Артиши миллӣ сипари боэътимоди Ватан - аёдати сарбозони қисми ҳарбии 07746-и Вазорати мудофиаи Ҷумҳурии Тоҷикистон

Санаи 21.02.2023 бахшида ба 30-солагии таъсисёбии Қувваҳои Мусаллаҳи Ҷумҳурии Тоҷикистон бо сарбозони қисми ҳарбии 07746-и Вазорати мудофиаи Ҷумҳурии Тоҷикистонро вохӯрӣ баргузор гардид.

Дар вохӯрии мазкур Раиси шаҳри Гулистон Раъно Ҳошимзода, намояндаи мақомоти иҷроияи ҳокимияти давлатии вилоят, сардори Сарраёсати агентии омори назди Президенти Ҷумҳурии Тоҷикистон дар вилояти Суғд Ҳокимбег Накҳатзода ва комиссари ҳарбии шаҳр Хайрулло Сатторзода иштирок ва суханронӣ намуданд.

Раиси шаҳри Гулистон Раъно Ҳошимзода сарбозон ва афсарони қисми ҳарбии 07746-и Вазорати мудофиаи Ҷумҳурии Тоҷикистонро бо фарорасии 30-юмин солгарди Қувваҳои Мусаллаҳи Тоҷикистон муборакбод намуд.

ТАҶЛИЛИ БОШУКӮҲИ ҶАШНИ 30-СОЛАГИИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН

Имрӯз, 21.02.2023 дар толори Кохи фарҳангии “Истиқлол”-и маркази шаҳри Гулистон бахшида ба 30-солагии таъсисёбии Қувваҳои Мусаллаҳи Ҷумҳурии Тоҷикистон чорабинии тантанавӣ баргузор карда шуд.

Чорабинӣ бо садо додани Суруди миллии Ҷумҳурии Тоҷикистон оғоз гардид.

Нахуст Раиси шаҳри Гулистон Раъно Ҳошимзода сокинони шаҳрро бо ин фарорасии 30-юмин солгарди ин рӯйдоди таърихӣ муборакбод намуд.

Зикр карда шуд, ки Қувваҳои Мусаллаҳи Тоҷикистони соҳибистиқлол дар шароити ниҳоят мураккабу ҳассоси сиёсиву низомӣ ва иқтисодиву иҷтимоии таърихи мардуми тоҷик ва давлати тоҷикон таъсис дода шуданд.

Президенти Тоҷикистон Эмомалӣ Раҳмон ба хизматчиёни ҳарбӣ ва кормандони мақомоти ҳифзи ҳуқуқ мукофотҳои давлатӣ ва рутбаҳои навбатии ҳарбӣ тақдим намуданд

21 феврал дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои мусаллаҳи Ҷумҳурии Тоҷикистон муҳтарам Эмомалӣ Раҳмон ба ифтихори таҷлили 30-юмин солгарди таъсисёбии Қувваҳои мусаллаҳи Ҷумҳурии Тоҷикистон як гурӯҳ хизматчиёни низомии Қувваҳои мусаллаҳи Ҷумҳурии Тоҷикистон ва кормандони мақомоти ҳифзи ҳуқуқро барои хизмати намунавӣ ва саҳми арзанда дар таъмини ҳифзи ҳуқуқҳои конститутсионии шаҳрвандон, мубориза бо ҷинояткорӣ, нигоҳдории тартиботи ҷамъиятӣ, ҳифзи сарҳади давлатӣ ва ҷасорату фидокорӣ бо мукофотҳои давлатӣ ва рутбаҳои навбатии ҳарбӣ сарфароз гардониданд.

Нахуст Сарвари давлат муҳтарам Эмомалӣ Раҳмон ҳамаи ҳозирин ва дар шахси онҳо афсарону сарбозони Қувваҳои Мусаллаҳ ва кормандони мақомоти ҳифзи ҳуқуқи мамлакатро ба ифтихори 30-солагии таъсисёбии Артиши миллӣ, ки яке аз рукнҳои асосии давлатдории навини тоҷикон мебошад, табрику таҳният гуфтанд.

Баргузории суҳбату мулоқот бо сарбозон таҳти унвони "Аёдати модарон"

Имрӯз, 17.02.2023 тибқи нақшаи кории Мақомоти иҷроияи ҳокимияти давлатии вилоят ва шаҳр дар қисми ҳарбии 45025-и КҲФ Ҷумҳурии Тоҷикистон дар вилояти Суғд вохӯрӣ таҳти унвони "Аёдати модарон" бахшида ба 30-солагии таъсисёбии Қувваҳои Мусаллаҳи Ҷумҳурии Тоҷикистон баргузор гардид.

Дар вохӯрии мазкур муовини Раиси шаҳр Шарифҷони Саидраҳмон, мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев, иҷрокунандаи вазифаи мудири бахши кор бо занон ва оила Матлубахон Сатторова ва раиси Ҷамоати шаҳраки Сирдарё Мушарраф Охунова иштирок ва суханронӣ намуданд.

Муовини Раиси шаҳр Шарифҷони Саидраҳмон табрикоти Раиси шаҳри Гулистон Раъно Ҳошимзодаро ба самъи сарбозон расонид.