АЗ ФАЪОЛИЯТИ СОҲАИ ФАРҲАНГ НАТИҶАГИРӢ КАРДА ШУД

Имрӯз, 06.05.2025 дар мактаби санъати маркази шаҳр маҷлиси машваратии соҳаи фарҳанги шаҳр бо иштироки муовини Раиси шаҳр Муслимахон Ҷамолиён сарпарасти соҳа баргузор гардид.

Дар маҷлиси машваратӣ натиҷаи фаъолияти соҳаи фарҳанг шаҳр дар давоми се моҳи соли ҷорӣ мавриди баррасӣ қарор дода шуд.

Доир ба натиҷаҳои фаъолияти семоҳаи соҳаи фарҳанг мудири бахши фарҳанги шаҳр Ҷамшед Самадов ҳисобот манзур намуд.

Зикр карда шуд, ки дар ихтиёри бахши фарҳанги шаҳр 10 китобхона, Кохи фарҳангии “Истиқлол”, 7 муассисаи клубӣ, 2 мактаби мусиқӣ, 2 мактаби санъат, 1 осорхона, ансамбли Тарона ва рақси “Навои Гулистон”, 3 боғи фарҳангӣ-фароғатӣ ва 3 гулгашт фаъолият мебарад.

ҶАМЪБАСТИ МУСОБИҚАИ ШАҲРӢ ОИД БА НАМУДИ ВОЛЕЙБОЛ БАЙНИ БОНУВОНИ ТАШКИЛОТУ МУАССИСАҲОИ ШАҲРИ ГУЛИСТОН

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир ба омавигардонии варзиш ва тарзи ҳаёти солим тадбирҳои муассир мунтазам андешида шуда истодааст. Дар ҳамин замина нақшаи чорабиниҳои МИҲД шаҳр, бо тасдиқи Раиси шаҳр ба тавсиб расидааст. Лозим ба ёдоварист, ки масъулин бахши кор бо ҷавонон ва варзиши шаҳри Гулистон дар ҳамкорӣ бо дигар корхонаву ташкилотҳои ҳудуди шаҳр ва ҷамоати шаҳракҳо ҳамарӯза мусобиқаҳои варзиширо, дар сатҳи хуб роҳандозӣ намуда истодаанд.

Бо ҳамин мақсад, санаи 05.05.2025, дар шаҳри Гулистон, бо ташаббуси бахши кор бо ҷавонон ва варзиш бахшида ба Рӯзи Ғалаба дар ҶБВ ва Рӯзи ҷавонони Тоҷикистон мусобиқаи шаҳрии волейбол байни бонувони ташкилоту муассисаҳо ва ҷамоати шаҳракҳо баргузор ва ҷамъбаст гардид, ки дар натиҷа ҷойи аввал насиби бонувони МТМУ №14, ҷойи дуюм насиби бонувони МТМУ №8 ва ҷойи сеюм насиби бонувони бахши фарҳанги шаҳр гардид, ки ғолибон бо ҷом, медал, диплом ва туҳфаҳои хотиравии бахши кор бо ҷавонон ва варзиши шаҳр қадрдонӣ гардиданд.

Баррасии пешниҳоди Агентии назорати давлатии молиявӣ ва мубориза бо коррупсияи Ҷумҳурии Тоҷикистон

Санаи 05.05.2025 дар толори хурди мақомоти иҷроияи ҳокимияти давлатии шаҳр маҷлиси васеъ баргузор гардида пешниҳоди Агентии назорати давлатии молиявӣ ва мубориза бо коррупсияи Ҷумҳурии Тоҷикистон аз 28 марти соли 2025, №11 "Дар бораи пешгирӣ ва бартараф намудани сабабу шароитҳое, ки ба содир намудани ҷиноят ва дигар ҳуқуқвайронкуниҳои хусусияти коррупсионидошта мусоидат менамоянд" баррасӣ гардид.

Дар кори маҷлис муовини якуми Раиси шаҳр Даврон Муҳаммадзода ва нозири калони шуъбаи муқовимат бо коррупсияи раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд, капитани адлия Комрон Нуриддинзода иштирок намуданд.

Ҳамчунин, дар маҷлис раисони ҷамоати шаҳракҳо, мудирони шуъбаву бахшҳо ва дигар шахсони масъул иштирок доштанд.

ШУРОИ ЗАНОНУ ДУХТАРОНИ ШАҲР БАРГУЗОР ГАРДИД

Имрӯз, 05.05.2025 дар толори хурди мақомоти иҷроияи ҳокимияти давлатии шаҳр Шурои навбатии занону духтарони шаҳр бо иштироки аъзои Шуро, раисони шуроҳои ташкилоту муассисаҳо ва бонувони фаъоли шаҳр доир гардид.

Дар кори Шуро муовини Раиси шаҳр Муслимахон Ҷамолиён ва мудири бахши кор бо занон ва оилаи мақомоти иҷроияи ҳокимияти давлатии шаҳр Матлуба Сатторова иштирок намуданд.

Тибқи нақшаи кории рӯзномаи Шуро нахуст ҳисоботи чаҳормоҳаи фаъолияти Шуро аз ҷониби мудири бахши кор бо занон ва оилаи шаҳр Матлуба Сатторова манзур карда шуд. Доир ба масъалаи мазкур раисони шурои занони шуъбаи маорифи шаҳр Гулрабо Ҷабборӣ ва МТМУ №14 Муборак Ҳамробоева ба музокира баромаданд.