Аёдати собиқадорони соҳаи маорифи шаҳраки Адрасмон

30-юми сентябр Раиси шаҳри Гулистон Раъно Ҳошимзода зимни сафари корӣ дар Ҷамоати шаҳраки Адрасмон собиқадорони соҳаи маориф Турғунбой Тиркашев ва Турдихон Умурзоқоваро аёдат намуд.

Зимни суҳбаи собиқадорон аз фаъолияти касбии хеш ёдовар шуданд. Онҳо дар тарбияи мутахассисони касбӣ дар шаҳрак нақши арзанда гузоштаанд.

Раъно Ҳошимзода таъкид намуд, ки таҳти сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи маориф беш аз пеш рушд намуда истодааст ва мақоми омӯзгор дар ҷомеа баланд бардошта шуда истодааст.

Боздиди Раъно Ҳошимзода аз муассисаҳои таълимии шаҳраки Адрасмон

30-юми сентябр Раиси шаҳри Гулистон Раъно Ҳошимзода зимни сафари корӣ ба Ҷамоати шаҳраки Адрасмон аз муассисаи таълимии томактабӣ №21 ва муассисаҳои таълимии №4 ва №13-и ҷамоати шаҳрак дидан намуд.

Зимни боздид Раиси шаҳр Раъно Ҳошимзода аз вазъи муассисаҳои таълимӣ огоҳ гардид. Иттилоъ дода шуд, ки дар муассисаҳои таълимӣ барои таҳсили хонандагон шароити мусоид фароҳам оварда шудааст. Ҳамчунин, муассисаҳои таълимӣ барои мавсими тирамоҳу зимистони солҳои 2022-2023 омода мебошанд.

Раъно Ҳошимзода ба масъулин ҷиҳати баланд бардоштани сатҳу сифати таълим дастуру супоришҳои мушаххас дод.

Оғози мумфаршкунии роҳҳои деҳаҳои Гулдара ва Гулшани Ҷамоати шаҳраки Адрасмони шаҳри Гулистон

30-юми сентябри соли равон Раиси шаҳри Гулистон Раъно Ҳошимзода  дар доираи корҳои ободониву созандагӣ бахшида ба 30-солагии иҷлосия XVI Шӯрои Олии Ҷумҳурии Тоҷикистон ва истиқболи 35 – солагии Истиқлоли давлатии Ҷумҳурии Тоҷикистон ба мумфаршкунии роҳҳои деҳаҳои Гулдара ва Гулшани Ҷамоати шаҳраки Адрасмон оғози расмӣ бахшид.

Зимни суҳбат бо сокинон ва иштирокдорони маросими оғози корҳои мумфаршкунӣ роҳбари шаҳр аз муҳайё гардидани шароити хуби кору зиндагӣ ба ҳар як сокини мамлакат ва беҳтар шудани вазъи некӯаҳволии халқ ёдовар шуда, бо ташаббус ва саҳми сокинони маҳаллӣ амалӣ гардидани чунин иқдоми ватандӯстонаро намунаи равшани садоқат ва муҳаббат ба сарзамини аҷдодӣ унвон дод.

Номаи табрикотии Раиси шаҳри Гулистон Раъно Ҳошимзода ба муносибати иди касбии Рӯзи омӯзгор

Омӯзгорони арҷманд!

Касби омӯзгорӣ, фаъолияти ҳамарӯзаи муаллими ҳақиқӣ ва заҳматҳои пайвастааш дар роҳи таълиму тарбияи насли наврас, тайёр кардани мутахассисон ва маърифатноксозии мардум сазовори иззату эҳтиром мебошад.

Омӯзгор машъали фурӯзон аст, ки тинати мардумро нур мебахшад. Нақши омӯзгор, махсусан дар даврони соҳибистиқлоли кишварамон ба маротиб афзуд.

Дар замони Истиқлолият дар соҳаи маориф ҷиҳати бунёди муассисаҳои нави таълимӣ ва таҷдиду барқароркунии муассисаҳои таълимӣ дигаргуниҳои зиёде ба амал омад.

Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон муаллимро «Ақл, шарафу виҷдони ҷомеа ва симои асосии он» номидаанд. Ҳукумати Тоҷикистон баҳри пешрафти кори муаллим ва беҳбудии рӯзгори ӯ пайваста ғамхориҳо мекунад.