АЁДАТИ СОБИҚАДОРОН ВА ШАХСОНИ ДОРОИ ИМКОНИЯТАШОН МАҲДУД

Ба муносибати фарорасии Соли нави мелодии 2023 Раиси шаҳри Гулистон Раъно Ҳошимзода дар партави сиёсати инсонпарваронаи Пешвои муаззами миллат муҳтарам Эмомалӣ Раҳмон собиқадорони меҳнат ва шахсони дорои имконияташон маҳдудро аёдат намуд.

Нахуст Раиси шаҳр дар маркази шаҳр собиқадорони меҳнатро аёдат намуд. Сипас, дар Ҷамоати шаҳраки Консой Ёқуббек Сангинов собиқадори соҳаи фарҳанг, Ибодулло Абдуллоев ва Раззоқ Валиев собиқадорони соҳаи кӯҳканиро, ки ҳар се маъюби гурӯҳи дуюм мебошанд аёдат намуд.

Дар рӯзҳои иду айём хабаргириву ҳолпурсии ашхосе, ки барои ҷомеа хизмат намудаанд, ба аъанаи нек табдил ёфта, гувоҳи равшани он аст, ки мардуми мо суннатҳои некро ҳамеша пос медоранд.

ДАСТАРХОНИ ИДОНА БАРОИ 150 НАФАР КӮДАКОН

Имрӯз, 26.12.2022 дар тарабхонаи “Манижа” ба муносибати фарорасии Соли нави мелодии 2023 барои 150 нафар кӯдакони ятими кул, нимятим ва  дорои имконияти маҳдуди ҷисмонӣ бо дастгирии соҳибкори маҳаллӣ дастархони идона ороста шуд.

Раиси шаҳри Гулистон Раъно Ҳошимзода кӯдаконро бо фарорасии Соли нави мелодии 2023 самимома муборакбод намуда, дар ҷодаи таҳсил ва фаъолияти минбаъдаашон барору комёбӣ таманно намуд.

Зикр карда шуд, ки Ҳукумати Ҷумҳурии Тоҷикистон ҷиҳати дастгирии ятимону маъюбон пайваста ғамхорӣ зоҳир менамояд. Баргузории ҷамъомади имрӯза низ, дар пайгирии ин иқдомҳои ҳукумати кишвар роҳандозӣ гардида истодааст.

Гулистон: Ҳамоиши идона ва роҳпаймоӣ ба муносибати қабул гардидани қатънома доир ба эъон гардидани соли 2025 "Соли байналмилалии ҳифзи пиряхҳо" аз ҷониби Созмони Милали Муттаҳид

Имрӯз, 26.12.2022 бо ташаббуси мақомоти иҷроияи ҳокимияти давлатии шаҳр ба муносибати қабул гардидани қатънома доир ба эъон гардидани соли 2025 "Соли байналмилалии ҳифзи пиряхҳо" аз ҷониби Созмони Милали Муттаҳид дар шаҳр бо иштироки кормандони соҳаҳои хоҷагии халқи шаҳр аз ҷумла маориф, тандурустӣ, фарҳанг, ҷамоати шаҳракҳо, коллеҷи тиббӣ, корхонаҳои саноатӣ ва дигар соҳаҳо роҳпаймоӣ ва ҳамоиши идона баргузор карда шуд.
Роҳпаймочиён аз назди майдони Парчами давлатии Ҷумҳурии Тоҷикистон дар шаҳр бо шиору овезаҳои марбут ба иқдомҳои ҷаҳонии Ҷумҳурии Тоҷикистон ва парчамҳои давлатӣ то назди бинои мақомоти иҷроияи ҳокимияти давлатии шаҳр роҳ паймуданд.

Сафари кории Президенти Ҷумҳурии Тоҷикистон Эмомалӣ Раҳмон ба шаҳри Санкт-Петербурги Федератсияи Россия

26 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар вохӯрии ғайрирасмии сарони давлатҳои аъзои Иттиҳоди Давлатҳои Мустақил ба шаҳри Санкт-Петербурги Федератсияи Россия сафар намуданд.

Дар Фурудгоҳи байналмилалии Душанбе Президенти Ҷумҳурии Тоҷикистон Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Раиси Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, Роҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.

Дар ин сафар Президенти Ҷумҳурии Тоҷикистон Эмомалӣ Раҳмонро Ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ ва дигар шахсони расмӣ ҳамроҳӣ менамоянд.