ИДОМАИ СИЛСИЛАВОХӮРИҲО БО ИНТИБХОБКУНАНДАГОН

Вохӯрии Раъно Ҳошимзода номзад ба вакилии Маҷлиси вакилони халқи вилояти Суғд аз ҳавзаи интихоботии “Қайроққум” №15 бо интихобкунандагон дар шаҳри Гулистон

Имрӯз, 12 майи соли 2022 дар толори муассисаи таҳсилоти миёнаи умумии №1-и маркази шаҳр вохӯрии Раъно Ҳошимзода номзад ба вакилии Маҷлиси вакилони халқи вилояти Суғд аз ҳавзаи интихоботии “Қайроққум” №15 бо интихобкунандагон баргузор гардид. Дар вохӯрӣ сокинони касбу кори гуногуни шаҳр ширкат намуданд.

Вохӯриро раиси КИ ҲХДТ дар шаҳр Ҷамолиён М.Ғ. оғоз намуда, номзадҳоро ба вакилии Маҷлиси вакилони халқи вилояти Суғд аз ҳавзаи интихоботии “Қайроққум” №15 ба иштирокчиён муаррифӣ намуд. Сипас, Аҳлиддин Абдураҳмонов шахси боэътимоди Раъно Ҳошимзода номзад ба вакилии Маҷлиси вакилони халқи вилояти Суғд аз ҳавзаи интихоботии “Қайроққум” №15  интихобкунандагон номзадро муаррифӣ намуд.

Номаи табрикии иҷрокнандаи вазифаи Раиси шаҳри Гулистон Раъно Ҳошимзода ба муносибати Рӯзи шашмақом

Аз 12 майи соли 2000 шурӯъ намуда, бо дастури Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамасола дар кишвар12 май ҳамчун Рӯзи шашмақом таҷлил карда мешавад.

Пешвои муаззами миллат муҳтарам Эмомалӣ Раҳмон бо мақсади такмили минбаъдаи анъанаҳои фарҳангии мусиқии халқи тоҷик, дар заминаи арзишҳои аслии санъати мақомхонӣ равнақ додани ҳисси зебоипарастии халқ фармонро «Дар бораи инкишофи минбаъдаи санъати шашмақомхонӣ дар Ҷумҳурии Тоҷикистон» ба имзо расонданд.

Барҳак, шашмақом дар таърихи санъати қадимаи халқи тоҷик мақом ва мавқеи бузург дорад. Ин санъати волоро гузаштагони мо ба хотири дар дувоздаҳ бурҷи осмон гардиш намудани ситорагону сайёраҳо ва дар ҳар бурҷ мақоми хоса зоҳир кардани онҳо силсилаи овозҳои созиву халқӣ ба вуҷуд оварданд, ки аз дувоздаҳ симфонияи азим, яъне аз дувоздаҳ силсиламақом иборат буд.  Минбаъд он ба шаш мақом расонида шуд.

Аёдати иштирокчиёни ақибгоҳи Ҷанги Бузурги Ватании солҳои 1941-1945 дар Рӯзи Ғалаба

Имрӯз, 9 май пас аз таҷлили Рӯзи Ғалаба дар шаҳри Гулистон бо иштироки намояндаи вилояти Суғд, Ғайбулло Муҳиддинов ва иҷрокунандаи вазифаи раиси шаҳри Гулистон Раъно Ҳошимзода аёдати иштирокчиёни ақибгоҳ дар Ҷанги Бузурги Ватанӣ Қурбоной Раҷабова ва София Атоева сурат гирифт.

Ба номбурдагон аз номи Раиси вилояти Суғд ва раиси шаҳри Гулистон кумакҳои пулӣ тақдим карда шуд.

Қурбоной Раҷабова ва София Атоева дар хотима баҳри таҳкими сулҳу субот ва осудагии Ватан дасти дуо бардошта изҳори миннатдории хешро ба Пешвои муаззами миллат муҳтарам Эмомалӣ Раҳмон баён доштанд.

Таҷлили 77-солагии Рӯзи Ғалаба дар Ҷанги Бузурги Ватании солҳои 1941-1945

Субҳи имрӯз, 09.05.2022 дар  Муассисаи давлатии Боғи фароғатӣ-фарҳангии “Темурмалик”-и шаҳри Гулистон ба ифтихори 77-солагии Рӯзи Ғалаба дар Ҷанги Бузурги Ватании солҳои 1941-1945 чорабинии умумишаҳрӣ дар пояи муҷассамаи «Ёдбуд» бо иштироки заҳматкашони ақибгоҳ, ҷанговарони интернатсионалист, муҳофизони сохти конститутсионӣ, чернобилчиён, сокинони маркази шаҳр, намояндагони ҷамоати шаҳракҳо, корхонаву муассисаҳо, ташкилотҳо ва меҳмонон ба вуқӯъ пайваст.

Тантанаҳои таҷлили Рӯзи Ғалаба бо садо додани Суруди миллии Ҷумҳурии Тоҷикистон  оғоз гардид.

Иҷрокунандаи вазифаи Раиси шаҳри Гулистон Раъно Ҳошимзода гулистониёнро ба ифтихори Рӯзи Ғалаба шодбош гуфт. Намояндаи Мақомоти иҷроияи ҳокимияти давлатии вилояти Суғд, директори Маркази стандартизатсия, метрология, сертификатсия ва нозироти савдои вилояти Суғд Ғайбулло Муҳиддинов номаи табрикотии Раиси вилояти Суғд Раҷаббой Аҳмадзодаро ба ифтихори 77-солагии Рӯзи Ғалаба манзури сокинони шаҳри соҳили «Баҳри тоҷик» намуд.