Аз 9,5 то 11,5 сол. Ҳукми подполковник ва 5 сарбози пешин барои латукӯби наваскарон

Бадрафторӣ ё “дедовшина” дар артиши Тоҷикистон дарди куҳна аст. Ҳар чанд вақт хабарҳо дар бораи захмӣ шудан ё фавти сарбозон дар натиҷаи “дедовшина” ба расонаҳо роҳ меёбад.

ТАРБИЯИ ВАТАНДӮСТИИ ҶАВОНОН-ОМИЛИ МУТТАҲИДИИ МИЛЛАТ

Имрӯз, 30.05.2023 тибқи нақшаи кории мақомоти иҷроияи ҳокимияти давлатии шаҳр дар толори муассисаи таҳсилоии миёнаи умумии №2-и Ҷамоати шаҳраки Чоруқдаррони шаҳр хониши сиёсӣ доир ба қабул гардидани Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” таҳти унвони “Тарбияи ватандӯстии шаҳрвандон-омили муттаҳидии миллат” бо иштироки таълимгирандагони муассисаҳои таълимӣ ва волидайни онҳо баргузор карда шуд.

Дар ҳамоиши мазкур муовини Раиси шаҳр Шарифҷони Саидраҳмон, мудири шуъбаи рушди иҷтимоӣ ва мудири бахши кор бо ҷавонон ва варзиши шаҳр Аҳлиддин Абдураҳмонов, раиси ҷамоати шаҳрак Наргиса Бердиева иштирок ва суханронӣ намуданд.

Зикр карда шуд, ки Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” ҷиҳати тарбияи шаҳрвандон дар роҳи хизмати софдилонаву фидокорона ба Ватан, ифтихор аз ниёгон, арҷгузорӣ ба муқаддасоти миллӣ ва ҷаҳду талошҳо дар роҳи фардои озоду ободи кишвар равона шудааст.

Таъмини нақшаи дурнамои рушди иҷтимоию иқтисодии шаҳр - омили рушди босуботи шаҳр

Имрӯз, 29.05.2023 таҳти раёсати муовини якуми Раиси шаҳр Даврон Муҳаммадзода ҷаласаи корӣ доир ба масъалаи таъмини нақшаи дурнамои рушди иҷтимоию иқтисодии шаҳр баргузор гардид.

Дар ҷаласаи корӣ мудирони шуъбаву бахшҳо, раисони ҷамоати шаҳракҳо ва дигар шахсони масъул иштирок доштанд.

Ба масъулин ҷиҳати иҷрои нақшаи дурнамои рушди иқтисодию иҷтимоии шаҳр вазифагузорӣ карда шуд.

Ҳамзамон ҷиҳати таҳияи нақшаи дурнамои рушди иҷтимоию иқтисоди  ҷамоати шаҳракҳо дастур дода шуд.

Таҷлили Рӯзи сарҳадбонон

Имрӯз, 28.05.2023 ба муносибати 29-умин солгарди таъсисёбии Қушунҳои сарҳадии Кумитаи давлатии амнияти миллии Ҷумҳурии Тоҷикистон дар Ҷамоати шаҳраки Адрасмон дар қисми ҳарбии 0216-и РҚС КДАМ Ҷумҳурии Тоҷикистон Рӯзи сарҳадбонон таҷлил карда шуд.

Раиси Ҷамоати шаҳраки Адрасмон Баротзода Сарҳад аз номи мақомоти иҷроияи ҳокимияти давлатии шаҳр сарҳадбононро ба ин муносибат муборакбод намуд.

Зикр карда шуд, ки имрӯз ҷиҳати мустаҳкам намудани базаи ҳарбӣ ва фароҳам овардани шароити мусоид барои хизмати сарҳадбонон аз ҷониби Ҳукумати кишвар тадбирҳои мушаххас андешида шуда, дар қисмҳои ҳарбӣ шароитҳои зарурӣ барои хизмат фароҳам оварда шудааст.