Паёми табрикотии Раиси шаҳри Гулистон Раъно Ҳошимзода ба муносибати Рӯзи дониш

Омӯзгорону хонандагони азиз!

Боиси ифтихор аст, ки аз файзу баракати Истиқлол ва суботу амнияти кишвари азизамон тамоми муассисаҳои таълимӣ чун анъана дарҳои худро ба рӯи хонандагон боз намуда, онҳоро боз ба оғӯши маърифату маънавият фаро мегиранд.

Ба муносибати Рӯзи дониш кулли устодону донишҷӯёнро самимона муборакбод гуфта, бароято дар соли нави таҳсил муваффақияту комёбиҳои беназирро таманно менамоям.

Давлати соҳибистиқлоли мо дар партави сиёсати маорифпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста ба инкишофи  илму маърифат, такомули раванди таълиму тарбия ва баланд бардоштани сатҳи маънавиёти ҷавонон ғамхорӣ зоҳир менамояд.

ВОХӮРИИ СУДМАНД БО СОКИНОН

Санаи 28.08.2023 дар кӯчаи Дӯстии халқҳои маркази шаҳр тибқи нақшаи кории мақомоти иҷроияи ҳокимияти давлатии шаҳр ва кумитаи иҷроияи ҲХДТ дар шаҳр бо истиқоматкунандагон вохӯрӣ оид ба ҷалби сокинон барои кор дар Неругоҳи барқӣ-обии Роғун, риояи Қонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, “Дар бораи танзими анъана ва ҷашну маросим дар Ҷумҳурии Тоҷикистон” ва пешгирии терроризму экстремизм баргузор гардид.

Дар вохӯрии мазкур мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев ва раиси кумитаи иҷроияи ҲХДТ дар шаҳр Муслимахон Ҷамолиён иштирок ва суханронӣ намуданд.

Зикр гардид, ки имрӯзҳо мардуми бо нангу номуси тоҷик бо меҳнати фидокоронаи худ дар Неругоҳи барқӣ-обии Роғун фаъолият намуда истодаанд. Имрӯзҳо дар ин Кохи нур кормандон аз рӯйи ихтисосҳои гуногун ба кор қабул карда мешаванд ва хоҳишмандон метавонанд барои муроҷиат ба кумитаи иҷроияи ҲХДТ дар шаҳр муроҷиат намоянд.

ТАҚДИМИ ЛИБОСИ МАКТАБӢ БА ЯТИМОН

Дастгирии қишри ниёзманди ҷомеа яке аз самтҳои асосии сиёсати иҷтимоии давлат маҳсуб ёфта, тибқи дастуру супоришҳои доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Мақомоти иҷроияи ҳокимияти давлатии шаҳри Гулистон бахшида ба иду ҷашнҳои давлатӣ ва суннатӣ ба онҳо пайваста кумакҳои моливу молиявӣ мерасонад.

Имрӯз, 29 августи соли 2023 дар толори хурди мақомоти иҷроияи ҳокимияти давлатии шаҳр маросими анъанавии супоридани либосҳои мактабӣ ба ятимон ба вуқӯъ пайваст. Раиси шаҳр Раъно Ҳошимзода дар ибтидо кулли мактаббачагонро бо фарорасии соли хониши 2023-2024 муборакбод гуфта барояшон хониши хубу аъло таманно намуд.  Сипас, ба 60 нафар ятимон либоси мактабӣ тақдим карда шуд.

Зикр гардид, ки дастгирии ятимону қишри ниёзманди аҳолӣ ҳамеша дар зери назари Ҳукумати Ҷумҳурӣ қарор дорад.

Вохӯрӣ бо омӯзгорони муассисаи таҳсилоти миёнаи умумии №7-и шаҳраки Адрасмон

Санаи 25.08.2023 тибқи нақшаи кории мақомти иҷроияи ҳокимяити давлатии шаҳр, шуъбаи маориф ва нақшаи кории Иттифоқи ҷавонони Тоҷикистон дар шаҳр  дар муассисаи таҳсилоти миёнаи умуми №7-и маркази шаҳраки Адрасмон бо омӯзгорони муассиса вохӯрӣ доир ба тақвияти корҳои таълиму тарбия дар соли нави хониш, тарбияи хонандагон дар рӯҳияи ватандӯстӣ, пешгирии таълимоти ғайрирасмии динӣ, пешгирии ҷинояткорӣ ва шомил шудан ба ҳар гуна ҳизбу ҳаракатҳо баргузор гардид.

Дар вохӯрии мазкур мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев, сармутахассиси шуъбаи маорифи шаҳр Гулрабо Ҷабборӣ, сармутахассиси бахши кор бо ҷавонон ва варзиши шаҳр Наимҷон Шарифов ва Зулфия Ҷумаева китобдори шуъӣаи маорифи шаҳр иштирок ва суханронӣ намуданд.

Зикр карда шуд, ки пас аз рӯзҳои башумор соли нави хониш оғоз мегардад. Бинобар ин мебояд, ки ба таълиму тарбияи хонандагон таваҷҷуҳи ҷиддӣ дода шуда, дар ин самт иштироки фаъолонаи хонандагон дар озмуну олимпиадаҳои ҷумҳуриявӣ таъмин карда шавад ва бо дастоварди шоиста онҳо муаррифгари муассисаву шаҳр гарданд.