Таваҷҷуҳ ба баланд бардоштани тарбияи ватандӯстӣ, маърифати ҳуқуқӣ, худшиносиву худогоҳии миллӣ ва зиракии сиёсии шаҳрвандон–василаи пешрафт ва пешгирии ҳамагуна омилҳои номатлуб дар ҷомеа!

Имрӯз, 24.04.2024 дар толори МТМУ 12 деҳаи Зарчашмаи  Ҷамоати шаҳраки Адрасмони шаҳри Гулистон  тибқи нақшаи муштараки сохторҳои Мақомоти иҷроияи ҳокимияти давлатии шаҳри Гулистон таҳти унвони “Таваҷҷуҳ ба баланд бардоштани тарбияи ватандӯстӣ, маърифати ҳуқуқӣ, худшиносиву худогоҳии миллӣ ва зиракии сиёсии шаҳрвандон–василаи пешрафт ва пешгирии ҳамагуна омилҳои номатлуб дар ҷомеа!”  бо иштироки шаҳрвандони деҳаи Зарчашма вохурии муфид баргузор карда шуд.

Дар кори мулоқот Шарифҷони Саидраҳмон муовини Раиси шаҳр, Аҳлиддин Абдураҳмонов мудири бахши кор бо ҷавонон ва варзиши шаҳр, Парвиз Кассиров корманди комиссари ҳарбии шаҳр, Сарҳад Баротзода раиси Ҷамоати шаҳраки Адрасмон ва Улуғбек Хоҷаев директори МТМУ №12 иштирок ва суханронӣ намуданд.

Вохурии мазкур бо мақсади ҳамовозӣ бо иқдомҳои пешгирифтаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба қабули Қонуни Ҷумҳурии Тоҷикистон "Дар бораи тарбияи ватандӯстии шаҳрвандон" эълон гардидани соли 2024 «Соли маърифати ҳуқуқӣ»  ва мулоқот бо фаъолони ҷомеа ва ходимони дин ва расонидани мазмун ва муҳтавои онҳо баргузор гардид.

БАРГУЗОРИИ «РӮЗИ МУДОФИАИ ГРАЖДАНӢ»-И НАМУНАВӢ ВА ЯГОНА

Дар асоси фармоиши сардори Раёсати Кумитаи ҳолатҳои фавқулодда ва мудофиаи гражданӣ дар вилояти Суғд аз 02.04.2024, №30, қарори Раиси шаҳри Гулистон аз 05.04.2024, №102 Дар бораи ташкил ва гузаронидани «Рӯзи мудофиаи гражданӣ»-и намунавӣ ва ягона, Нақшаи чорабиниҳои асосии вилояти Суғд ва шаҳри Гулистон оид ба масълаҳои мудофиаи гражданӣ, пешгирӣ, эътино ва рафъи оқибатҳои ҳолтҳои фавқулодда барои соли 2024 ва нишондодҳои ташкилӣ-методӣ санаи 23 апрели соли 2024 дар заминаи муассисаи таҳсилоти миёнаи умумии №8-и шаҳри Гулистон, ҷамоати шаҳраки Сирдарё «Рӯзи мудофиаи гражданӣ»-и намунавӣ бо мақсади тарғиби дониш дар соҳаи мудофиаи гражданӣ, ҳифзи аҳолӣ ва ҳудуд аз ҳолатҳои фавқулодда, такмил ва баланд бардоштани маҳорати амалии хонандагон ва омӯзгорон оид ба рафтор намудан ҳангоми хавфи офатҳои табиӣ ва санҷидани ҳолати омодагии муассисаҳо доир ба мудофиаи гражданӣ дар мавзуи «Заминҷунбӣ» ташкил ва гузаронида шуд.

