ҶАВОНОН — ПАЙРАВИ ПЕШВОИ МИЛЛАТ

Бегоҳии рӯзи  17-уми май дар Ҷамоати шаҳраки Сирдарёи шаҳри Гулистон бахшида ба истиқболи сазовори Рӯзи ҷавонони Тоҷикистон чорабинии фарҳангӣ-фароғатии шоми ҷавонӣ таҳти унвони "Ҷавонон - пайрави Пешвои миллат" бо иштироки ҷавонони муассисаи таълимии рақами 8 доир гардид.

Дар чорабинии мазкур мудири бахши кор бо ҷавонон ва варзиши шаҳри Гулистон  Аҳлиддин Абдураҳмонов, мудири бахши ҷавонони КИ ҲХДТ дар шаҳри Гулистон Фаридуншоҳ Абдуллоев, раиси шаҳраки Сирдарё Охунова Мушаррафа   ва директори  муассисаи таълимии  рақами 8 - Нурова Адолат  иштирок намуданд.

Зимни оғози барномаи мазкур номаи табрикотии раиси шаҳри Гулистон Илҳом Пӯлотзода аз ҷониби мудири бахши кор бо ҷавонон ва варзиши шаҳр Аҳлиддин Абдураҳмонов  манзури тамошобинон гардонида шуд.

Аёдати собиқадорони меҳнат дар шаҳраки Чоруқдаррон

Дар Ҷамоати шаҳраки Чоруқдаррони шаҳри Гулистон дар доираи сафари корӣ Раиси шаҳр Илҳом Пӯлотзода 2 нафар собиқадорони меҳнат - Закрияева Зебо Ибрагимовна собиқадори соҳаи фарҳанг ва Панченко Раисия Никитична собиқадори соҳаи маорифро аёдат намуд. Собиқадорон солҳои зиёд дар соҳаҳои зикршуда фаъолияти пурсамари меҳнатӣ намудаанд.

Собиқадорон бо шукргузорӣ аз сиёсати хирадмандонаи Пешвои муаззами миллат муҳтарам Эмомалӣ Раҳмон ва фазои сулҳу суботи кишвар баҳри боз ҳам гул-гулгукуфоии кишвари азизамон дасти дуо бардоштанд.

Ба собиқадорон кумакҳои моддии мақомоти иҷроияи ҳокимияти давлатии шаҳр тақдим карда шуд.

ТОЗАВУ ОЗОДА НИГОҲ ДОШТАНИ ШАҲР МАРОМИ МОСТ!

Санаи 17.05.2025 дар шаҳри Гулистон ҷиҳати тозаву озода намудани шаҳр ҳашари дастаҷамъии тозагӣ баргузор гардид.

Дар ҳашари тозагӣ  ташкилоту корхона, муассисаҳои соҳаи маориф, фарҳанг, тандурустӣ  ва дигар соҳаҳои хоҷагии халқи шаҳр фаъолона иштирок намуданд.

Ҳифз  намудани табиат ва тозаю озода нигоҳ доштани гирду атроф ба инсонҳо вобастагии комил дошта, қарзи ҳамешагии шаҳрвандии мо мебошад.  Бо ин мақсад ҳашарчиён гирду атрофи корхонаву муассисаҳо, мавзеъҳои истироҳатӣ, шафати роҳи асосӣ, гирду атрофи нуқтаҳои савдо ва кӯчаву хиёбонҳои шаҳрро аз ҳама гуна хасу хошок ва партовҳо тоза намуданд.

Ҳадаф аз баргузории ҳашарҳои дастаҷамъона баланд бардоштани маърифати шаҳрдорӣ, тозаву озода нигоҳ доштани муҳити зист, пешгирии ҳар гуна бемориҳои сироятӣ ва ба ин васила таъмини беҳдошти солимии ҷомеа мебошад.

ШИНОСОӢ БО РАФТИ КОРҲОИ СОЗАНДАГӢ ВА ФАЪОЛИЯТИ ЯК ҚАТОР МУАССИСАҲОИ ШАҲРАКИ ЧОРУҚДАРРОН

Санаи 16.05.2025 Раиси шаҳри Гулистон Илҳом Пӯлотзода бо сафари корӣ ба Ҷамоати шаҳраки Чоруқдаррон ҳузур оварда бо ҷараёни корҳои сохтмонии иншооти ҷашнӣ бахшида ба 35-солагии Истиқлоли давлатӣ ва фаъолияти мактаби мусиқӣ ва ҷараёни корҳои кашидани хати нави оби нӯшокӣ дар шаҳрак шинос шуд.

Нахуст аз рафти корҳои сохтмонӣ дар марказҳои хизматрасонӣ дидан карда шуд. Иттилоъ дода шуд, ки корҳои асосии бунёди биноҳо ба охир расида, корҳои таъмирӣ ҷараён доранд ва дар соли 2025 ба истифода дода мешаванд.

Дар шаҳраки Чоруқдаррон ба муносибати Ҷашни 35-солагии Истиқлоли давлатӣ 12 иншооти ҷашнӣ ба нақша гирифта шуда, то имрӯз 8 иншоот мавриди баҳрабардорӣ қарор дода шудааст. Дар соли 2025 тибқи нақша бояд 3 иншоот ба истифода дода шавад.