ГУЛИСТОН: ТАҶЛИЛИ ПУРШУКӮҲИ ИДИ БАЙНАЛМИЛАЛИИ НАВРӮЗ-2023

Имрӯз, 21.03.2023 дар Майдони Парчами давлатии Ҷумҳурии Тоҷикистон дар шаҳр  ба муносибати Иди байналмилалии Наврӯз чорабинии бошукӯҳи идона барпо карда шуд.

Дар чорабинии идона Раиси шаҳри Гулистон Раъно Ҳошимзода, намояндаи Ҳукумати Ҷумҳурии Тоҷикистон, роҳбари гурӯҳи корӣ бахшида ба 35-солагии Истиқлоли давлатӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода ва намояндаи Мақомоти иҷроияи ҳокимияти давлатии вилояти Суғд, сардори Раёсати тандурустии вилоят Муҳиддин Ҳабибуллозода иштирок намуданд.

Нахуст, Раиси шаҳр ва меҳмонон аз намоиши бозиҳои гуногуни варзишӣ ва бозиҳои миллӣ ва намоиши хаймаҳои наврӯзии оросташудаи корхонаву муассисаҳо ва ҷамоати шаҳракҳо дидан карданд. Дар хаймаҳои Наврӯзӣ таомҳои хоси Наврӯз, суманак, ҳафтсину ҳафтшин ва ҳунарҳои мардумӣ ба маъраз гузошта шуд.

Сокинон Наврӯзи хуҷастапайро бо шукӯҳ таҷлил менамоянд

Имрӯз, 20.03.2023 дар маҳаллаҳои маркази шаҳри Гулистон Ҷашни Наврӯзро бо омода намудани суманак истиқбол гирифтанд.

Раиси шаҳри Гулистон Раъно Ҳошимзода ба маҳаллаҳои шаҳр омада сокинонро бо ҷашни Наврӯзи хуҷастапай табрику таҳният гуфт.

Таъкид карда шуд, ки ба сарзамини соҳибистиқлоли мо боз иди мубораку файзбахши баҳор ва ҷашни қадимтарину зеботарини аҷдодӣ – Наврўзи оламафрўзи байналмилалӣ қадами мубораку зиндагисози худро гузошт. Наврўз барои миллати мо чун соли нави аҷдодӣ ва иди баҳор арзиши бузург дошта, боиси ифтихору сарбаландии ҳар як фарди ватандўсти Тоҷикистон мебошад. Дар ҳама давру замон мардуми соҳибтамаддуни тоҷик иди Наврўзро дар баробари дигар халқҳои ориёӣ бо рўҳбаландӣ истиқбол менамуд. Дар ҳақиқат Наврўз иди бузургтарини миллӣ ба шумор рафта, ҳамчун дақиқтарин шинохти гардиши офтоб, баробарии шабу рўз, дарки тағйирёбии табиат, фарорасии фасли баҳору айёми шукуфоӣ ва посдории инсону табиат мақому мартабаи баланд дорад.

Ҳамчунин зикр карда шуд, ки Пешвои муаззами миллат муҳтарам Эмомалӣ Раҳмон доир ба ҷойгоҳ ва арзиши бузурги Ҷашни байналмилалии Наврӯз дар паёми шодбошии худ соли ҷорӣ зикр намуданд: “Наврӯз мисли дигар ҷашнҳои аҷдодии мо ҳикмату фалсафа ва аҳаммияти бузурги илмӣ дорад. Омили муттаҳидкунанда ва василаи ҳамдигарфаҳмии халқу миллатҳои гуногун будани Наврӯз яке аз бузургтарин ҳикматҳои он ба ҳисоб меравад, ки дар шароити мураккабу печидаи ҷаҳони имрӯза бисёр муҳим мебошад. Густаришу ситоиши хираду дониш ва муҳаббату самимият дар байни одамон, сулҳу субот миёни қавму миллатҳо ва шодиву нишоти ҳамаи афроди ҷомеа моҳият ва фалсафаи зиндагисози Наврӯз аст, ки тайи ҳазорсолаҳо ба мардуми мо ва халқҳои дигар хизмат кардааст”.

Тантанаҳои ҷашни Наврӯз-2023 дар Ҷамоати шаҳраки Консой

Боиси ифтихор аст, ки унсурҳои деринаи ҷашни Наврӯз ба шакли зинда то ҳанӯз дар сарзамини тоҷик чун фарҳанги мардумӣ, ба шакли беолоиш вуҷуд доранд. Ба истилоҳи баъзе аз фарҳангшиносон «иморати хештаншиносии тоҷикон ду шоҳсутун дорад: яке забон ва дигаре ҷашнҳои аҷдодии Наврӯз, Меҳргон, Тиргон ва ҷашни Сада”.

Имрӯз, 20 марти соли 2023 дар Ҷамоати шаҳраки Консойи шаҳри Гулистон бо ташаббуси ҶМТКММ “Апрелевка”, ҷамоати шаҳрак, ташкилоту муассисаҳои шаҳрак ба ҳам омада, ҷашни Наврӯзро барпо намуданд.

Дар тантанаи таҷлили ҷашни Наврӯз Раиси шаҳр Раъно Ҳошимзода бевосита иштирок намуда, аз омодагӣ ва таҷлили бошукӯҳи Ҷашни Наврӯз изҳори қаноатмандӣ намуд.

Номаи табрикоти Раиси шаҳри Гулистон Раъно Ҳошимзода ба ифтихори Иди байналмилалии Наврӯз

Ҳамшаҳриёни гиромӣ!

Ба сарзамини соҳибистиқлоли мо боз иди мубораку файзбахши баҳор ва ҷашни қадимтарину зеботарини аҷдодӣ – Наврӯзи оламафрӯзи байналмилалӣ қадами мубораку зиндагисози худро гузошт. Наврӯз барои миллати мо чун соли нави аҷдодӣ ва иди баҳор арзиши бузург дошта, боиси ифтихору сарбаландии ҳар як фарди ватандӯсти Тоҷикистон мебошад.

Тавассути Истиқлоли давлатӣ, сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз файзу баркати хосаи иди бузургтарини аҷдодӣ ва миллӣ шукӯҳу шаҳомати тоза пайдо намуда, он ба густариши оинҳои Наврӯзи Аҷам мусоидат карда, барои такомули худшиносиву худогоҳии миллӣ, ватандӯстиву ташаккули маънавият такони нерубахши худро эҳдо кардааст.