РӮҲИ СОЛИМ ДАР ҶИСМИ СОЛИМ АСТ - Баргузории Дави миллӣ ва марафони велосипедронӣ дар шаҳри Гулистон

Бо мақсади иҷрои Фармони Президенти Ҷумҳурии Тоҷикистон аз 28 марти соли 2007, №225 "Дар бораи Рӯзи Дави миллӣ", ки  ҳамасола якшанбеи сеюми моҳи май дар тамоми қаламрави ҷумҳурӣ барои солимӣ ва оммавияти варзиш эълон гардидааст, субҳи имрӯз, 17. 05.2026 дар шаҳри Гулистон маъракаи оммавии варзишии Дави миллӣ ва марафони велосипедронӣ  доир гардид.
Дар Дави миллӣ ва марафони велосипедронӣ раиси шаҳри Гулистон Илҳом Пӯлотзода, муовини якум ва муовинони раиси шаҳр, роҳбари дастгоҳи раиси шаҳр, роҳбарият ва намояндагони мақомоти ҳифзи ҳуқуқ, хизматчиёни давлатӣ, намояндагон аз ҳамаи ташкилоту муассисаҳо, наврасону ҷавонон ва занону духтарони шаҳр фаъолона ширкат варзиданд.

ДАВРИ ШАҲРИИ ОЗМУНИ ҶУМҲУРИЯВИИ "ТОҶИКИСТОН -ВАТАНИ АЗИЗИ МАН" ДОИР ГАРДИД

Ҷиҳати иҷрои Амри Президенти Ҷумҳурии Тоҷикистон аз санаи 1-уми январи соли 2026 таҳти рақами АП-949, қарори Раиси вилояти Суғд аз санаи 25-уми феврали соли 2026 №37 ва қарори Раиси шаҳри Гулистон аз санаи 11-уми марти соли 2026 № 80 дар бораи ташкил ва гузаронидани даври шаҳрии озмуни ҷумҳуриявии "Тоҷикистон-Ватани азизи ман" санаи 16-уми майи соли 2026 дар Мактаби санъати маркази шаҳр бо иштироки муовини Раиси шаҳри Гулистон Муслимахон Ҷамолиён ва намояндаи Раёсати фарҳанги вилояти Суғд Юсупов О.А. ва мудири бахши фарҳанги шаҳр Дилноза Каримова баргузор гардид.
Дар озмун 78 нафар довталабон аз рӯи номинатсияҳои оҳангсозӣ, сарояндагӣ, навозандагӣ, санъати тасвирӣ ва дизайн ширкат варзида, маҳорати худро бо беҳтарин оҳангу суруд, асарҳои рассомӣ ва ҳунарҳои мардумӣ, ки инъикоскунандаи фарҳангӣ гузашта ва имрӯзаи миллати тоҷикро таҷассум менамояд, пешкаши ҳакамон ва ҳозирин гардониданд.

БАРРАСИИ МУРОҶИАТИ ШАҲРВАНДОН

16-ми майи соли 2026 дар толори хурди мақомоти иҷроияи ҳокимияти давлатии шаҳр қабули навбатии шаҳрвандон аз ҷониби Раиси шаҳр Илҳом Пӯлотзода баргузор гардид.
Зимни қабул шаҳрвандон бо масъалаҳои гуногуни иҷтимоӣ ба шаҳрдор муроҷиат намуданд. Аз ҷумла, сокинон вобаста ба ҷудо намудани қитъаи замин, ба расмият даровардани ҳуҷҷатҳои ҳуқуқи истифодаи замин ва манзили истиқоматӣ, ҳалли баҳсҳои марбут ба моликияти шахсӣ ва амсоли инҳо суолҳо дода шуд.

ҲАШАРИ ДАСТАҶАМЪИИ ТОЗАГӢ ДАР ИСТИРОҲАТГОҲИ "ШОҲИН"

Имрӯз, 16-уми майси соли 2026 тибқи нақшаи чорабиниҳои мақомоти иҷроияи ҳокимияти давлатии шаҳр ҳашари дастаҷамъии тозагӣ дар истироҳатгоҳи "Шоҳин"-и шаҳри Гулистон бо мақсади истиқболи сазвори ҷашни 35-солагии Истиқлоли давлатӣ ва ҷалби сайёҳони дохиливу хориҷӣ дар мавсими баҳору тобистон баргузор гардид.Дар ҳашари дастаҷамъии тозагӣ кормандони   беморхонаи марказии шаҳр, маркази саломатӣ, маркази давлатии санитарии эпидемиологӣ, маориф, фарҳанг, мактаби варзишӣ, Кумитаи иҷроияи Ҳизби Халқии Демократии Тоҷикистон дар шаҳри Гулистон ва дигар соҳаҳо иштирок намуда, атрофи истироҳатгоҳи "Шоҳин"-ро аз хасу хошок, алафҳои бегона тозаву озода намуданд.