ТАҚДИМИ ЛИБОСИ МАКТАБӢ БА ЯТИМОН

Дастгирии қишри ниёзманди ҷомеа яке аз самтҳои асосии сиёсати иҷтимоии давлат маҳсуб ёфта, тибқи дастуру супоришҳои доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Мақомоти иҷроияи ҳокимияти давлатии шаҳри Гулистон бахшида ба иду ҷашнҳои давлатӣ ва суннатӣ ба онҳо пайваста кумакҳои моливу молиявӣ мерасонад.

Имрӯз, 29 августи соли 2023 дар толори хурди мақомоти иҷроияи ҳокимияти давлатии шаҳр маросими анъанавии супоридани либосҳои мактабӣ ба ятимон ба вуқӯъ пайваст. Раиси шаҳр Раъно Ҳошимзода дар ибтидо кулли мактаббачагонро бо фарорасии соли хониши 2023-2024 муборакбод гуфта барояшон хониши хубу аъло таманно намуд.  Сипас, ба 60 нафар ятимон либоси мактабӣ тақдим карда шуд.

Зикр гардид, ки дастгирии ятимону қишри ниёзманди аҳолӣ ҳамеша дар зери назари Ҳукумати Ҷумҳурӣ қарор дорад.

Вохӯрӣ бо омӯзгорони муассисаи таҳсилоти миёнаи умумии №7-и шаҳраки Адрасмон

Санаи 25.08.2023 тибқи нақшаи кории мақомти иҷроияи ҳокимяити давлатии шаҳр, шуъбаи маориф ва нақшаи кории Иттифоқи ҷавонони Тоҷикистон дар шаҳр  дар муассисаи таҳсилоти миёнаи умуми №7-и маркази шаҳраки Адрасмон бо омӯзгорони муассиса вохӯрӣ доир ба тақвияти корҳои таълиму тарбия дар соли нави хониш, тарбияи хонандагон дар рӯҳияи ватандӯстӣ, пешгирии таълимоти ғайрирасмии динӣ, пешгирии ҷинояткорӣ ва шомил шудан ба ҳар гуна ҳизбу ҳаракатҳо баргузор гардид.

Дар вохӯрии мазкур мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев, сармутахассиси шуъбаи маорифи шаҳр Гулрабо Ҷабборӣ, сармутахассиси бахши кор бо ҷавонон ва варзиши шаҳр Наимҷон Шарифов ва Зулфия Ҷумаева китобдори шуъӣаи маорифи шаҳр иштирок ва суханронӣ намуданд.

Зикр карда шуд, ки пас аз рӯзҳои башумор соли нави хониш оғоз мегардад. Бинобар ин мебояд, ки ба таълиму тарбияи хонандагон таваҷҷуҳи ҷиддӣ дода шуда, дар ин самт иштироки фаъолонаи хонандагон дар озмуну олимпиадаҳои ҷумҳуриявӣ таъмин карда шавад ва бо дастоварди шоиста онҳо муаррифгари муассисаву шаҳр гарданд.

Шиносоӣ бо омодагии муассисаҳои таълимии маркази шаҳраки Адрасмон ба соли нави хониш ва зимистонгузаронӣ

Санаи 25.08.2023 гурӯҳи кории мақомоти иҷроияи ҳокимияти давлатии шаҳр дар ҳайати мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев, сармутахассиси шуъбаи маорифи шаҳр Гулрабо Ҷабборӣ, сармутахассиси бахши кор бо ҷавонон ва варзиши шаҳр Наимҷон Шарифов ва Зулфия Ҷумаева китобдори шуъбаи маорифи шаҳр аз муассисаҳои таҳсилоти миёнаи умумии №5, №7, №13 ва муассисаи таълимии томактабии №21-и маркази шаҳраки Адрасмон ҷиҳати омодагии муассисаҳои таълимӣ ба соли нави хониш, пурра аз таъмир баровардани муассисаҳо ва омодагӣ ба давраи тирамоҳу зимистони солҳои 2023-2024 дидан намуданд.

Ҳангоми боздид маълум гардид, ки муассисҳаои таҳсилоти миёнаи умумии №5, №7, №13 ва муассисаи таълимии томактабии №21-и маркази шаҳраки Адрасмон ҷиҳати омодагӣ ба соли нави хониши 2023-2024 тадбирҳои зарурӣ андешида, ҳамаи синфхонаҳоро аз таъмир бароварда барои оғози соли нави хониш омодагии ҳамаҷониба дидаанд.

Дар ҳамаи муассисаҳо таъмини хонандагон бо сарулибоси ягонаи мактабӣ бо маром ҷараён дорад ва тибқи иттилои масъулин то оғози соли нави хониш хонандагон бо сарулибоси ягонаи мактабӣ таъмин карда мешаванд.

Ҷаласаи Комиссияи ҳудудии муқовимат ба савдои одамон дар назди мақомоти иҷроияи ҳокимияти давлатии шаҳр баргузор гардид

Санаи 24.08.2023 таҳти раёсати муовини якуми Раиси шаҳр Даврон Муҳаммадзода тибқи нақшаи кории Комиссияи ҳудудии муқовимат ба савдои одамон дар назди мақомоти иҷроияи ҳокимияти давлатии шаҳри ҷаласаи корӣ баргузор гардид.

Дар кори ҷаласаи аъзои Комиссия ва дигар шахсони масъул иштирок намуданд.

Тибқи рӯзномаи ҷаласа масъалаҳои зерин мавриди баррасӣ ва муҳокима қарор дода шуданд. Баррасӣ ва таҳлили рафти иҷрои Нақшаи дохилиидоравии муқовимат ба савдои одамон дар назди мақомоти иҷроияи ҳокимияти давлатии шаҳр барои солҳои 2022 – 2024 ва азифагузориҳо ба аъзои Комиссия.

Таъкид карда шуд, ки сиёсати давлатӣ дар самти муқовимат ба савдои одамон бо назардошти вазъияти дохилӣ ва берунии муқовимат ба савдои одамон, ҳолати воқеӣ, тамоюл ва пешгӯии афзоиши ин намуди ҷинояткорӣ, инчунин ҳолати расонидани кумак ба қурбониёни савдои одамон дар асоси қонунгузории Ҷумҳурии Тоҷикистон ва санадҳои ҳуқуқии байналмилалии эътирофнамудаи Тоҷикистон, ки ба мубориза бар зидди ҷинояткории муташаккилонаи трансмиллӣ, савдои одамон ва расонидани кумак ба қурбониёни ҷиноятҳои зикргардида равона шудаанд, ташаккул меёбад.