ҶАМЪБАСТИ МУСОБИҚАИ ВАРЗИШӢ ОИД БА НАМУДИ ГУШТИНИ ЮНОНӢ-РУМӢ, ДАР ШАҲРИ ГУЛИСТОН

Дар шаҳри Гулистон оид иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир  ба омавигардонии варзиш ва тарзи ҳаёти солим тадбирҳои муассир мунтазам андешида шудаистодааст. Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст.

Лозим ба ёдоварист, ки масъулин ва мураббиёни муассисаи давлатии "Мактаби варзишӣ"-и шаҳр дар ҳамкорӣ бо дигар шаҳру ноҳияҳо, шуъбаи маориф, муассисаҳои таълимӣ, қисмҳои ҳарбӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд. Бо ҳамин мақсад, санаи 04.03.2023, дар толори кохи варзишии гуштини юнонӣ-румӣ-и маркази шаҳри Гулистон,  мусобиқаи гуштини юнонӣ-румӣ ташкил ва баргузор карда шуд.

МОДАР - САРЧАШМАИ ҲАЁТ!

Санаи 04.03.2023 дар Ҷамоати шаҳраки Консойи шаҳри Гулистон чорабинии идона бахшида ба Рӯзи Модар бо иштироки бонувони фаъол ва собиқадорзанони шаҳрак баргузор карда шуд.

Дар чорабиниии идона и.в мудири  бахши кор бо занон ва оилаи мақомоти иҷроияи ҳокимияти давлатии шаҳр Матлуба Сатторова ва раиси ҷамоати шаҳрак бонувонро ба муносибати Рӯзи модар табрику таҳният гуфтанд.

Дар вазъи тантанавӣ бонувони фаъол ва собиқадорзанони шаҳрак бо туҳфаҳои хотиравӣ қадрдонӣ карда шуданд.

Сипас, баҳри болидахотирии модарону бонувон санъаткорони ҷамоати шаҳрак барномаи ранги фарҳангиро манзури иштирокдорони чорабинӣ намуданд.

Вохӯрии судманд ба ифтихори 111-солагии Рӯзи матбуоти тоҷик

Санаи 03.03.2023 тибқи нақшаи тасдиқгардидаи Мақомоти иҷроияи ҳокимияти давлатии вилоят ва шаҳр дар доираи баргузории чорабиниҳо бахшида ба 111-солагии Рӯзи матбуоти тоҷик дар толори МД "Маркази таҳсилоти иловагӣ"-и шаҳри Гулистон бо хонандагони муассисаҳои таълимӣ вохӯрӣ баргузор гардид.

Дар вохӯрии мазкур Фаридуншош Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр, Карим Шариф котиби масъули созмони вилоятии Иттифоқи журналистони Тоҷикистон, Аминҷон Шарифзода сармуҳаррири рӯзномаи вилоятии "Ҳақиқати Суғд" ва Лоҳур Назришозода сармуҳаррири рӯзномаи шаҳрии "Соҳил" иштирок ва суханронӣ намуданд.

Дар вохӯрии мазкур аз таърихи матбуоти тоҷик ёдоварӣ карда шуда, доир ба нақши матбуот дар ҳаёти рӯзмарраи ҷамъиятӣ ва дастовардҳои матбуоти тоҷик зикр карда шуд.

Ҷамъбасти мусобиқаи варзишии волейбол байни бонувон бахшида ба Рӯзи модар, дар ҷамоати шаҳраки Адрасмони шаҳри Гулистон

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир  ба омавигардонии варзиш ва тарзи ҳаёти солим тадбирҳои муассир андешида шуда истодааст.

Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст.

Лозим ба ёдоварист, ки масъулин ва мураббиёни муассисаи давлатии "Мактаби варзишӣ"-и шаҳр дар ҳамкорӣ бо шуъбаи маориф, муассисаҳои таълимӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд.