РАИСИ ШӮРОИ МУДИРОНИ ҶСК “ҚОЛИНҲОИ ҚАЙРОҚҚУМ” ЗАФАР АЗИМОВ БО МЕДАЛИ ХИЗМАТИ ШОИСТА САРФАРОЗ ГАРДОНИДА ШУД

30 август дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ифтихори ҷашни 32-солагии Истиқлоли давлатии Ҷумҳурии Тоҷикистон ба кормандони касбу кори гуногун, ки дар фаъолияти корӣ натиҷаҳои назаррас доранд, мукофот ва унвону ҷоизаҳои давлатии Ҷумҳурии Тоҷикистонро супориданд.

Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳозиринро ба муносибати ҷашни муқаддаси миллӣ – 32-солагии Истиқлоли давлатӣ табрик намуда, иброз доштанд, ки дар арафаи ҷашни солгарди истиқлоли давлатии Ҷумҳурии Тоҷикистон бо мукофотҳои давлатӣ сарфароз гардонидани намояндагони касбу кори гуногун, аз ҷумла аҳли зиё, хизматчиёни давлатӣ ва кормандони дигар соҳаҳо нишонаи қадршиносии Ҳукумат дар бунёд ва эъмори давлатдории миллии мо мебошад.

АНИСИ КУНҶИ ТАНҲОӢ КИТОБ АСТ!

Имрӯз, 04.09.2023 дар толори хониши бахши фарҳанги шаҳр мҳфили илмӣ-адабӣ ба ифтихори Рӯзи китоб таҳти унвони “Аниси кунҷи танҳои китоб аст” бо иштироки хонандагони фаъоли китобхона ва ҳайати кормандон баргузор карда шуд.

Дар маҳфили мазкур мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев, мудири шуъбаи таблиғот ва иттилооти КИ ҲХДТ дар шаҳр Раҳимова Муяссар ва директори китобхонаи системаи марказонидашудаи шаҳр Биомина Мирзоева иштирок ва суханронӣ намуданд.

Таъкид карда шуд, ки Санаи 04.09.2007 аз ҷониби Президенти Ҷумҳурии Тоҷикистон муҳтарам Эмомалӣ Раҳмон бо дарназардошти муҳимият ва гиромидошти китоб, китобдорӣ ва китобхонӣ хишти аввали Китобхонаи миллии Тоҷикистон гузошта шуда, 4 сентябр дар мамлакат Рӯзи китоб эълон гардид.

ҶАЛАСАИ КОРИИ НАЗДИ РАИСИ ШАҲР БАРГУЗОР ГАРДИД

Имрӯз, 04.09.2023 дар толори хурди мақомоти иҷроияи ҳокимияти давлатии шаҳр ҷаласаи кории назди Раиси шаҳр баргузор гардид.

Дар кори ҷаласа муовини якум, муовинон ва роҳбари дастгоҳи Раиси шаҳр, мудирони шуъбаву бахшҳо, раисони ҷамоати шаҳракҳо, роҳбарони мақомотҳои ҳифзи ҳуқуқ ва дигар шахсони дахлдор иштирок намуданд.

Дар ҷаласа масъалаҳои омодагӣ ба баргузории ярмарка-фурӯши маҳсулоти кишоварзӣ, саноатӣ, ҳунарҳои мардумӣ ва таомҳои миллӣ, ки бахшида ба 32-солагии истиқлоли давлатӣ дар Боғи фарҳангию фароғатии ба номи Абулқосими Фирдавсии шаҳри Душанбе баргузор мегардад, рафти иҷрои қарори Раиси шаҳр аз 21 июни соли 2023, “Дар бораи гузаронидани омӯзиши пешаздаъватӣ ва омода намудани шаҳрвандони солҳои таваллуди 1996 – 2005 ба хизмати ҳарбӣ”, рафти иҷрои қарори Раиси шаҳр аз 29.08.2023, №183 “Дар бораи муташаккилона гузаронидани маъракаи қабули Обуна ба рӯзномаю маҷаллаҳои ҷумҳуриявӣ, вилоятӣ ва маҳаллӣ барои соли 2024” ва масъалаҳои ҷорӣ мавриди баррасӣ қарор дода шуданд.

Шаҳрамонро якҷоя обуду хуррам мекунем!

Тибқи барқияи Мақомоти иҷроияи ҳокимияти давлатии вилояти Суғд ва нақшаи кории мақомоти иҷроияи ҳокимияти давлатии шаҳр имрӯз, 02.09.2023 намояндагони ҷомеаҳои меҳнатии корхонаву муассисаҳо, ташкилоту идораҳо, кормандони соҳаҳои тандурустӣ, маориф, фарҳанг дар маркази шаҳр ба шанбегӣ баромаданд.

Гулистониён тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар боби ободу зебо гардонидани маҳалли зист, хиёбонҳо, гулгашту майдонҳо, кӯчаҳо ва маҳалли зист корҳои мушаххас роҳандозӣ менамоянд.

Дар шанбегии имрӯза аҳли ҷомеаи меҳнатии шаҳр шафати роҳи асосӣ, атрофи корхонау муассиса ва хиёбону гулгаштҳоро аз хасу хошок ва алафҳои бегона тоза намуданд.