НАВРӮЗ ҶАШНИ МИЛЛӢ ВА МЕРОСИ ТАЪРИХИИ ТОҶИКОН - ТАНТАНАҲОИ ҶАШНИ НАВРӮЗ ДАР ШАҲРИ ГУЛИСТОН

Имрӯз, 22.03.2025 дар шаҳри Гулистон Ҷашни Наврӯзи байналмилал бо шукуҳу шаҳомати хоса таҷлил карда шуд. Дар тантанаҳои наврӯзӣ дар шаҳр намояндаи Ҳукумати Ҷумҳурии Тоҷикистон, роҳбари гурӯҳи корӣ бахшида ба 35-солагии Истиқлоли давлатӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода, муовини Раиси вилояти Суғд Зайнура Азимӣ, иҷрокунандаи вазифаи Раиси шаҳри Гулистон Илҳом Пӯлотзода ва роҳбарони мақомотҳои ҳифзи ҳуқуқ ва дигар сохторҳо иштирок доштанд. Ҳамчунин, меҳмонон аз кишварҳои Эрон, Руссия, Беллоруссия ва Ӯзбекистон ва оммаи васеи сокинони шаҳр ба тамошои тантанаҳои идонаи наврӯзи шаҳрӣ омада буданд.

Меҳмононро санъаткорони бахши фарҳанги шаҳр бо навои карнаю сурнай дар ҷашнгоҳ пешвоз гирифтанд. Хонандагони муассисаҳои таълимӣ бо қироати шеърҳо дар васфи Наврӯз меҳмононро ба ҷашнгоҳ хайрамақдам гуфтанд.

Тақдими техникаҳои нав ба Хоҷагии манзилию коммуналии шаҳри Гулистон

Бо дастгирии Ҳукумати Ҷумҳурии Тоҷикистон ба Хоҷагии манзилию коммуналии шаҳри Гулистон ду адад нақлиёти муосири партовкашон ва се адад электромотороллер дастрас карда шуд.

Дар маросими супоридани техника ва воситаҳои нақлиётӣ Раиси вилояти Суғд Раҷаббой Аҳмадзода иштирок намуда, кормандони соҳаи Хоҷагии манзилию коммуналиро ба муносибати Иди байналмилалии Наврӯз табрику таҳният намуд.

Паёми табрикотии иҷрокунандаи вазифаи Раиси шаҳри Гулистон Илҳом Пӯлотзода ба ифтихори Ҷашни Наврӯзи байналмилал

Ҳамшаҳриёни гиромӣ!

Ба сарзамини соҳибистиқлоли мо боз иди мубораку файзбахши баҳор ва ҷашни қадимтарину зеботарини аҷдодӣ – Наврӯзи оламафрӯзи байналмилалӣ қадами мубораку зиндагисози худро гузошт. Наврӯз барои миллати мо чун соли нави аҷдодӣ ва иди баҳор арзиши бузург дошта, боиси ифтихору сарбаландии ҳар як фарди ватандӯсти Тоҷикистон мебошад.

Ба ин муносибат кулли сокинони шаҳри азизамонро сидқан муборакбод гуфта, барояшон тансиҳатӣ, рӯзгори обод, бахту саодат, дастурхони пурфайз ва сари баланду барори кор орзумандам.

Тавассути Истиқлоли давлатӣ, сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз файзу баркати хосаи иди бузургтарини аҷдодӣ ва миллӣ шукӯҳу шаҳомати тоза пайдо намуда, он ба густариши оинҳои ниёгонамон мусоидат карда, барои такомули худшиносиву худогоҳии миллӣ, ватандӯстиву ташаккули маънавият такони нерубахши худро эҳдо кардааст.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми шодбошии худ ба ифтихори ҷашни Наврӯз таъкид намуданд, ки: "Наврӯз айёми гузариш ба фасли нави зиндагӣ, пирӯзии гармӣ бар сардӣ, ҷашни равшанӣ ва нур, дӯстиву муҳаббат, шодиву хурсандии ҳамагонӣ ва шукуфтани орзуҳо мебошад.

ЛИБОСИ МИЛЛӢ МУАРРИФГАРИ МИЛЛАТУ ДАВЛАТ АСТ - баргузории аксияи тоҷикона мепӯшем

Бо мақсади арҷ гузоштан ба либоси миллӣ дар шаҳр аксияи тарғиботию ташвиқотӣ таҳти унвони “Тоҷикона мепӯшем!” роҳандозӣ нюгардидааст.

Ҳадаф аз баргузории чунин чорабинӣ ин баланд бардоштани ҳисси милливу зебоипарастии духтарон арзёбӣ мегардад.

Чунин аксия бо иштироки омӯзгорон ва донишҷӯёни муассисаи ғайридавлатии коллеҷи тиббии шаҳри Гулистон доир гардид.