Нақши занон дар пешбурди соҳаи маориф

Имрӯз 28.02.2023 тибқи нақшаи кории шуъбаи маорифи шаҳр дар Муассисаи давлатии "Маркази таҳсилоти иловагии шаҳр" ба муносибати Рӯзи байналмилалии бонувон бо иштироки омӯзгорзанон, собиқадорони соҳаи маориф ва и.в мудири бахши кор бо занон ва оилаи шаҳр дар мавзуи «Нақши занон дар пешбурди соҳаи маориф»  мизи мудаввар ташкил ва баргузор карда шуд.

Дар чорабинии мазкур иштирокдорон андешаҳои худро перомуни пешбурди соҳаи маориф ва ноил гардидан ба муваффақияту дастовардҳои назаррас баён намуданд.

Хониши сиёсӣ ҷиҳати иҷрои нақшаи чорабиниҳои “Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025”

Имрӯз, 28.02.2023 тибқи нақшаи кории бахши кор бо ҷавонон ва варзиши шаҳр дар ҳамкорӣ бо шуъбаи рушди иҷтимоӣ ва робита бо ҷомеаи дастгоҳи Раиси шаҳр дар муассисаи таҳсилоти миёнаи умумии №2-и Ҷамоати шаҳраки Чоруқдаррони шаҳри Гулистон ҷиҳати иҷрои нақшаи чорабиниҳои Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 бо иштироки ҷавонони 14-17 сола ва волидайни онҳо вохӯрӣ баргузор карда шуд.

Дар вохӯрии мазкур Фаридуншоҳ Абдуллоев, мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр, Аҳлиддин Абдураҳмонов мудири бахши кор бо ҷавонон ва варзиши шаҳр, Наргиза Бердиева раиси ҷамоати шаҳрак иштирок ва суханронӣ намуданд.

Зикр карда шуд, ки ҷиҳати пешгирии падидаҳои номатлуби экстремизм ва терроризм  Фармони Президенти Ҷумҳурии Тоҷикистон “Дар бораи Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025” аз 1 июни соли 2021, №187 ба тасвиб расида, дар ин замина қарори Раиси вилояти Суғд аз 17 октябри соли 2021, №485 ва қарори Раиси шаҳри Гулистон аз 18 ноябри соли 2021, №287 ба тасвиб расидааст.

Дар кӯчаҳои Хуҷанд ва Гулистон ниҳолҳои ороишӣ шинонида шуд

Дар доираи корҳои ободонию бунёдкорӣ ба истиқболи Иди байналмилалии Наврӯз дар кӯчаву хиёбонҳои шаҳрҳои Хуҷанд ва Гулистон ниҳолҳои ороишию ҳамешасабз шинонида шуд.

Бояд гуфт, ки шуруъ аз рӯзҳои аввали фасли баҳор бо дастури Президенти мамлакат муҳтарам Эмомалӣ Раҳмон ба хотири беҳдошти ҳифзи табиат ва ободонии ҳар гӯшаву канори ҷумҳурӣ маъракаи умумии ниҳолшинонӣ ташкил карда мешавад.

Дар ин раванд бо иштироки Раиси вилояти Суғд Раҷаббой Аҳмадзода нахуст дар кӯчаи Абулқосим Фирдавсии маҳаллаи Ҷаббор Расулови шаҳри Хуҷанд ба корҳои ободонию хуррамгардонӣ оғоз бахшида шуд. Дар ин маҳалла 500 бех ниҳолҳои ҳамешасабз ва беш аз 100 ҳазор кўчати садбарг шинонида шуд.

БАРГУЗОРИИ ТАМРИНОТИ СИТОДИ МУДОФИАИ ГРАЖДАНӢ

Санаи 24.02.2023 дар асоси нақшаи чорабиниҳои асосии вилояти Суғд оид ба масъалаҳои мудофиаи гражданӣ, пешгири эътино ва рафъи оқибатҳои ҳолатҳои фавқулода барои соли 2023, ки бо қарори Раиси вилояти Суғд аз 6.01. 2023, №11 ва қарори Раиси шаҳри Гулистон аз 21.02.2023, №47 санаи 24 феврали соли ҷорӣ дар шаҳри гулистон тамриноти ситоди мудофиаи гражданӣ дар мавзуи “Амали ҳайати роҳбарикунанда ва қувваю воситаҳои мудофиаи  гражданӣ дар шаҳри Гулистон ҳангоми ба амал омадани ҳолатҳои фавқуллодаи дорои хусусияти табиӣ дошта ва бартараф намудани оқибатҳои он” баргузор карда шуд.

Ҳадафи баргузории ситоди мазкур баланд бардоштани омодагии ҳайати шахсии зернизомҳои вазифавии Низоми ягона, хадамотҳои мудофиаи гражданӣ ва неруҳои ғайриҳарбии мудофиаи гражданӣ баҳри иҷрои вазифаҳои дар наздашон истодаи замонҳои осоишта. Ҳамчунин баланд бардоштани маҳорати ҳайати шахсии зернизомҳои вазифавии Низоми ягона, хадамотҳои мудофиаи гражданӣ ва неруҳои ғайриҳарбии мудофиаи гражданӣ оид ба масъалаҳои ҳифзи аҳолӣ ва эмин нигоҳ доштани онҳо дар вақти рух додани ҳолатҳои фавқулода ва мустаҳкам намудани дониши назариявӣ ва мукаммал намудани малакаи амали ҳайати шахсии мақомтҳои идоракунӣ, ҳайати роҳбарикунандаи зернизомҳои вазифавии Низоми ягона, хадамотҳои мудофиаи гражданӣ ва неруҳои ғайриҳарбии мудофиаи гражданӣ дар иҷрои корҳои наҷотдиҳию таъхирнопазир ва умуман, ҳифзи аҳолӣ ҳудуд, чорво, растаниҳо, моликияти давлатӣ ва хоҷагии халқ.