Амри Президенти Ҷумҳурии Тоҷикистон дар бораи соли 2023 баргузор кардани озмуни ҷумҳуриявии «Тоҷикон» — оинаи таърихи миллат»

АМРИ
ПРЕЗИДЕНТИ ҶУМҲУРИИ ТОҶИКИСТОН

1. Ба ифтихори 115-солагии академик Бобоҷон Ғафуров соли 2023 озмуни ҷумҳуриявии ««Тоҷикон» — оинаи таърихи миллат» баргузор карда шавад.

2. Низомнома, ҳайати комиссия, ҷоизаҳои озмун, саволнома ва руйхати адабиёти тавсияшавандаи озмуни ҷумҳуриявии «Тоҷикон» — оинаи таърихи миллат» тасдиқ карда шаванд (замимаҳои 1, 2, 3, 4 ва 5).

3. Вазоратҳои маориф ва илм, фарҳанг, Академияи миллии илмҳои Тоҷикистон, Иттифоқи нависандагони Тоҷикистон, кумитаҳои телевизион ва радио, кор бо ҷавонон ва варзиш, кор бо занон ва оила, Муассисаи давлатии «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон барои дар сатҳи баланд доир гардидани озмуни мазкур чораҳои зарурӣ андешанд.

Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Узбекистон Шавкат Мирзиёев суҳбати телефонӣ анҷом доданд

Дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Узбекистон муҳтарам Шавкат Мирзиёев суҳбати телефонӣ анҷом доданд.

Сарони давлатҳо масъалаҳои мубрами муносибатҳои Тоҷикистон ва Узбекистонро дар партави тавофуқҳое, ки дар ҷараёни сафари расмии Президенти Ҷумҳурии Тоҷикистон ба Ҷумҳурии Узбекистон рӯзҳои 2-3 июни соли 2022 ҳосил шуда буданд, баррасӣ карданд.

Президентҳо ҳамчунин доир ба масъалаҳои амнияти минтақавӣ ва ҳамкории ду кишвар дар чаҳорчӯби созмонҳои минтақавӣ ва байналмилалӣ табодули назар намуданд.

ДАР ҶАМОАТИ ШАҲРАКИ АДРАСМОН КОРҲОИ ОБОДОНӢ ВА СОЗАНДАГӢ ҶАРАЁН ДОРАНД

Дар Ҷамоати шаҳраки Адрасмон баҳри иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади вусъат бахшидан ба корҳои созандагиву бунёдкорӣ,  ободонию созандагии маҳалли зист ва сазовор пешвоз гирифтани 35-солагии Истиқлолияти давлатии  Ҷумҳурии Тоҷикистон диққати ҷиддӣ дода шуда, корҳо дар самти мазкур идома дорад.

Рӯзи 3-юми июли соли 2022 дар Ҷамоати шаҳраки Адрасмон ҳашари дастаҷамъона бо дастгирии саховатмандон гузаронида шуд. Таъмиру азнавсозии оромгоҳи марказии шаҳрак, гузоштани хати об аз масофаи 1км ва сохтани чоҳ ба оромгоҳ ба миқдори захираи об дар ҳаҷми 5 куб, таъмиру рангубори даромадгоҳ, дарвозаи оромгоҳ, насб кардани симчӯбҳо бо барқ ва тоза кардани гирду атроф ба роҳ монда шуд.

Масъулин азм доранд, ки корҳои созандагиву бунёдкориро дар ҷамоати шаҳрак мунтазам идома диҳанд.

БАРГУЗОРИИ ХОНИШИ СИЁСӢ БО КОРМАНДОНИ СОҲАИ МАОРИФ

Дар асоси нақшаи тасдиқгардидаи  Филиали Иттифоқи ҷавонони Тоҷикистон дар шаҳри Гулистон, имрӯз 04.07.2022, ба ифтихорӣ  сазовор таҷлил намудани 30-солагии Иҷлосияи 16-уми Шӯрои Олии Ҷумҳурии Тоҷикистон, 35-солагии Истиқлолияти давлатии Ҷумҳурии Тоҷикистон, пешгирии тероризму экстромизм  ва тақвият бахшидани фаъолияти филиали Иттифоқи ҷавонони Тоҷикистон дар шаҳр,  дар толори бинои Маркази таҳсилоти иловагӣ бо кормандон ва фаъолони соҳаи маорифи шаҳр хониши сиёсӣ дар мавзуи "Нақши Иҷлосияи 16-уми Шӯрои Олӣ дар барқарорсозии сохти Конститутсионӣ", пешгирии терроризму экстремизм ташкил ва баргузор карда шуд.

Дар чорабинии мазкур мудири бахши кор бо ҷавонон ва варзиши шаҳр ҳамзамон, Раиси филиали Иттифоқи ҷавонони Тоҷикистон дар шаҳри Гулистон Аҳлиддин Абдураҳмонов ва Акрамзода Рашиди Рузи мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр иштирок ва суханронӣ намуданд. Таъкид дошта шуд, ки 30 сол муқаддам, санади сарнавиштсози халқу миллати тоҷик - Иҷлосияи 16-уми Шӯрои Олии Ҷумҳурии Тоҷикистон баргузор гардид.