ПАЁМИ ШОДБОШИИ Пешвои миллат Эмомалӣ Раҳмон ба муносибати иди саиди Фитр

01.05.2022

азиз!

Ҳамаи шумо ва ҳамватанони бурунмарзиамонро ба муносибати фарорасии иди саиди Фитр самимона табрик мегӯям.

Ба ҳар як хонадони кишвар, пеш аз ҳама, тандурустӣ, иқболи нек, рӯзгори босаодат ва ба Тоҷикистони маҳбубамон сулҳу субот ва осоишу ободии рӯзафзун орзу менамоям.

Бо қаноатмандӣ изҳор медорам, ки мардуми шарифи Тоҷикистон дар моҳи мубораки Рамазон, дар баробари адои фаризаҳои динӣ, ба хотири ободии Ватан ва осудагии рӯзгори ҳар як хонадони мамлакат софдилона заҳмат кашиданд ва суннатҳои неки миллиамон – дастгирии ятимону маъюбон, оилаҳои камбизоат ва беморону шахсони бесаробонро вусъат бахшиданд.

Воқеан, ҳикмат ва фазилати моҳи Рамазон ва иди саиди Фитр тарбияи инсони солеҳу хайрхоҳ ва ғамхору савобҷӯй мебошад.

Машварати кории назди и.в. Раиси шаҳр баргузор гардид

Имрӯз, 30 апрели соли 2022 дар толори хурди Мақомоти иҷроиияи ҳокимияти давлатии шаҳри Гулистон машварати кории назди иҷрокунандаи вазифаи Раиси шаҳр баргузор гардид. Дар машварат роҳбари дастгоҳи Раиси шаҳр, мудирони шуъбаву бахшҳо ва воҳидҳои сохторӣ иштирок доштанд.

Раъно Ҳошимзода иҷрокунандаи вазифаи Раиси шаҳр дар доираи дастур ва супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастуру супоришҳои Раиси вилояти Суғд муҳтарам Раҷаббой Аҳмадзода аз масъулин доир ба вазъи соҳаҳои саноат, маориф, тандурустӣ, омодагӣ ба мавсими зимистонгузаронӣ, таъмини хонандагон бо либоси ягонаи мактабӣ, таъмини нақшаи даъвати ҳарбӣ, омодагӣ ба қабули сайёҳони дохиливу хориҷӣ ва корҳои ободонӣ пурсон гардид.

ҲАШАРИ УМУМИШАҲРӢ

Дар шаҳри Гулистон ҷиҳати ободу зебо гардонидани шаҳр ва тозаву озода нигоҳ доштани он ба муносибати Иди саиди Фитр ҳашари умумишаҳрӣ баргузор карда шуд. Дар ҳашари мазкур кормандони ҳамаи соҳаҳои хоҷагии халқи шаҳр иштирок намуданд.

Дар рафти ҳашари умумишаҳрӣ дар маҳаллаҳои дохили шаҳр, атрофи боғи фарҳангӣ фароғатии “Темурмалик”, назди биноҳои баландошёнаи истиқоматӣ, оромгоҳи шаҳр ва дигар гӯшаву канори шаҳр корҳои тозаву озодагардонӣ ба роҳ монда шуд.  Кормандони Корхонаи воҳиди давлатии хоҷагии манзилию коммуналии шаҳр дар баровардани партовҳо ба ҳашарчиён кумак намуданд.

Чунин ҳашарҳо дар ҷамоати шаҳракҳо низ ба роҳ монда шуд. Ҳадаф аз баргузории ҳашарҳои дастаҷамъона баланд бардоштани маърифати шаҳрдорӣ, тозаву озода нигоҳ доштани муҳити зист, пешгирии ҳар гуна бемориҳои сироятӣ ва ба ин васила таъмини беҳдошти солимии ҷомеа мебошад.

Табрикоти иҷрокунандаи вазифаи Раиси шаҳри Гулистон Раъно Ҳошимзода ба муносибати Иди саиди Фитр

Ҳамшаҳриёни гиромӣ!

Боиси шукргузорӣ ва саодатмандист, ки бо шарофати Истиқлолияти давлатӣ, пайкори созандаву бунёдкорона ва сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мардуми сарбаланди Тоҷикистон имсол низ зери фазои сулҳу озодӣ, ваҳдату ҳамдилӣ иди саиди Фитрро ҷашн мегиранд.

Иди саиди Фитр таҷассумгари беҳтарин арзишҳои инсонӣ, файзу баракат, хайру эҳсон ва рӯҳияи инсонпарварона ба ҳисоб рафта, фарорасии ин иди саидро ба кулли сокинони шарафманди шаҳри Гулистон самимона табрик намуда, бароятон сиҳатмандиву саодати рӯзгор ва хайру баракат орзу менамоем.