РӮҲИ СОЛИМ ДАР ҶИСМИ СОЛИМ АСТ - Баргузории Дави миллӣ ва марафони велосипедронӣ дар шаҳри Гулистон

Бо мақсади иҷрои Фармони Президенти Ҷумҳурии Тоҷикистон аз 28 марти соли 2007, №225 "Дар бораи Рӯзи Дави миллӣ", ки  ҳамасола якшанбеи сеюми моҳи май дар тамоми қаламрави ҷумҳурӣ барои солимӣ ва оммавияти варзиш эълон гардидааст, субҳи имрӯз, 21.05.2023 дар шаҳри Гулистон маъракаи оммавии варзишии Дави миллӣ ва марафони велосипедронӣ  доир гардид.

Дар Дави миллӣ ва марафони велосипедронӣ раиси шаҳри Гулистон Раъно Ҳошимзода, муовини якум ва муовини раиси шаҳр, роҳбари дастгоҳи раиси шаҳр, роҳбарият ва намояндагони мақомоти ҳифзи ҳуқуқ, хизматчиёни давлатӣ, намояндагон аз ҳамаи ташкилоту муассисаҳо, наврасону ҷавонон ва занону духтарон фаъолона ширкат варзиданд.

Раиси шаҳри Гулистон Раъно Ҳошимзода кулли иштирокдоронро ба фарорасии Рӯзи ҷавонони Тоҷикистон ва баргузории чорабинии Дави миллӣ ва марафони велосипедронӣ муборакбод гуфт. Таъкид карда шуд, ки бо мақсади амалӣ намудани сиёсати варзишпарваронаи Асосгузори сулҳу ваҳдати миллӣ-Пешвои миллат, Президенти  Ҷумҳурии Тоҷикистон муҳтарам Эмомалӣ Раҳмон дар самти таҳкими тарзи ҳаёти солим, рушди оммавияти варзиш ва ҷалби ҷомеа ба таҳкими дўстӣ ва ваҳдати саросарӣ, имрўз сокинони шаҳру шаҳракҳои Гулистон низ бо рўҳбаландӣ дар ин чорабинии умумиҷумҳуриявӣ иштирок менамоянд. Ҳукумати Ҷумҳурии Тоҷикистон барои рушди соҳаи варзиш як силсила тадбирҳо андешидааст.

ШӮРОИ КОР БО ҶАВОНОНИ НАЗДИ РАИСИ ШАҲРИ ГУЛИСТОН БАРГУЗОР ГАРДИД

Имрӯз, 20.05.2023 дар толори калони Мақомоти иҷроияи ҳокимияти давлатии шаҳр  Шӯрои кор бо ҷавонони назди Раиси шаҳри Гулистон баргузор гардид.

Дар кори Шӯро аъзои Шӯро, гирандагони стипендияи президентӣ, гирандагони стипендияи Раиси шаҳр ва ҷавонони фаъоли шаҳр иштирок доштанд.

Кори Шӯро бо садо додани Суруди миллӣ оғоз гардид.  Раиси шаҳр Раъно Ҳошимзода баргузории Шӯрои мазкурро дар остонаи таҷлили Рӯзи ҷавонони Тоҷикистон фоли нек дониста, ҳозиринро бо рӯзномаи Шӯро шинос намуд. Дар Шӯро ду масъала, ҳисоботи мудири бахши кор бо ҷавонон ва варзиши шаҳр дар давоми 4 моҳу 19 рӯзи соли 2023 ва тасдиқи лоиҳаи қарор ва нақшаи чорабиниҳои Шӯро баррасӣ гардиданд.

ЭЪЛОН!

Ба таваҷҷуҳи сокинону меҳмонони шаҳри Гулистон расонида мешавад, ки бо мақсади амалигардонии Фармони Президенти Ҷумҳурии Тоҷикистон аз 28 марти соли 2007 «Дар бораи Рӯзи дави миллӣ» санаи 21 майи соли 2023, соати 7:00 бахшида ба Рӯзи ҷавонони Тоҷикистон аз назди мағозаи "Пӯлодиён"-и даромадгоҳи шаҳр

тариқи кӯчаи "Исмоили Сомонӣ" (роҳи асосӣ) то назди бинои мақомоти иҷроияи ҳокимияти давлатии шаҳр Дави миллӣ ва марафони велосипедронӣ баргузор мегардад.

Дар чорабинии бонуфузи варзишӣ намояндагони тамоми соҳаҳо, сокинону меҳмонон ва ҷавонони касбу кори гуногун ширкат меварзанд.

ХОНИШИ СИЁСӢ: ҶАВОНОН – НЕРУИ СОЗАНДАИ КИШВАР

Имрӯз, 18.05.2023 тибқи нақшаи кории мақомоти иҷроияи ҳокимияти давлатии шаҳр дар Корхонаи воҳиди давлатии комлекси геологии “Қайроққум” бо иштироки кормандони корхона, ҷамоати шаҳрак ва хонандагони муассисаи таълимии шаҳрак Рӯзи ягонаи ахбори сиёсӣ дар доираи моҳвораи ҷавонон таҳти унвони “Ҷавонон – неруи созандаи кишвар” баргузор гардид.

Дар вохӯрии мазкур Шарифҷони Саидраҳмон муовини Раиси шаҳр, Фаридуншоҳ Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр, Аҳлиддин Абдураҳмонов мудири бахши кор бо ҷавонон ва варзиши шаҳр ва муовини директори Корхонаи воҳиди давлатии комлекси геологии “Қайроққум” Абдуллоев Ғуфрон иштирок ва суханронӣ намуданд.

Таъкид карда шуд, ки дар воқеъ ҷавонон неруи созандаи кишвар маҳсуб меёбанд. Ҳукумати кишвар ҷиҳати дастгирии сиёсати давлатии ҷавонон як қатор тадбирҳои заруриро ба роҳ мондааст. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба Маҷлиси Олии кишвар таъкид намуда буданд, ки: “Ҷавонони Тоҷикистони соҳибистиқлол неруи созандаи Ватан буда, нақши онҳо дар тараққиёти ҳамаи соҳаҳои ҳаёти давлат ва ҷомеа бисёр арзишманд ва назаррас мебошад. Мо бо ҷавонони кишвари худ ифтихор дорем, зеро онҳо дар рушди давлат ва ободии Ватан фаъолона саҳм мегузоранд, марзу буми сарзамини аҷдодиро ҳимоя мекунанд, ватандӯсту ватанпараст, бонангу номусанд ва ба халқу давлати Тоҷикистон содиқ мебошанд”.