Чорабинии мазкур бо садо додани Суруди миллии Ҷумҳурии Тоҷикистон оғоз гардид, ки дар он муовини якуми Раиси шаҳри Гулистон Даврон Муҳаммадзода, намояндаи Раёсати Кумитаи ҳолатҳои фавқулодда ва мудофиаи гражданӣ дар вилояти Суғд подполковник Ҳамдамов Д., мудири шуъбаи маорифи шаҳр Каримӣ Дилрабо, директорону омӯзгорони муассисаҳо таҳсилоти миёнаи умумӣ, Колеҷи тиббӣ, муассисаҳои таҳсилоти томактабӣ, хонандагони муассисаи таҳсилоти миёнаи умумии №8 ва донишҷӯёни Колеҷи тиббии шаҳр фаъолона иштирок намуданд.

БАРГУЗОРИИ МАШҚИ ҒАЙРИНАҚШАВИИ МУДОФИАИ ГРАЖДАНӢ ДАР ҶАМОАТИ ШАҲРАКИ АДРАСМОН

Дар асоси барқияи телефонии Раёсати КҲФ ва МГ-и вилояти Суғд аз 22 феврали соли 2024, №22 ва Нақшаи чорабиниҳои асоси бахши Раёсати Кумитаи ҳолатҳои фавкулодда ва мудофиаи граждании вилояти Суғд дар шаҳри Гулистон оид ба масъалаҳои мудофиаи гражданӣ, эътино, пешгирӣ ва рафъи оқибатҳои ҳолатҳои фақулода барои соли 2024, ки бо қарори Раиси шаҳри Гулистон аз 04 январи соли 2024, №3 тасдиқ гардидааст, машқи ғайринақшавӣ мудофиаи гражданӣ дар ҷамоати шаҳраки Адрасмони шаҳри Гулистон 19 апрели соли 2024 дар мавзӯи «Амали ҳайати роҳбарикунанда, қувва ва воситаҳои мудофиаи граждании ҷамоати шаҳраки Адрасмони шаҳри Гулистон ҳангоми рух додани ҳолати фавқулоддаи сел» дар ҳамкорӣ бо ҷамоати шаҳраки Адрасмон ва бахши Раёсати Кумитаи ҳолатҳои фавқулодда ва мудофиаи граждании вилояти Суғд дар шаҳри Гулистон ташкил ва гузуронида шуд.

Барои дар сатҳи баланд ташкил ва гузаронидани машқи мазкур аз тарафи мутахассисони бахши Раёсати Кумитаи ҳолатҳои фавқулодда ба ҷамоати шаҳраки Адрасмони шаҳри Гулистон оид ба дуруст тартиб додани ҳуҷҷатгузорӣ ва дар амал татбиқ намудани он кумакҳои амалию-методӣ расонид.

Дар марҳилаи гузаронидани машқ қувва ва воситаҳои ҷамоати шаҳраки Адрасмони шаҳри Гулистон бо шумораи умумии зиёда аз 357 (сесаду панҷову ҳафт) нафар, 7 (ҳафт) адад механизми махсус ҷалб карда шуданд.

Номаи табрикотии Раиси шаҳри Гулистон Раъно Ҳошимзода ба муносибати Рӯзи пойтахти Ҷумҳурии Тоҷикистон

Ба Раиси шаҳри Душанбе муҳтарам Рустами Эмомалӣ

Муҳтарам Рустами Эмомалӣ

Бо эҳтиром Шумо ва дар шахсияти Шумо тамоми сокинони пойтахти Ватани азизамон шаҳри Душанберо бахшида ба Рӯзи пойтахти Ҷумҳурии Тоҷикистон аз номи Мақомоти иҷроияи ҳокимияти давлатии шаҳри Гулистон самимона муборакбод мегўям.

Сокинони кишвари маҳбубамон, сарфароз аз он ҳастанд, ки имрӯзҳо таҳти роҳбарӣ ва раҳнамоиҳои  Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ватани азизамон беш аз пеш рушду нумуъ ёфта истодааст.

Тибқи Қонуни Ҷумҳурии Тоҷикистон "Дар бораи рӯзҳои ид" ҳамасола шанбеи сеюми моҳи апрел ҳамчун Рӯзи пойтахти Ҷумҳурии Тоҷикистон - шаҳри Душанбе дар саросари кишвар таҷлил карда мешавад.