Боздид аз корҳои мумфаршсозии роҳи Зарнисор — Бӯстон

1 май Раиси вилояти Суғд Раҷаббой Аҳмадзода бо рафти мумфаршкунии роҳи Зарнисор — Бӯстон шинос гардид.

Роҳи мазкур бо маблағгузории Ширкати кӯҳӣ-саноатии Тоҷикистону Хитой мумфарш гардида истодааст ва дарозии он 38 км мебошад.

Аз тарафи роҳсозон корҳо қариб ба анҷом расонида шудааст.

Роҳи Зарнисор-Бӯстон солҳои зиёд инҷониб дар ҳолати ногувор қарор дошта, рафту омади сокинон бо мушкилӣ сурат мегирифт. Бо дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин роҳ мумфарш карда шуд.

Шиносоӣ бо фаъолияти ҶДММ «Ширкати кӯҳӣ-саноатии Тоҷикистону Хитой»

1 май Раиси вилояти Суғд Раҷаббой Аҳмадзода бо фаъолияти ҶДММ «Ширкати кӯҳӣ-саноатии Тоҷикистону Хитой» шинос гардид.

Раиси вилоят ба нақбҳои ширкат ворид шуда, аз раванди истеҳсолот дар ин корхонаи азими саноатӣ боздид намуд.

Тавре маълумот дода шуд, «Ширкати кӯҳӣ-саноатии Тоҷикистону Хитой» аз калонтарин корхонаҳои саноатӣ буда, дар се моҳи соли ҷорӣ 790,6 миллион сомонӣ маҳсулот истеҳсол намудааст. Аз ҷумла дар ин давра 20,4 ҳазор тонна консентрати сурб ва 28,2 ҳазор тонна консентрати руҳ истеҳсол гардида, саҳми корхона дар маҳсулоти саноатии шаҳри Гулистон 77,2 фоизро ташкил мекунад.

Ҷамъбастӣ мусобиқаи шаҳрии футбол байни сарбозону афсарони қисми ҳарбии 45025 ба муносибати оғози моҳвораи ҷавонони Тоҷикистон

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир  ба омавигардонии варзиш ва тарзи ҳаёти солим тадбирҳои муассир андешида шудаистодааст.

Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст.

Лозим ба ёдоварист, ки масъулини бахши кор бо ҷавонон ва варзиши  шаҳр дар ҳамкорӣ бо қисмҳои низомӣ, шуъбаи маориф, муассисаҳои таълимӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд.

БАРГУЗОРИИ ХОНИШИ СИЁСӢ БО НАВАСКАРОНИ ҚИСМИ ҲАРБИИ 45025

Санаи, 01.05.2023 тибқи нақшаи кории бахши кор бо ҷавонон ва варзиш дар қисми ҳарбии 45025-и Кумитаи ҳолатҳои фавқуллода ва мудофиаи граждании назди Ҳукумати Ҷумҳурии Тоҷикистон  вохурии судманд доир  ҷалби ҷавонон ба сафи Қувваҳои Мусаллаҳ, пешгирии таълимоти ғайриқонунии динӣ, пешгирии эктремизму тероризм ва  қабул гардидани Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” таҳти унвони “Тарбияи ватандӯстии ҷавонон-яке аз самтҳои афзалиятноки сиёсати давлатии ҷавонон ва омили муттаҳидии миллат” бо иштироки наваскарон хониши сиёсӣ   баргузор карда шуд.

Дар вохурии  мазкур мудири бахши кор бо ҷавонон ва варзиши шаҳр Аҳлиддин Абдураҳмонов ва Фаридуншоҳ Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси  шаҳри Гулистон   иштирок ва суханронӣ намуданд.

Зикр карда шуд, ки Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” ҷиҳати тарбияи шаҳрвандон дар роҳи хизмати софдилонаву фидокорона ба Ватан, ифтихор аз ниёгон, арҷгузорӣ ба муқаддасоти миллӣ ва ҷаҳду талошҳо дар роҳи фардои озоду ободи кишвар равона шудааст.