ҶАВОНОН ПАЙРАВОНИ ПЕШВОИ МИЛЛАТ! - Баргузори роҳпаймоии идона ба муносибати Рӯзи ҷавонони Тоҷикистон

Дар шаҳри Гулистон ба муносибати Рӯзи  ҷавонони Тоҷикистон таҳти унвони "Ҷавонон пайравони Пешвои миллат” роҳпаймоӣ доир гардид.

Дар роҳпаймоӣ беш аз 2500 ҷавонони муассисаҳои таълимии маркази шаҳр, ҷамоати шаҳракҳои шаҳри Гулистон бо Парчам ва шиору овезаҳои "Мо ҷавонон пайравони Пешвои миллатем", "Мо ҷавонон  қалби бедори Ватан", “Тоҷикистон ба пеш!", “Пешвои миллат ифтихори халқи тоҷик”, “Мо пайравони Пешвои миллатем”, “Поянда бод Тоҷикистон”, бо рӯҳияи болида иштирок намуданд.

Сипас, роҳпаймочиён дар чорабинии идона, ки дар майдони Парчами давлатии Ҷумҳурии Тоҷикистон дар шаҳри Гулистон баргузор гардид иштирок намуданд.

ҶАВОНОН - ЗАХИРАИ СТРАТЕГИИ МИЛЛӢ! - Табрикоти Раиси шаҳри Гулистон Раъно Ҳошимзода ба муносибати Рўзи ҷавонони Тоҷикистон

Ҷавонони гиромӣ!

Ба ифтихори Рўзи ҷавонони Тоҷикистон, ки яке аз ҷашнҳои фараҳбахши Тоҷикистони соҳибистиқлол мебошад, ҳамаи Шумо ҷавонони саодатманди шаҳрро табрику таҳният гуфта, бароятон бахту иқболи нек ва саодати рӯзгорро таманно менамоям.

Бояд зикр кард, ки дар партави сиёсати ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешбурди сиёсати давлат дар соҳаи ҷавонон аз солҳои аввали соҳибистиқлолӣ яке аз самтҳои афзалиятноки фаъолияти Ҳукумати кишвар эълон гардидааст.

Алҳол дар шаҳри мо, ки беш аз 34 дарсади теъдоди сокинонро ҷавонон ташкил медиҳанд ва онҳо бо рўҳбаландиву ғайрати тоза дар тамоми самтҳои хоҷагии халқи шаҳр софдилона фаъолият доранд. Дар шаҳр тамоми шароиту имконоти зарурӣ баҳри дастгирӣ ва тарбияи ҷавонон муҳайёст.

БАРГУЗОРИИ ШОМИ ҶАВОНӢ ДАР ҶАМОАТИ ШАҲРАКИ КОНСОЙ

Санаи, 20.05.2023 тибқи нақшаи тасдиқгардидаи Мақомоти иҷроияи ҳокимияти давлатии шаҳр ҷиҳати таҷлили бошукӯҳи Рӯзи ҷавонони Тоҷикистон дар Ҷамоати шаҳраки Консойи шаҳри Гулистон шоми ҷавонӣ баргузор карда шуд.

Дар чорабинии мазкур Фаридуншоҳ Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр, Аҳлиддин Абдураҳмонов мудири бахши кор бо ҷавонон ва варзиши шаҳр ва Раиси ҷамоати шаҳрак Амир Муҳаббатов иштирок ва суханронӣ намуданд. Нахуст номаи шодбошии Раиси шаҳри Гулистон Раъно Ҳошимзода ба муносибати Рӯзи ҷавонони Тоҷикистон ба самъи ҷавонони шаҳрак расонида шуд. Зикр гардид, ки дар партави сиёсати ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешбурди сиёсати давлат дар соҳаи ҷавонон аз солҳои аввали соҳибистиқлолӣ яке аз самтҳои афзалиятноки фаъолияти Ҳукумати кишвар эълон гардидааст. Ҳанўз соли 1992 бо дарназардошти аҳамият ва зарурати ташаккули сиёсати ҷавонон Қонуни Ҷумҳурии Тоҷикистон «Дар бораи сиёсати давлатии ҷавонон»-ро қабул намуд, ки иқдоми зикршуда нишонаи возеҳи таваҷҷуҳи хоссаи Пешвои муаззами миллат ва Ҳукумати кишвар ба табақаи фаъоли ҷомеа, яъне наврасону ҷавонон мебошад.

Аз Сурия ба Тоҷикистон занон, наврасон ва тифлони хурдсол баргардонида шуданд

Бо дастуру супориши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 21 майи соли 2023 гурӯҳи дуюми занон, наврасон ва тифлони хурдсол тавассути ҳавопаймои махсус аз Ҷумҳурии Арабии Сурия ба Ватан баргардонида мешаванд. Дар ин хусус ба АМИТ «Ховар» Сафири Тоҷикистон Зубайдулло Зубайдзода аз фурудгоҳи Қамишли хабар дод.