Матни равон

Мафҳуми варзиш ҳамеша дар ҳаракат буданро талқин менамояд. Мутахассисони соҳаи тиб баҳри саломатии инсон нақши бузургеро молик будани варзишро мудом таъкид доранд. Худи мафҳуми варзиш маънии ҳаракатро талқин менамояд.

–Афзалияти варзиш боз дар он аст, ки вобаста ба паҳну мўътадил дар ҳаракат будани хун кори дил хеле беҳтар мегардад, - мегўяд табиби варзида Насриддин Бадриев.

Басо рамзист, ки дар рўзҳои тантана ва таҷлили 19-умин солгарди Иди Ваҳдати миллӣ шаҳри Гулистон боз соҳиби як ҷаридаи ҳамноми худ «Гулистон» шуд, ки муассисаш шуъбаи маорифи шаҳр маҳсуб ёфта, ҳамчунон, ки аз матолиби нахустшуморааш бармеояд ҳадаф аз таъсиси  моҳвора инъикоси ҳаматарафаи соҳаи маориф, кору бори устодони макотибу муассисаҳои томактабӣ буда, ҳамзамон бархўрдор кардани аҳолӣ аз навтарин иттилооти иҷтимоиву фарҳангист.

Шумораи нахустини «Гулистон» бо  акси Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар иҳотаи насли ояндасози миллат- наврасону кўдакон ва шодбошии Раиси шаҳри Гулистон Матлубахон Амонзода ба арҷгузории Рўзи Ваҳдати миллӣ ба дасти хонандагон расид.

Муҳарририи моҳвораи «Гулистон» ба дўши адибаи хушсалиқа Фарзонаи Зарафшонӣ вогузошта шуда, дар ин ҷода барояш аҳли қалами нашрияи «Соҳил» омадҳои эҷодӣ хоҳон аст.

25-уми июни соли равон дар Кохи Истиқлол бо иштироки Раиси шаҳри Гулистон Матлубахон Амонзода тантанаи бошукўҳи 19-умин солгарди Рўзи Ваҳдати миллӣ баргузор гардид.

Раиси шаҳр Матлубахон Амонзода зимни суханронӣ бори дигар мардуми ҷамъомада ва кулли сокинони шаҳрро бо Иди Ваҳдат - ин рўзи таърихӣ табрику таҳният гуфт.

Дар суханронӣ аз рўзҳои пурдаҳшати ҷанги таҳмилии солҳои 1992-1997 ва вазнинию душвориҳои касношуниди расидан ба сулҳу созиш ёдовар шуд.

Дар толори бахши ҳифзи муҳити зисти шаҳри Гулистон бо иштироки аҳли адаб ва дўстдорони илму фарҳанг ба муносибати 19-умин солгарди Рўзи Ваҳдати миллӣ маҳфили “Адибони ваҳдатсаро” доир гардид.

Маҳфилро мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Илҳом Мадализода ифтитоҳ карда, роҷеъ ба бузургтарин дастоварди миллат – ваҳдату ягонагӣ ҳарф зад. Баъдан намояндаи Мақомоти иҷроияи ҳокимияти давлатии вилоят Ният Ҳаёт, адибони шинохта Муҳаммад Субҳон, Додохони Эгамзод ва Шоири халқии Тоҷикистон Нурмуҳаммад Ниёзӣ, сармуҳаррири нашрияи “Соҳил” Рустамҷон Одизода перомуни саҳифаҳои сабақомўз ва пурарзиши Созишномаи умумии истиқрори сулҳ ва ризоияти миллӣ дар Тоҷикистон андешаронӣ ва чакидаҳои хомаи хешро манзури ҳузурдоштагон намуданд.

Ваҳдати миллӣ беҳтарин дастоварди миллати тоҷик дар  таърихи муосири пурмоҷарову пурпечутоби ўст. Истиқлолият, озодӣ он вақт арзише хоҳанд дошт, ки он ҷо ваҳдати миллӣ бошад. Илму дониши мо, фарҳангу ҳунари мо, таърих ва гузаштаи пурифтихори мо танҳо ва танҳо бо иттиҳод, ваҳдати миллӣ арзиш доранд. Агар мо ваҳдати миллӣ надошта бошем, дар ин дунёи  пурмоҷаро ояндаи миллӣ наметавонем дошта бошем.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон аз аҳамияти таърихии ваҳдат, ки кафили ҳифзи мардум аз парокандагист ёдовар шудаанд:

«Ваҳдат барои мо як воҷаи оддӣ нест, балки номаи тақдири мо, шарти пешрафти кишварамон ба сўи ояндаи ободу осуда ва муҳимтар аз ҳама, кафили сарҷамъию хушбахтии имрўзу ояндаи ҳалқамон аст».

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд

Эълонҳо

  • 1
  • 2
  • 3
  • 4

Боздошти гурӯҳи қочоқчиёни маводи мухаддир / Ахбори Точикистон

Боздошти гурӯҳи қочоқчиёни маводи мухаддир / Ахбори Точикистон   https://youtu.be/ZH0ryjEAOyE

28 Ноя 2019

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

БА ДИҚҚАТИ РОҲБАРОНИ КОРХОНАВУ МУАССИСА, ИДОРАВУ ТАШКИЛОТ, СОҲИБКОРОН ВА САХОВАТМАНДОН

Маблағҳои хайриявии худро барои дастгирии маъюбон, шахсони барҷомонда, ниёзмандон ва ободонии маҳал ба суратҳисоби зерин...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:1097
mod_vvisit_counterРӯзи гузашта:2770
mod_vvisit_counterҲамин ҳафта:15071
mod_vvisit_counterҲафтаи гузашта:19985
mod_vvisit_counterҲамин моҳ:46578
mod_vvisit_counterМоҳи гузашта:96217
mod_vvisit_counterҲамагӣ:2498638

Райъпурсӣ

Сомона чи хел аст?