Дар кӯчаҳои Хуҷанд ва Гулистон ниҳолҳои ороишӣ шинонида шуд

Дар доираи корҳои ободонию бунёдкорӣ ба истиқболи Иди байналмилалии Наврӯз дар кӯчаву хиёбонҳои шаҳрҳои Хуҷанд ва Гулистон ниҳолҳои ороишию ҳамешасабз шинонида шуд.

Бояд гуфт, ки шуруъ аз рӯзҳои аввали фасли баҳор бо дастури Президенти мамлакат муҳтарам Эмомалӣ Раҳмон ба хотири беҳдошти ҳифзи табиат ва ободонии ҳар гӯшаву канори ҷумҳурӣ маъракаи умумии ниҳолшинонӣ ташкил карда мешавад.

Дар ин раванд бо иштироки Раиси вилояти Суғд Раҷаббой Аҳмадзода нахуст дар кӯчаи Абулқосим Фирдавсии маҳаллаи Ҷаббор Расулови шаҳри Хуҷанд ба корҳои ободонию хуррамгардонӣ оғоз бахшида шуд. Дар ин маҳалла 500 бех ниҳолҳои ҳамешасабз ва беш аз 100 ҳазор кўчати садбарг шинонида шуд.

БАРГУЗОРИИ ТАМРИНОТИ СИТОДИ МУДОФИАИ ГРАЖДАНӢ

Санаи 24.02.2023 дар асоси нақшаи чорабиниҳои асосии вилояти Суғд оид ба масъалаҳои мудофиаи гражданӣ, пешгири эътино ва рафъи оқибатҳои ҳолатҳои фавқулода барои соли 2023, ки бо қарори Раиси вилояти Суғд аз 6.01. 2023, №11 ва қарори Раиси шаҳри Гулистон аз 21.02.2023, №47 санаи 24 феврали соли ҷорӣ дар шаҳри гулистон тамриноти ситоди мудофиаи гражданӣ дар мавзуи “Амали ҳайати роҳбарикунанда ва қувваю воситаҳои мудофиаи  гражданӣ дар шаҳри Гулистон ҳангоми ба амал омадани ҳолатҳои фавқуллодаи дорои хусусияти табиӣ дошта ва бартараф намудани оқибатҳои он” баргузор карда шуд.

Ҳадафи баргузории ситоди мазкур баланд бардоштани омодагии ҳайати шахсии зернизомҳои вазифавии Низоми ягона, хадамотҳои мудофиаи гражданӣ ва неруҳои ғайриҳарбии мудофиаи гражданӣ баҳри иҷрои вазифаҳои дар наздашон истодаи замонҳои осоишта. Ҳамчунин баланд бардоштани маҳорати ҳайати шахсии зернизомҳои вазифавии Низоми ягона, хадамотҳои мудофиаи гражданӣ ва неруҳои ғайриҳарбии мудофиаи гражданӣ оид ба масъалаҳои ҳифзи аҳолӣ ва эмин нигоҳ доштани онҳо дар вақти рух додани ҳолатҳои фавқулода ва мустаҳкам намудани дониши назариявӣ ва мукаммал намудани малакаи амали ҳайати шахсии мақомтҳои идоракунӣ, ҳайати роҳбарикунандаи зернизомҳои вазифавии Низоми ягона, хадамотҳои мудофиаи гражданӣ ва неруҳои ғайриҳарбии мудофиаи гражданӣ дар иҷрои корҳои наҷотдиҳию таъхирнопазир ва умуман, ҳифзи аҳолӣ ҳудуд, чорво, растаниҳо, моликияти давлатӣ ва хоҷагии халқ.

Иштирок дар ярмаркаи вилоятӣ-фурӯши ниҳол ва кӯчату тухмии гулу зироатҳо ва ҳашари ниҳолшинонӣ дар шаҳр

Имрӯз, 24.02.2023  бо ибтикори мақомоти иҷроияи ҳокимияти давлатии вилояти Суғд дар шаҳри Хуҷанд ярмарка-фурўши ниҳол ва кўчату тухмии гулу зироатҳо гузаронида шуд ва беш аз 1 миллион бех ниҳолҳои гуногун ва гулу буттаҳои ороишӣ пешниҳоди сокинон гардид.

Мақомоти иҷроияи ҳокимияти давлатии шаҳри Гулистон дар ярмаркаи мазкур фаъолона иштирок намуда дар номинатсияи "Гулу буттаҳо" соҳиби мақоми дуюм гардида, бо дипломи дараҷаи 2 ва мукофотпулӣ қадрдонӣ гардид.

Ҳамчунин, нимаи дуюми рӯз дар шафати роҳи асосӣ дар шаҳр ҳашари ниҳолшинонӣ баргузор гардида, 700 бех ниҳоли сафедор ва 100 бех ниҳоли ороишии ҳамешасабзи навъи сӯзанбарг шинонида шуд.

Президенти Ҷумҳурии Тоҷикистон Эмомалӣ Раҳмон дар ҷамъомади тантанавӣ ба ифтихори 30-солагии таъсиси Қувваҳои Мусаллаҳи Ҷумҳурии Тоҷикистон иштирок намуданд

23 феврал дар Кохи Борбад Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи мамлакат муҳтарам Эмомалӣ Раҳмон дар ҷамъомади тантанавӣ ба ифтихори 30-солагии таъсиси Қувваҳои Мусаллаҳи Ҷумҳурии Тоҷикистон иштирок ва суханронӣ карданд.

Президенти мамлакат муҳтарам Эмомалӣ Раҳмон нахуст тамоми хизматчиёни ҳарбии сохторҳои низомӣ ва мақомоти ҳифзи ҳуқуқ, инчунин собиқадорони хизмати ҳарбиро ба ифтихори рӯзи таъсиси Қувваҳои Мусаллаҳи Ҷумҳурии Тоҷикистон самимона табрику таҳният гуфтанд.

Сарвари давлат оид ба таърихи 30 соли дар шароити ниҳоят вазнину ҳассоси иқтисодӣ ва ҳарбиву сиёсии мамлакат таъсисёбии Қувваҳои мусаллаҳи мамлакат, аз имтиҳону озмоишҳои сахту сангин гузаштану ба сохтори муташаккилу боэътимод, неруи пурқудрати ҳимоятгари давлату халқи Тоҷикистон ва яке аз шоҳсутунҳои давлати соҳибистиқлоли Тоҷикистон табдил ёфтанаш андешаронӣ карданд.