ШИНОСОӢ БО ФАЪОЛИЯТИ МАКТАБИ САНЪАТИ МАРКАЗИ ШАҲР

Санаи 14.01.2025 иҷрокунандаи вазифаи Раиси шаҳри Гулистон Илҳом Пӯлотзода бо мақсади шиносоӣ пайдо намудан аз фаъолияти мактаби санъати маркази шаҳр ба мактаб ташриф овард.

Зимни шиносоӣ бо фаъолияти мактаб, иттилоъ дода шуд, ки Мактаби санъат 25 октябри соли 2018 бо иштироки Пешвои муаззами миллат муҳтарам Эмомалӣ Раҳмон ба истифода дода шудааст.

Бино аз таҳхона ва ду ошёна иборат буда, дорои 24 синфхонаи таълимӣ, китобхона, толори консертӣ ва толори намоиш мебошад. Дар мактаб 14 навъи маҳфилҳои омӯзишӣ амал мекунад, аз ҷумла: фортепиано, скрипка, флейта, доираю карнай, дутор, рубоби қашқарӣ, гитор, ғижжак, най, рақс, сарояндагӣ, рассомӣ, бофандагӣ ва дӯзандагӣ.

ИДОМАИ БАРГУЗОРИИ КУРСИ ОМӮЗИШИИ ПАЙРАВОНИ ПЕШВОИ МИЛЛАТ, ДАР ШАҲРИ ГУЛИСТОН

Санаи 13.01.2025  дар толори  хурди мақомоти иҷроияи ҳокимияти давлатии  шаҳри Гулистон дарси навбатии курси омӯзишии "Пайравони Пешвои миллат",  дар мавзуи “Нақши Иҷлосияи 16-уми Шӯрои Олӣ дар рушди минбаъдаи давлатдории миллӣ”  баргузор гардид.

Дарси мазкур аз ҷониби мудири бахши кор бо ҷавонон ва варзиши шаҳри Гулистон Аҳлиддин Абдураҳмонов ва мутахассиси татбиқи забони МИҲД шаҳр Абдуллоев Фаридуншоҳ  баргузор гардид.

Зикр карда шуд, ки Иҷлосияи XVI Шӯрои Олии Ҷумҳурии Тоҷикистон барои таҳкими ҳокимияти давлатӣ, ташаккули истиқлолияти миллӣ таъйин намудани самти ҷараёни инкишофи ҷомеа дар солҳои баъдӣ ва пайгирӣ намудан аз принсипҳои талаботи бунёди ҷомеаи демократӣ, дунявӣ ва ҳуқуқбунёду ягона асос ва заминаи воқеӣ ба вуҷуд овард.

НАТИҶАҲОИ СОЛОНАИ РУШДИ ИҚТИСОДИВУ ИҶТИМОИИ ШАҲР ҶАМЪБАСТ КАРДА ШУД

Санаи 11.01.2024 дар толори калони мақомоти иҷроияи ҳокимияти давлатии шаҳр ҷаласаи ҷамъбастии натиҷаҳои солонаи рушди иқтисодиву иҷтимоии шаҳр баргузор карда шуд.

Дар маҷлиси фаъолон роҳбари гурӯҳи корӣ оид ба ҷашни 35-солагии Истиқлоли давлатии кишвар, директори Агентии таъминоти амволи махсуси назди ҳукумати Ҷумҳурии Тоҷикистон Савзаалӣ Назирзода ва намояндаи Мақомоти иҷроияи ҳокимяити давлатии вилояти Суғд, сардори Раёсати Агентии назорат дар соҳаи маориф дар вилояти Суғд Ҷаҳонгир Салимзода иштирок доштанд.

Ҳамчунин, муовинон ва роҳбари дастгоҳи Раиси шаҳр, мудирони шуъбаву бахшҳо, роҳбарони корхонаҳо, раисони ҷамоати шаҳракҳо ва роҳбарони мақомотҳои ҳифзи ҳуқуқи шаҳр иштирок намуданд.

Паём - ҳуҷҷати сарнавиштсоз

Таърихи 10 январи соли равон дар толори Кумитаи иҷроияи Ҳизби Халқии Демократии Тоҷикистон дар шаҳри Гулистон доир ба шарҳу тавзеҳи Паёми Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ҳамоиш таҳти унвони «Паём-ҳуҷҷати сарнавиштсоз» бо иштироки Шарифҷони Саидраҳмон, муовини раиси шаҳри Гулистон, Моҳира Раҳимзода, намояндаи КИ ҲХДТ дар вилояти Суғд, Ҷамолиён Муслимахон раиси Кумитаи иҷроияи Ҳизби Халқии Демократии Тоҷикистон дар шаҳри Гулистон, раисони ташкилотҳои ибтидоӣ, фаъолони ҳизб, собиқадорон, бонувону ҷавонон, аъзои ташкилоти ҷамъиятии ҷавонон «Созандагони Ватан» баргузор гардид.

Муовини раиси шаҳри Гулистон Шарифҷони Саидраҳмон зимни баромади хеш оид ба амалишавии ҳадафҳои стратегии Ҳукумати Ҷумҳурии Тоҷикистон, боло рафтани сатҳи иқтисодӣ ва иҷтимоии кишвар, ҳифзи оромӣ ва осудагӣ ва дигар паҳлуҳои Паём суханронӣ намуд. Зикр дошт, ки Паём яке аз муҳимтарин санадҳои барномавие аст, ки дар он на танҳо воқеияти имрӯз, балки эҳтимоли равандҳои ояндаи дохилӣ, минтақавӣ ва глобалӣ аз нигоҳи илмӣ баён гардидааст. Аз ин рӯ, Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дурнамои рушди тамоми соҳаҳои ҳаёти ҷомеаро бо камоли дақиқият ва аз лиҳози таҳлилҳои воқеъбинонаю дурандешона муайян менамояд.