Ҷамъбастӣ мусобиқаи шаҳрии футбол байни сарбозону афсарони қисми ҳарбии 45025 ба муносибати оғози моҳвораи ҷавонони Тоҷикистон

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир  ба омавигардонии варзиш ва тарзи ҳаёти солим тадбирҳои муассир андешида шудаистодааст.

Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст.

Лозим ба ёдоварист, ки масъулини бахши кор бо ҷавонон ва варзиши  шаҳр дар ҳамкорӣ бо қисмҳои низомӣ, шуъбаи маориф, муассисаҳои таълимӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд.

БАРГУЗОРИИ ХОНИШИ СИЁСӢ БО НАВАСКАРОНИ ҚИСМИ ҲАРБИИ 45025

Санаи, 01.05.2023 тибқи нақшаи кории бахши кор бо ҷавонон ва варзиш дар қисми ҳарбии 45025-и Кумитаи ҳолатҳои фавқуллода ва мудофиаи граждании назди Ҳукумати Ҷумҳурии Тоҷикистон  вохурии судманд доир  ҷалби ҷавонон ба сафи Қувваҳои Мусаллаҳ, пешгирии таълимоти ғайриқонунии динӣ, пешгирии эктремизму тероризм ва  қабул гардидани Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” таҳти унвони “Тарбияи ватандӯстии ҷавонон-яке аз самтҳои афзалиятноки сиёсати давлатии ҷавонон ва омили муттаҳидии миллат” бо иштироки наваскарон хониши сиёсӣ   баргузор карда шуд.

Дар вохурии  мазкур мудири бахши кор бо ҷавонон ва варзиши шаҳр Аҳлиддин Абдураҳмонов ва Фаридуншоҳ Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси  шаҳри Гулистон   иштирок ва суханронӣ намуданд.

Зикр карда шуд, ки Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” ҷиҳати тарбияи шаҳрвандон дар роҳи хизмати софдилонаву фидокорона ба Ватан, ифтихор аз ниёгон, арҷгузорӣ ба муқаддасоти миллӣ ва ҷаҳду талошҳо дар роҳи фардои озоду ободи кишвар равона шудааст.

ҚУВВАҲОИ МУСАЛЛАҲ-МАКТАБИ ТАРБИЯИ ВАТАНДӮСТИИ ҶАВОНОН

Имрӯз, 01.05.2023 тибқи нақшаи чорабиниҳои бахши кор бо ҷавонон ва варзиши шаҳр дар қисми ҳарбии 45025-и Кумитаи ҳолатҳои фавқулодаи назли Ҳукумати Ҷумҳурии Тоҷикистон дар вилоятм Суғд хониши сиёсӣ таҳти унвони “Қувваҳои мусаллаҳ-мактаби тарбияи ватандӯстии ҷавонон”  бо сарбозону афсарон баргузор карда шуд.

Дар хониши сиёсӣ Аҳлиддин Абдураҳмонов мудири бахши кор бо ҷавонон ва варзиши шаҳр ва Фаридуншоҳ Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр иштирок ва суханронӣ намуданд.

Зикр карда шуд, ки дар воқеъ Қувваҳои мусаллаҳ-мактаби тарбияи ватандӯстии ҷавонон ба ҳисоб меравад. Қувваҳои Мусаллаҳи Ҷумҳурии Тоҷикистон зодаи даврони Истиқлоли давлатӣ ва яке аз дастовардҳои муҳими он ба ҳисоб рафта, аз рӯзҳои аввали таъсисёбӣ дар назди онҳо вазифаи муқаддасу пуршараф-ҳимояи соҳибихтиёрӣ, таъмини сулҳу субот, ҳифзи амнияти давлат ва ҷомеа гузошта шудааст. Дар таърихи навин волотарин дастовард дар баробари соҳиб шудан ба Истиқлоли давлативу миллӣ рушди ҳамаҷонибаи Ҷумҳурии Тоҷикистон, аз ҷумла, зиёд гардидани иқтидори мудофиавӣ мебошад. Давлату миллати тоҷик дар таъмини иқтидори мудофиавӣ ва ҳифзи марзу буми Тоҷикистон ба ҷавонон эътимод доранд. Ҳамин аст, ки аз ҷониби роҳбарияти давлат барои дастгирӣ ва амалӣ намудани сиёсати давлатии ҷавонон пайваста тадбирҳо андешида мешаванд. Ҷавонони далеру сарбаланди тоҷик, ки дар сафҳои Қувваҳои Мусаллаҳи мамлакат хизмат ба Ватан доранд, таҳти роҳбарии Президенти Ҷумҳурии Тоҷикистон муҳтарам Эмомалӣ Раҳмон музаффариятҳои зиёдро касб намудаанд.

Боздиди ҷавонони манотиқи гуногуни кишвар аз Боғи фаҳангӣ-фароғатии "Темурмалик"-и шаҳри Гулистон

Дар доираи баргузории Фестивали ҷумҳуриявии "Дар меҳмонии ҷавонони манотиқи гуногуни ҷумҳурӣ” таҳти унвони “Дӯст ояд гарм дар оғӯш гир!” дар шаҳри Гулистон санаи 28.04.2023 ҷавонони манотиқи гуногуни кишвар аз Боғи фаҳангӣ-фароғатии "Темурмалик" дидан намуданд.

Зимни боздид иштирокчиёни фестивал бар пояи муҷассамаи Қаҳрамони халқи тоҷик Темурмалик ҳамчун рамзи гиромӣ доштани ин шахсияти таърихӣ гулчанбар гузоштанд.

Дар маросими гулчанбаргузорӣ муовинони Раиси шаҳри Гулистон, муовини Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва иштирокчиёни Фестивал иштирок намуданд.