Рӯзи ягонаи ахбор

17 декабр дар шаҳри Қайроққум Рӯзи ягонаи ахбор баргузор гардид. Тарғиботчиёни Мақомоти иҷроияи ҳокимияти давлатии шаҳр ба ташкилоту корхона, Ҷамоати шаҳракҳо ва муассисаҳои таълимӣ рафта доир ба Қонуни ҶТ «Дар бораи Асосгузори сулҳу ваҳдати миллӣ – Пешвои миллат» ва ба ин мақоми арзанда сазовор гардидани Эмомалӣ Раҳмон, Президенти Ҷумҳурии Тоҷикистон ва «Таъмини ҳуқуқ ва озодиҳои шаҳрвандон омили асосии рушди иҷтимоӣ» сухан карданд. Намояндагони касбу кори гуногун дар ҷараёни чорабинӣ ибрози назар карда, ин иқдоми муҳимро якдилона ҷонибдорӣ намуданд.

Рӯзи ягонаи ахбор дар бахши фарҳанг, Маркази саломатӣ, ҶСК «Қолинҳои Қайроққум», Ҷамоати шаҳракҳои Чоруқдаррон, Консой, ҶМ ТКММ «Апрелевка», осоишгоҳҳои «Баҳористон», «Шифо», МТМУ-и №1 ва гимназия муташаккилона гузашт.

Ҷаласаи ҳизбиён

Имруз, 16 декабр дар толори МИҲД-и шаҳр ҷаласаи васеи Кумитаи иҷроияи шаҳрии ҲХДТ доир гардид.  Раиси Кумитаи иҷроияи шаҳрии ҲХДТ Каромат Қосимова оид ба фаъолияти ташкилотҳои ҳизбӣ дар ёздаҳ моҳи соли сипаригардида ҳисобот дод. Нахуст баромадкунанда таваҷҷуҳи ҳозиринро ба Қонуни ҶТ «Дар бораи Асосгузори сулҳу ваҳдати миллӣ – Пешвои миллат» ҷалб намуд.

Каромат Қосимова изҳор дошт, ки ин унвон ба Президенти кишвар, Раиси марказии ҲХДТ Эмомалӣ Раҳмон барои ватандори асил ва маҳбуби халқ буданаш сазовор дониста шуд. Аз назари илми сиёсат, зуҳури лидери умумимиллӣ ва пешвои эътирофшудаи давлатӣ як зарурати бисёр ҷиддии давлатдорию давлатсозист. Иродаи қавӣ ва таҷрибаи бузурги Эмомалӣ Раҳмон ҳисси боварию эътимоди мардумро ба дурнамои давлату миллат дар сиришти ҳар як фарди баору номус бедор месозад. Мо ҳизбиёни шаҳри Қайроққум самимона ин иқдомро ҷонибдорӣ менамоем, - хотирнишон намуд баромадкунанда.

Истиқболи гарми қайроққумиён

Дар толори Мақомоти иҷроияи ҳокимияти давлатӣ Раиси шаҳри Қайроққум Матлубахон Амонзода бо фаъолон, мудирони шуъбаю бахш, сарварони иттиҳодияҳои ҷамъиятию сиёсӣ ва намояндагони сохторҳои қудратӣ ҷаласа доир намуд. Дар машварат лоиҳаи Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ-«Пешвои миллат» мавриди ҷонибдорӣ қарор гирифт. Пешниҳоди ин унвони фахрӣ ба Президенти кишвар Ҷаноби Олӣ, муҳтарам Эмомалӣ Раҳмон бо пазироии гарму самимона ва ҳамовозии гарму ҷӯшон аз ҷониби мардуми шарифи шаҳри Қайроққум пазируфта шуд.

-Миллатро сарҷамъ кард, зиёда аз 150 давлатҳои ҷаҳон Тоҷикистонро шинохт, барои ноил гардидан ба зиндагии шоистаи мардум чоряк аср заҳмат кашид. Эмомалӣ Раҳмон аз зумраи сарваронест, ки ба шодиву ғами халқ шарик ва маҳбубияти хосаро соҳиб шуд. Давлатдории  миллат аз вартаи нобудӣ наҷот ва симои ин сиёсатмадори шинохтаро ҷаҳониён шинохтанд, - дар ҷараёни баромад изҳор дошт Матлубахон Амонзода, Раиси шаҳри Қайроққум.

«То тавонӣ ҳеҷ касро бад магӯй…»

Дар МТМУ № 14 ба номи Нурилло Ҳувайдуллоев бо сармавзӯи «Ватанам-Тоҷикистон» машғулияти 91-умини маҳфили муштараку сайёр, илмию методӣ, амалию назариявӣ ва ҳуқуқию доимии «Корвони маънавиёт» баргузор гардид. Дар ибтидо сарвари маҳфил Аълочии маорифи Ҷумҳурии Тоҷикистон Акбаралӣ Усмоналиев роҷеъ ба нақшаву ҳадафҳои маҳфил ибрози андеша карда, роҳбарон ва аъзои 9 зермаҳфилҳоро доир ба ҷараёни он тибқи нақша муваззаф намуд.

Иштирокчиёни маҳфил дар дарсҳои кушоди омӯзгорони муассисаи таълимӣ, аз ҷумла Мавҷуда Атаева (аз фанни математика), Зулайхо Мамадҷонова (аз фанни забони тоҷикӣ), Шоҳида Холиқова (аз фанни адабиёт) ва Баргигул Мамадназарбекова (аз фанни асосҳои давлат ва ҳуқуқ) иштирок намуданд. Дар фарҷоми тадрис дар атрофи дастовардҳои омӯзгорон ва паҳлӯҳои дарсҳои кушод мубодилаи афкор ба вуқӯъ пайваст.