НИШАСТИ МАТБУОТИИ РАИСИ ШАҲР БАРГУЗОР ГАРДИД

Баҳри иҷрои Амри Президенти Ҷумҳурии Тоҷикистон аз 15-уми сентябри соли 2011 “Дар бораи гузаронидани нишасти матбуотии раисони мақомоти маҳаллии иҷроияи ҳокимияти давлатии шаҳру ноҳияҳо” ва дар асоси Ҷадвали тасдиқшудаи Мақомоти иҷроияи ҳокимияти давлатии вилояти Суғд аз 6-уми июли соли 2022 дар шаҳри Гулистон 18 июли соли 2022 дар толори калони мақомоти иҷроияи ҳокимияти давлатии шаҳр нишасти матбуотии Раиси шаҳр Раъно Ҳошимзода оид ба ҷамъбасти фаъолияти соҳаҳои хоҷагии халқи шаҳр дар давоми шашмоҳи соли 2022 баргузор гардид.

Ба нишасти матбуотӣ ҳайати дастгоҳи Раиси шаҳр, мудирони шуъбаву бахшҳои мақомоти иҷроияи ҳокимияти давлатии шаҳр, раисони ҷамоати шаҳракҳо, роҳбарони корхонаҳо, роҳбарони сохторҳои ташкилоту муассисаҳо ва идораҳои шаҳр даъват гардида буданд.

Дар нишасти матбуотӣ намояндагони воситаҳои ахбори омма аз телевизионҳои Ҷумҳуриявӣ, вилоятӣ, рӯзномаву маҷаллаҳо ширкат доштанд.

Таҷлили рӯзи металлургҳо дар ҶМТКММ “Апрелевка”

Ҳамасола якшанбеи сеюми моҳи июл дар кишвар ҳамчун Рӯзи металлургҳо қайд карда мешавад. Имрӯз, якшанбеи сеюми моҳи июл  Рӯзи металлургҳо дар ҶМТКММ “Апрелевка” таҷлил карда шуд.

Дар оғоз паёми шодбошии Раиси вилояти Суғд ба истиқболи Рӯзи меллургҳо манзур карда шуд.  Зикр карда шуд, ки воқеан соҳаи металлургия дар рушди иқтисодӣ ва пешрафти хоҷагии халқи мамлакатнақши муҳимро доро мебошад.Тоҷикистон, ки кишвари кӯҳсор ва дорои сарватҳои фаровони зеризаминӣ мебошад, таъмини мустақилияти иқтисодӣ, инкишофи муваффақиятноки соҳаҳои иҷтимоӣ ва сатҳи баланди зиндагии аҳолии он бе рушду нумуи саноати коркарди маъданҳои кӯҳӣ аз имкон берун мебошад. Ин аст, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба тараққӣ ва ривоҷу равнақи соҳаи саноат, аз ҷумла металлургия диққату эътибори доимӣ зоҳир менамоянд.

Ғалабаи футболбозони навраси гулистонӣ, дар даври аввали марҳилаи дуюми Чемпионати Тоҷикистон оид ба футбол байни наврасону ҷавонони (U18)-и минтақаи Суғд

Санаи 15 июли соли 2022, дар варзишгоҳи ноҳияи Ҷаббор Расулов  марҳилаи дуюми Чемпионати Тоҷикистон оид ба футбол байни наврасону ҷавонони (U18)-и минтақаи Суғд баргузор гардид.

Дар даври аввали мусобиқоти мазкур футболбозони ҷавонони шаҳри Гулистон бо ҷавонони шаҳри Бӯстон рақобат намуданд.

Дар натиҷа футболбозони ҷавонӣ шаҳри Гулистон ҷавонони шаҳри Бӯстонро бо ҳисобӣ 4-1 мағлуб намуданд.

Баргузори хониши сиёсӣ бо кормандони соҳаи тандурустӣ

Дар асоси нақшаи тасдиқгардидаи  Филиали Иттифоқи ҷавонони Тоҷикистон дар шаҳри Гулистон, санаи 15.07.2022, ба ифтихорӣ  сазовор таҷлил намудани 30- солагии Иҷлосияи 16-уми Шӯрои Олӣ, 35-солагии Истиқлолияти давлатии Ҷумҳурии Тоҷикистон, пешгирии тероризму экстромизм  ва тақвият бахшидани фаъолияти филиали Иттифоқи ҷавонони Тоҷикистон дар шаҳр, бо кормандон ва фаъолони маркази саломатии  шаҳр хониши сиёсӣ дар мавзуи "Нақши Иҷлосияи 16-уми Шӯрои Олӣ дар барқарорсозии сохти Конститутсионӣ", пешгирии терроризму экстремизм, "Танзими расму оинҳо -  кафолати зиндагии шоиста" ташкил ва баргузор карда шуд.

Дар чорабинии мазкур мудири бахши кор бо ҷавонон ва варзиши шаҳр ҳамзамон, Раиси филиали Иттифоқи ҷавонони Тоҷикистон дар шаҳри Гулистон Абдураҳмонов Аҳлиддин ва сармутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев иштирок ва суханронӣ намуда, таъкид доштанд, ки 30 сол муқаддам, санаи сарнавиштсози халқу миллати тоҷик - Иҷлосияи 16-уми Шӯрои Олии Ҷумҳурии Тоҷикистон баргузор гардид. Ба даст омадани Истиқлолият ва ба имзо расидани Созишномаи умумии Истиқрори сулҳ ва ризояти миллӣ, ки 27-уми июни соли 1997-ум ба вуқӯъ пайваст, барҳақ, воқеаи таърихиву тақдирсоз на танҳо барои сокинони кишвар, балки барои кулли ҳаммиллатони бурунмарзиамон низ буд, ки Тоҷикистонро хонаи умеди худ хондаанд.