Вохӯрии судманд ба ифтихори 111-солагии Рӯзи матбуоти тоҷик

Санаи 03.03.2023 тибқи нақшаи тасдиқгардидаи Мақомоти иҷроияи ҳокимияти давлатии вилоят ва шаҳр дар доираи баргузории чорабиниҳо бахшида ба 111-солагии Рӯзи матбуоти тоҷик дар толори МД "Маркази таҳсилоти иловагӣ"-и шаҳри Гулистон бо хонандагони муассисаҳои таълимӣ вохӯрӣ баргузор гардид.

Дар вохӯрии мазкур Фаридуншош Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр, Карим Шариф котиби масъули созмони вилоятии Иттифоқи журналистони Тоҷикистон, Аминҷон Шарифзода сармуҳаррири рӯзномаи вилоятии "Ҳақиқати Суғд" ва Лоҳур Назришозода сармуҳаррири рӯзномаи шаҳрии "Соҳил" иштирок ва суханронӣ намуданд.

Дар вохӯрии мазкур аз таърихи матбуоти тоҷик ёдоварӣ карда шуда, доир ба нақши матбуот дар ҳаёти рӯзмарраи ҷамъиятӣ ва дастовардҳои матбуоти тоҷик зикр карда шуд.

Ҷамъбасти мусобиқаи варзишии волейбол байни бонувон бахшида ба Рӯзи модар, дар ҷамоати шаҳраки Адрасмони шаҳри Гулистон

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир  ба омавигардонии варзиш ва тарзи ҳаёти солим тадбирҳои муассир андешида шуда истодааст.

Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст.

Лозим ба ёдоварист, ки масъулин ва мураббиёни муассисаи давлатии "Мактаби варзишӣ"-и шаҳр дар ҳамкорӣ бо шуъбаи маориф, муассисаҳои таълимӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд.

ҶАМЪБАСТӢ МУСОБИҚАИ НАМУДИ ВАРЗИШӢ ЗЕҲНИИ "ШАШКА ВА ШОҲМОТБОЗИ БЕҲТАРИН", БАЙНИ НАВРАСОНУ ҶАВОНОН ВА СОКИНОНИ КАСБУ КОРИ ГУНОГУН, ДАР ҶАМОАТИ ШАҲРАКИ ЧОРУҚДАРРОНИ ШАҲРИ ГУЛИСТОН

Бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҷиҳати баланд бардоштани тафаккур ва қобилияти зеҳнии ҷавонону наврасон, дар шаҳри Гулистон тадбирҳои зарурӣ ва муассир андешида шудааст.

Дар ҳамин замина нақшаи чорабиниҳои Бахши кор бо ҷавонон ва варзиши шаҳр бо фаргири тамоми муассисаҳои таълимии маркази шаҳр ва ҷамоати шаҳракҳои тобеияти шаҳр, таҳия ва тасдиқ гардида, мавриди корбари қарор гирифтааст. Бо ҳамин мақсад, дар ҷамоати шаҳраки Чоруқдаррон байни наврасону ҷавонон ва сокинони синну соли гуногун  мусобиқа, аз рӯйи намуди варзишӣ зеҳнии "Шашка ва шоҳмотбозӣ беҳтарин", ташкил ва баргузор карда шуд. Ҳамчунин, дар назар аст, ки чунин мусобиқаҳо дар миқёси шаҳр бо ҷалб ва фарогирии ҳарчи бештари наврасону ҷавонон ва сокикони шаҳр баргузор карда шаванд. Ҳадаф аз баргузории чунин мусобиқаҳо пеш аз ҳама ин баланд бардоштани тафаккур ва қобилияти зеҳнии ҷавонону наврасон, дарёфти чеҳраҳои нави варзиш, дар соҳаи шашка ва шоҳмот, таъсис додани дастаҳои шаҳр барои иштирок дар мусобиқаҳои сатҳи вилоятиву ҷумҳуриявӣ ва пешгирии шомилшавии ҷавонону наврасон ба ҳаргуна ҳизбу ҳаракатҳои мамнуъи тундрав маҳсуб ёфта, дар ин баробар омода намудани ҷавонону наврасон барои иштирок, дар давраҳои минбаъдаи  мусобиқаи ҷумҳуриявӣ барои дарёфти Ҷоми Пешвои миллат мебошад.

Хониши сиёсӣ ҷиҳати иҷрои нақшаи чорабиниҳои “Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025”

Санаи  02.03.2023 тибқи нақшаи кории муштараки бахши кор бо ҷавонон ва варзиши шаҳр дар ҳамкорӣ бо шуъбаи рушди иҷтимоӣ ва робита бо ҷомеаи дастгоҳи Раиси шаҳр дар муассисаи таҳсилоти миёнаи умумии №12-и деҳаи Зарчашмаи, ҷамоати шаҳраки Адрасмони шаҳри Гулистон ҷиҳати иҷрои нақшаи чорабиниҳои Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 бо иштироки ҷавонони 14-17 сола ва волидайни онҳо вохӯрӣ баргузор карда шуд.

Дар вохӯрии мазкур Фаридуншоҳ Абдуллоев, мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр ва  Аҳлиддин Абдураҳмонов мудири бахши кор бо ҷавонон ва варзиши шаҳр иштирок ва суханронӣ намуданд.

Зикр карда шуд, ки ҷиҳати пешгирии падидаҳои номатлуби экстремизм ва терроризм  Фармони Президенти Ҷумҳурии Тоҷикистон “Дар бораи Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025” аз 1 июни соли 2021, №187 ба тасвиб расида, дар ин замина қарори Раиси вилояти Суғд аз 17 октябри соли 2021, №485 ва қарори Раиси шаҳри Гулистон аз 18 ноябри соли 2021, №287 ба тасвиб расидааст.