Пешгирии ҳодисаҳои номатлуб

Тибқи нақшаи чорабинии мақомоти иҷроияи ҳокимияти давлатии шаҳр дар маҳаллаи №2-и кўчаи Дўстии халқҳо, Мирзо Турсунзода вохўрӣ бо сокинон бо котиби масъули мақомоти иҷроияи ҳокимияти давлатии шаҳр ва кормандони ШВКД дар шаҳри Гулистон баргузор гардид.

Масъулин дар мулоқот дар бораи ҷиноятсодиркунӣ, ҳодисаҳои номатлуб ва фарогирии хонандагон ба таҳсил, шомил нашудани ҷавонону наврасон ба ҳизбу ҳаракатҳои экстремистӣ ва амсоли ин суханронӣ карда, ҳушдор доданд. Чунини мулоқотҳои бо иштироки сокинон дар маҳаллаҳои шаҳраки Адрасмон, муассисаҳои таълимии № 1, 8,14 ва гимназияи маркази шаҳр ба вуқўъ пайвастанд.

Ахборот оид ба баргузории Иҷлосияи даҳуми Маҷлиси вакилони халқи шаҳри Гулистон, даъвати панҷум

Дар толори хурди мақомоти иҷроияи ҳокимияти давлатии шаҳр иҷлосияи даҳуми Маҷлиси вакилони халқи шаҳри Гулистон, даъвати панҷум таҳти раёсати Раиси Маҷлиси вакилони халқ, Раиси шаҳри Гулистон Матлубахон Амонзода баргузор гардид. Пас аз садо додани Суруди Миллии Ҷумҳурии Тоҷикистон иҷлосияи даҳум ба кори худ шурўъ намуд. Дар ибтидо котибот, рўзнома, регламенти иҷлосия аз тарафйи вакилон тасдиқ гардид.

Иҷлосияи даҳуми Маҷлиси вакилони халқи шаҳр, даъвати панҷум масъалаҳои зерин: оид ба рафти иҷрои қарори Ҳукумати Ҷумҳурии Тоҷикистон аз 1-уми декабри соли 2014, № 738 «Дар бораи рушди туризм дар Ҷумҳурии Тоҷикистон дар давраи солҳои 2015-2017» дар шаҳри Гулистон, ҳисоботи комиссияи доимии Маҷлиси вакилони халқи шаҳр оид ба масъалаҳои илм, маориф, тандурустӣ, сиёсати ҷавонон, робита бо ҷомеа ва фарҳанг, ҳисоботи вакили Маҷлиси вакилони халқи шаҳр аз ҳавзаи интихоботии «Зарчашма» № 19 Иброҳимзода Абдуҷалил оид ба рафти иҷрои ваколати вакилӣ, дар бораи пеш аз муҳлат қатъ намудани ваколати вакилии вакилони Маҷлиси вакилони халқи шаҳр аз ҳавзаҳои интихоботии «Ваҳдат» № 10 ва «Восифӣ» № 31, дар бораи таъин намудани интихобот ба ивази вакили хориҷгашта дар ҳавзаи интихоботии «Ваҳдат» № 10 ва «Восифӣ» № 31, дар бораи ташкили комиссияи шаҳрии интихобот ба Маҷлиси вакилони халқи шаҳри Гулистон, даъвати панҷум ва тасдиқ намудани қарорҳои Раиси шаҳрро мавриди баррасӣ қарор дода, доир ба масъалаҳои зикршуда қарорҳои дахлдор қабул карда шуданд.

Бонувони фаъоли ҳизбӣ дар Гулистон

Раиси шаҳри Гулистон Матлубахон Амонзода ҳафтаи сипаришуда дар толори хурди мақомоти иҷроияи ҳокимияти давлатии шаҳр бо бонувони фаъоли Ҳизби халқии демократии Тоҷикистон аз тамоми шаҳру навоҳии вилояти Суғд мулоқот доир намуд.

Раиси шаҳр зимни суханронии хеш роҷеъ ба ғамхориҳои рўзафзуни Пешвои миллат ва Ҳукумати ҷумҳурӣ бобати баланд бардоштани мақоми зан дар ҷомеа, саҳм ва иштироки занон дар рушд ва инкишофи соҳаҳои хоҷагии халқ, мавқеи калидӣ доштани зан-модар дар тарбияи насли наврас ҳарф зад. Мудири шуъбаи кор ба занони кумиҷроияи ҲХДТ дар вилояти Суғд Фирўза Раҳимӣ нисбати пазироии гарму ҷўшон ва баргузории чорабинии «Бонуи беҳтарини ҳизб» изҳори миннатдорӣ намуд. Бонувон-намояндагони кумиҷроияҳои ҳизбии шавҳру ноҳияҳо ҳамчунин, аз осорхонаи корхонаи овозадори «Қолинҳои Қайроққум» дидан намуданд.

Хизмати ҳарбӣ – қарзи муқаддас

Дар толори бахши фарҳанги шаҳр мулоқот-суҳбати кормандони масъули мақомоти ҳокимияти давлатӣ, мақомоти ҳарбӣ, аъзои ташкилоти ҷамъиятии «Сипарони Ватан» бо даъватшавандагон, волидайн ва хонандагони муассисисаҳои таълимии шаҳр дар мавзўи «Хизмат дар сафи Қувваҳои Мусаллаҳ шараф аст» доир гардид.

Чорабиниро мудирии шуъбаи рушди иҷтимоӣ ва робита бо ҷомеаи дастгоҳи Раиси шаҳри Гулистон Илҳом Мадализода кушода, доир ба қарзи муқаддас будани хизмат дар сафи Артиши миллӣ сухан ронд. Муовини Комиссари ҳарбии Комиссариати ҳарбии вилояти Суғд, подполковник Илҳом Бойниёзов, комиссари ҳарбии шаҳр майор Санҷар Қаҳҳоров, раиси ташкилоти ҷамъиятии «Сипарони Ватан» Аъзам Ҳайдаров, аъзои ташкилоти номбурда Нозим Эшонов, Бахтиёр Ҳомидов, Бозоралӣ Азизов доир ба даъвати баҳорона, масъулияти ҷавонписарон ва волидайн, тақвияти корҳои ҳарбӣ-ватандўстӣ ва монанди ин суханронӣ намуданд. Дар интиҳо масъулин ба саволҳои ҷавонон посухҳо доданд.