Дар толори Шабакаҳои барқи Суғд мулоқот доир ба тавзеҳи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон бо иштироки фаъолони шаҳр, намояндагони худидоракунии маҳаллӣ, муассисаҳои маорифу тандурустӣ ва фарҳанг, намояндагони ҷомеаи меҳнатии Шабакаҳои барқи Суғд ва Неругоҳи барқи обии «Қайроққум» доир гардид.
Мулоқотро мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Илҳом Мадализода бо сухани ифтитоҳи оғоз бахшид. Сардори шуъбаи пешгирии коррупсияи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд Зарифӣ Дилшод Неъматзода доир ба тавзеҳи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон баромад намуд. Зикр гардид, ки дар Паёми Пешвои миллат роҳи минбаъдаи рушди мамлакат, барномаи фаъолияти Ҳукумати кишвар, мақомоти иҷроияи марказӣ ва маҳаллии ҳокимияти иҷроия ба таври возеҳу равшан баён шудаанд. Дар Паём махсус таъкид гардидааст, ки ба роҳ мондани муборизаи қатъӣ бо амалҳои коррупсионӣ шарти муҳими фароҳам овардани фазои ҳамдигарфаҳмӣ дар ҷомеа ва таҳкими эътимоди мардум нисбат ба сохтору мақомоти давлатӣ мебошад.
Дар толори бахши фарҳанги шаҳри Гулистон озмуни шаҳрии «Дастархонороӣ» ба ифтихори истиқболи 30-солагии Истиқлолияти давлатии Ҷумҳурии Тоҷикистон ва Солҳои рушди деҳот, сайёҳӣ ва ҳунарҳои мардумӣ баргузор гардид. Дар озмун кадбонуҳои ҷамоати шаҳракҳои Адрасмон, Консой, Чоруқдаррон, Сирдарё ва соҳаи маориф иштирок намуда, навъи гуногуни таомҳои миллӣ, хӯришҳо, анвои шириниҳо ва монанди инро дар дастархонҳои идонаи миллӣ ба маърази ҳамагон манзур карданд.
