Аёдати афсари Қушунҳои сарҳадии КДАМ Ҷумҳурии Тоҷикистон, ки дар муноқишаҳои охири марзӣ ҷароҳат бардошта буд

Имрӯз, 28.12.2022 тибқи дастуру супоришҳои Пешвои муаззами миллат муҳтарам Эмомалӣ Раҳмон Раиси шаҳри Гулистон Раъно Ҳошимзода бо ҳамроҳии сардори шуъбаи дар шаҳри Гулистон будаи Раёсати Кумитаи давлатии амнияти миллии Ҷумҳурии Тоҷикистон дар вилояти Суғд Лутфулло Иззатов ба муносибати Рӯзи кормандони мақомоти амнияти миллӣ афсари Қушунҳои сарҳадии Кумитаи давлатии амнияти миллии Ҷумҳурии Тоҷикистон Тошев Шерафканро ки дар муноқишаҳои охири марзӣ бо Ҷумҳурии Қирғизистон соли ҷорӣ дар шаҳри Исфара ҷароҳат бардошта буд аёдат намуданд.

Зимни суҳбат Раиси шаҳр Раъно Ҳошимзода таъкид намуд, ки давлату ҳукумат хизматҳои шоёни шахсони ватандӯстро ҳеҷ гоҳ фаромӯш намекунад ва корнамоиҳои онҳоро ҳамеша қадр менамояд.

Ҷамъбасти мусобиқаи ҳарбӣ - варзишии "Ватанпарвар" байни ҷавонон дар Ҷамоати шаҳраки Адрасмони шаҳри Гулистон

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир  ба омавигардонии варзиш ва тарзи ҳаёти солим тадбирҳои муассир андешида шудаистодааст.

Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст.

Бо ҳамин мақсад санаи 27.12.2022, дар  Ҷамоати шаҳраки Адрасмон байни ҷавонон, дар доираи нақшаи чорабиниҳои "Барномаи ватандӯсти ва таҳкими ҳувияти миллии ҷавонони Тоҷикистон барои солҳои 2018-2022"  мусобиқаи ҳарбӣ - варзишӣ  ташкил ва баргузор карда шуд.  Дар фарҷом ба ғолибон диплом ва туҳфаҳои хотиравӣ тақдим карда шуд.

Пешвои миллат Эмомалӣ Раҳмон дар ҷаласаи тантанавӣ бахшида ба иди касбии кормандони мақомоти амнияти миллии Ҷумҳурии Тоҷикистон иштирок ва суханронӣ намуданд

28 декабр Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи тантанавӣ бахшида ба иди касбии кормандони мақомоти амнияти миллии Ҷумҳурии Тоҷикистон иштирок ва суханронӣ намуданд.

Сарвари давлат муҳтарам Эмомалӣ Раҳмон дар оғоз ҳайати шахсии Кумитаи давлатии амнияти миллиро ба муносибати иди касбӣ  шодбош гуфта, ба онҳо дар иҷрои вазифаҳои муҳиму пурмасъули ҳифзу таҳкими асосҳои сохти конститутсионӣ, тамомияти арзӣ, сулҳу субот ва амнияту оромии давлат ва миллати тоҷик барору комёбиҳо таманно намуданд.

Таъкид карда шуд, ки оғози фаъолияти мақомоти амнияти миллии Тоҷикистон ҳамчун сохтори таъйиноти махсуси татбиқкунандаи сиёсати давлат дар соҳаи амнияти миллӣ ва ҳифзи сарҳади давлатӣ ба давраи ниҳоят ҳассосу душвори солҳои 90-уми асри гузашта рост омад ва фаъолияти мақомоти амнияти миллӣ дар баробари дигар мақомоти ҳифзи ҳуқуқ ва сохторҳои низомӣ дар шароити бениҳоят вазнину печидаи ҷамъиятиву сиёсӣ ва мушкилоти молиявию иқтисодӣ барқарор гардида, таҳким бахшида шудааст.

Табрикоти Раиси шаҳри Гулистон Раъно Ҳошимзода бахшида ба Рӯзи кормандони мақомоти амнияти миллӣ

Тибқи Қонуни Ҷумҳурии Тоҷикистон «Дар бораи рӯзҳои ид» ҳамасола 28 декабр ҳамчун Рӯзи кормандони мақомоти амнияти миллӣ ҷашн гирифта мешавад.

Мақомоти иҷроияи ҳокимияти давлатии шаҳри Гулистон бо камоли ифтихору эҳтиром кулли кормандони мақомоти амнияти миллӣ ва кулли собиқадорони соҳаро ба муносибати Рӯзи кормандони мақомоти амнияти миллӣ муборакбод мегӯяд.

Мақомоти амнияти миллӣ яке аз ниҳодҳои муҳим ва калидии амнияти давлатӣ маҳсуб ёфта, дар доираи ваколатҳои худ амнияти шахс, ҷамъият ва давлатро аз таҳдидҳои дохилӣ ва берунӣ таъмин менамоянд.

Ҷоннисориву талошҳои шоистаи ҳар як корманди мақомот дар ин ҷодаи пуршараф аз ҷониби ҳам давлат ва ҳам ҷомеа ба хубӣ эҳсос мегардад.