Пленуми Шўрои собиқадорон

Дар маҷлисгоҳи бахши муҳити зист Пленуми навбатии Шўорои собиқадорони ҷангу меҳнати шаҳр доир гардид. Дар он масъалаи «Дар бораи вазифаҳои ташкилотҳои собиқадорони ҷангу меҳнат дар тарбияи ватандўстии ҷавонон» мавриди баррасӣ қарор гирифт.

Дар ин мавзўъ раиси Шўрои собиқадорони ҷангу меҳнат Муҳаммадҷон Файзуллоев маърўза намуда, доир ба корҳои зиёди мушаххас оид ба раванди тарбияи ватандўстона, мулоқоту вохўриҳои собиқадорони ҷангу меҳнат бо толибилмон маърўза намуд. Дар музокира собиқадорон Музаффар Бобоҷонов, Абдурасул Қодиров иштирок карданд. Дар кори Пленуми Шўрои собиқадорон раиси Шўрои собиқадорони ҷангу меҳнати вилояти Суғд Муҳсин Раҳимов ва мудири шуъбаи рушди иҷтимоӣ ва робита бо ҷомеаи дастгоҳи раиси шаҳр Илҳом Мадализода иштирок ва баромад намуданд.

Ашъори Лоиқ вирди забонҳост

Дар муассисаи таҳсилоти миёнаи умумии №1 озмуни шаҳрии «Лоиқхонӣ» баргузор гардид. Дар ин чорабинӣ хонандагони аз 15 муассисаи таҳсилоти миёнаи умумии шаҳр ва шаҳракҳои тобеи он иштирок намуданд.

Чорабинии адабию бадеӣ дар сатҳи баланд гузаронида шуда, дар кори он намояндагони китобхонаи марказонидашудаи шаҳрӣ ширкат варзида баромад намуданд. Иштирокчиён тибқи шартҳои пешниҳодшуда қувваозмоӣ намуда, аз ҷониби аъзои ҳакамон баҳогузорӣ карда шуданд.

Баррасии натиҷаи озмун нишон дод, ки толибилми МТМУ №8 Дилноза Пўлодова сазовори ҷойи аввал, хонандаи синфи 10-и МТМУ-и №1 Ф.Азизова ҷои дуюм ва иштирокчӣ аз гимназияи №1 мавқеи сеюмро ишғол карданд

Ҷавонон – ояндаи миллат

Дар толори Театри мазҳакаю мусиқии ба номи Камоли Хуҷандии маркази вилоят тибқи нақшаи мақомоти иҷроияи ҳокимияти давлатии вилояти Суғд мулоқоти Раиси шаҳри Гулистон Сатториён Матлубахон Амонзода бо донишҷӯёни муассисаҳои олӣ ва касбии вилоят, ки аз маркази шаҳр ва шаҳракҳо таълим мегиранд, ба вуқӯъ пайваст.

Дар ибтидо Раиси шаҳри Гулистон Матлубахон Амонзода баромад намуда, зикр дошт, ки алъон, дар ҳудуди шаҳр ва шаҳракҳои тобеи он 45.800 нафар аҳолӣ сукунат дошта, тақрибан беш аз 30 фисади аҳолиро ҷавонон ташкил медиҳанд. Дар қаламрави шаҳр 29 корхонаи саноатӣ, беш аз 250 муассиса ва ташкилотҳо, корхонахои хурд ва ширкатҳо фаъолият доранд, ки беш аз 47-тои онҳо ташкилотҳои буҷетӣ мебошанд. Танҳо дар семоҳаи аввали соли равон вазни қиёсии корхонаҳои саноатии шаҳр дар ҳаҷми истеҳсоли маҳсулоти саноатии вилоят 38,2 фоизро ташкил дод.

Муносибати салоҳиятнокӣ дар зинаи таҳсилоти ибтидоӣ

Тибқи нақшаи нимсолаи кабинети методии шуъбаи маорифи шаҳр таҳти ин унвон семинари омӯзишӣ дар муассисаи таълимии №14-и маркази шаҳр баргузор гардид.

Омӯзгорони пуртаҷрибаи муассисаи таълимии номбурда дар шаш синфи ибтидоӣ дарсҳои кушоди намунавӣ, соати тарбиявӣ ва маърӯзаҳоро ба самъи иштирокчиёни семинар расониданд. Тазаккур бояд дод, ки 41 нафар омӯзгорони синҳои ибтидоии муассисаҳои таълимии шаҳр дар семинар ширкат варзида, дар интиҳо таклифу пешниҳ¬од ва андешаҳои худро нисбати раванди дарсҳо, маърӯзаҳо иброз доштанд.