта, яке аз рукнҳои муҳими исломро ба ҷо меоранд. 2 сентябр вохӯрии Раиси шаҳри Қайроққум Матлубахон Амонзода бо 26 нафар зиёраткунандагон  доир гардид.

Раиси шаҳр зимни вохӯрӣ ба зоирон таъкид намуд, ки  ҳангоми сафар ба хонаи Худо одоби муоширатро бо намояндагони халқхои дигар ба дараҷаи баланд риоя кунанд.  Зеро моро миёни дигар мардуми мусалмон шумоён муаррифгар ҳастед. Нозукиҳои ҳаҷро бояд омӯхту амал кард. Дар  машғулиятҳои пеш аз сафар аз худ фаъолнокӣ мебояд. Тавре мегӯянд «Шахси огаҳ ба хато роҳ намедиҳад»,- Матлубахон Амонзода ба аҳли зоирин  роҳи сафед таманно кард.