Заминҷунбӣ дар минтақаи Рашт

Субҳи 10-уми июли соли 2021 дар минтақаи Рашт заминларза ба вуқӯъ омад. Аз он сокинони деҳаҳои Бустон, Кули Калон ва Саричашмаи ҷамоати деҳоти Лангари Шоҳи н.Тоҷикобод, деҳаҳои ҷамоатҳои деҳоти Ҳиҷборак ва  Аскалони н.Рашт  зарари молию ҷонӣ  диданд.

Оғози корҳои мумфаршкунӣ дар кучаи А.Ҷомӣ

Дар партави дастуру супоришҳои Асосгузори сулҳу ваҳдати миллӣ Пешвои миллат Президенти Ҷумҳурии Тоҷикистон, муҳтарам Эмомалӣ Раҳмон бо ҷалби соҳибкорони хайрандеш имруз бо иштироки Раиси шаҳри Гулистон муҳтарам Бахтиёр Саидаҳмадзода оғози корҳои мумфаршкунӣ дар кучаи А.Ҷомӣ шурӯъ гардид.

Дар назар дошта шудааст, ки иқдоми мазкур дар кучаҳои Ҷавонӣ, Бойматов ва дигар паскучаҳои шаҳр идома меёбад.

Гузаронидани корҳои безараргардони дар шаҳри Гулистон

Дар доираи дастуру супоришҳои раиси шаҳри Гулистон муҳтарам Бахтиёр Саидаҳмадзода имруз дар кучаҳо ва партовҷоиҳо корҳои безараргардони ба роҳ монда шуданд.

Тавассути нақлиётҳои обпош бо иштироки намояндагони МИҲД-и шаҳр, КФД «ХМК» ва мутахасисони МНДСЭ-и шаҳр дар кучаҳои Дустии халқҳо, Истиқлол, А.Ҷомӣ ва Мирзо Турсунзода, инчунин дар партовҷойҳо корҳои безараргардонӣ бо мақсади пешгири аз паҳншавии вируси нави коронавирус гузаронида шуд.

ҶАМЪБАСТИ НАТИҶАҲОИ РУШДИ ИҶТИМОИЮ ИҚТИСОДӢ

Дар толори калони мақомоти иҷроияи ҳокимияти давлатии шаҳр таҳти раёсати Раиси шаҳри Гулистон Бахтиёр Саидаҳмадзода ҷаласаи фаъолони шаҳр доир ба ҷамъбасти натиҷаҳои рушди иҷтимоию иқтисодии шаҳри Гулистон дар давоми нимсолаи аввали соли 2021 бо иштироки муовини якум, муовин Раиси шаҳр, роҳбари дастгоҳи Раиси шаҳр, мудирони шуъбаву бахшҳои мақомоти иҷроияи ҳокимияти давлатии шаҳр, роҳбарони воҳидҳои сохтории шаҳр, роҳбарони мақомоти ҳифзи ҳуқуқ, молия, нозироти андоз, роҳбарони корхона, ташкилоту муассисаҳо, раисони ҷамоати шаҳракҳо, намояндагони соҳаҳои маориф, тандурустӣ ва дигар фаъолон доир гардид.

Роҷеъ ба фаъолияти соҳаҳои хоҷагии халқи шаҳр дар давоми нимсолаи якуми соли 2021 муовини Раиси шаҳр Ғайрат Оқилзода маърӯза намуд. Зикр гардид, ки дар давоми шаш моҳи соли 2021 ба қисми даромади буҷети давлатӣ 112,1 миллион сомонӣ маблағҳои андозу пардохтҳо ворид гашт, ки он баробар ба 105,2 фоизи нақшаи пешбинишуда буда, ба буҷет 5,5 миллион сомонӣ аз нақша зиёд маблағ ворид гардид. Нақшаи даромади буҷети шаҳрӣ 108,7 фоиз ба иҷро расонида шуд.