Иштироки Пешвои миллат Эмомалӣ Раҳмон дар Ҷаласаи XIX Шӯрои машваратӣ оид ба беҳтар намудани фазои сармоягузорӣ

20 феврал таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Шӯрои машваратӣ оид ба беҳтар намудани фазои сармоягузорӣ муҳтарам Эмомалӣ Раҳмон ҷаласаи XIX Шӯро баргузор гардид.

Зимни баррасии масъалаҳои ҷаласа, Пешвои миллат муҳтарам Эмомалӣ Раҳмон вобаста ба амалисозии тадбирҳо дар самти васеъ истифода бурдани иқтидорҳои энергетикӣ дар соҳаҳои  гуногуни иқтисодиёти ҷумҳурӣ бо шарикони тиҷоратии ҷумҳурӣ ва кишварҳои минтақа, беҳтаршавии мавқеи кишвар дар арзёбии ҳисоботи “Пешбурди соҳибкорӣ”, таҳияи санади меъёрию ҳуқуқӣ оид ба тартиби арзёбии самаранокии имтиёзҳои мавҷуда, тақвият бахшидан ба раванди ҷорӣ намудани технологияҳои пешқадами иттилоотӣ дар фаъолияти мақомоти давлатӣ ва муосиргардонии хизматрасонӣ ва танзими давлатии соҳибкорӣ ва дигар масъалаҳо ибрози назар намуданд.

ДАСТАИ МУНТАХАБИ ШАҲР МУАЙЯН ГАРДИД

Дар толори гӯштин чемпионати марҳилавии интихобии якуми шаҳри Гулистон оид ба гӯштини тарзи юнонӣ-румӣ байни наврасону ҷавонон, бахшида ба 26-солагии Рӯзи таъсисёбии Қувваҳои Мусаллаҳи Ҷумҳурии Тоҷикистон ташкил ва баргузор гардид.

Бо мақсади тарғиби тарзи ҳаёти солим, ҷалб намудани наврасону ҷавонон ба тамрини мунтазами тарбияи ҷисмонӣ ва варзиш, тарғибу ташвиқи гӯштини тарзи юнонӣ-румӣ байни наврасону ҷавонон дар шаҳр, баланд бардоштани маҳорати варзишии варзишгарон ва муайян намудани узви дастаи мунтахаби шаҳри Гулистон оид ба намуди гӯштини юнонӣ-румӣ байни наврасону ҷавонон беш аз 50 варзишгар дар мусобиқаи марҳилавӣ ва интихоботӣ иштирок намуданд.

ТАМРИНИ ПАГОҲИРӮЗӢ

Субҳи рӯзи шанбе дар муассисаҳои таълимӣ, байни сокинони шаҳру шаҳракҳои Гулистон машқҳои пагоҳирӯзӣ  бо мақсади солимии ҷавонон ва наврасон, оммавигардонии варзиш, тарғибу ташвиқи тарзи ҳаёти солим  таҳти унвони  «Зебоӣ, тавоноӣ ва доноӣ аз варзиш аст!» бо ҷалби зиёда аз 800 нафар ҷавонону наврасон ва варзишгарон баргузор гардид.

Ташкил ва баргузории машқҳои пагоҳирӯзӣ ҳар ҳафта рӯзи шанбе ба роҳ монда шудааст.

ВОХӮРӢ БО ВАКИЛ

Тибқи нақшаи мақомоти иҷроияи ҳокимияти давлатии виляоти Суғд ва дастури Раиси вилояти Суғд муҳтарам Раҷаббой Аҳмадзода дар толори ҷамоати шаҳраки Сирдарё мулоқоти интихолбкунандагон бо вакили Маҷлиси вакилони ахлқи вилояти Суғд аз ҳавзаи интихоботии № 15 «Қайроққум», раиси кумитаи иҷроияи ҲХДТ дар вилояти Суғд Сатториён Матлубахон Амонзода баргузор гардид. Вохӯриро мудири шуъбаи рушди иҷтимоӣ ва робита бо ҷомеаи дастгоҳи раиси шаҳр Илҳом Мадализода ҳусни оғоз бахшид.

Сипас вакили Маҷлиси вакилони халқи вилояти Суғд, раиси кумитаи иҷроияи ҲХДТ дар вилояти Суғд  Матлубахон Амонзода доир ба фаъолияти вакилӣ ва ҷиҳати амалӣ кардани рафти иҷрои қарори Раиси вилояти Суғд аз 14-уми марти соли 2018, №89 «Дар бораи эълон намудани 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон» баромад намуд.