МУЛОҚОТИ СУДМАНД БО ФАЪОЛОНИ ШАҲРИ ГУЛИСТОН

Имрӯз, 14 апрели соли 2026 тибқи нақшаи чорабиниҳои Прокуротураи генералии Ҷумҳурии Тоҷикистон дар толори хурди мақомоти иҷроияи ҳокимияти давлатии шаҳр доир ба пешгирии экстремизм ва терроризм ва дигар падидаҳои номатлуб бо иштироки фаъолони шаҳр вохӯрӣ баргузор карда шуд.

Дар вохӯрӣ Раиси шаҳри Гулистон Илҳом Пӯлотзода, намояндагони Прокуротураи генералии Ҷумҳурии Тоҷикистон Парвиз Дамдорзода ва Манучеҳр Шарифзода ва намояндаи прокуротураи вилояти Суғд Назриавлиё Маҳмадов ва муовини прокурори шаҳри Гулистон Малика Мухаддиярова иштирок ва суханронӣ намуданд.

ВОХӮРӢ БО ФАЪОЛОН ВА СОҲИБКОРОНИ ШАҲРАКИ АДРАСМОН

13-уми апрели соли 2026 Раиси шаҳри Гулистон Илҳом Пӯлотзода зимни сафари корӣ ба Ҷамоати шаҳраки Адрасмон дар толори ҷамоати шаҳрак бо фаъолон ва соҳибкорони шаҳрак мулоқот намуд.

Раиси ҷамоати шаҳрак Улуғбек Хоҷаев доир ба рафти корҳои ободониву созандагӣ гузориш манзур намуд.

Раиси шаҳр Илҳом Пӯлотзода зимни суҳбат баён дошт, ки имрӯзҳо сокинони сарбаланди шаҳри Гулистон дар партаври дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳамаи соҳаҳои хоҷагии халқи шаҳр ва барои дар сатҳи баланд истиқбол намудани ҷашни 35-солагии истиқлоли давлатӣ фаъолият намуда истодаанд.

ШИНОСОӢ БО ФАЪОЛИЯТИ МУАССИСАҲОИ ТАЪЛИМӢ ДАР ШАҲРАКИ АДРАСМОН

Санаи 13-уми апрели соли 2026 дар доираи сафари корӣ ба шаҳраки Адрасмон Раиси шаҳри Гулистон Илҳом Пӯлотзода аз муассисаҳои таҳсилоти миёнаи умуми маркази шаҳрак дидан намуд.

Нахуст аз муассисаи таҳсилоти миёнаи умумии №13 дидан карда шуд. Иттилоъ дода шуд, ки дар муассисаи таълимӣ 292 нафар хонанда аз ҷумла 149 нафар духтар ба таҳсил фаро гирифта шудаанд. Барои таҳсили пурсамар шароитҳои мусоид фароҳам оварда шудаанд.

Сипас, аз муассисаи таҳсилоти миёнаи умумии №13 дидан карда шуд. Иттилоъ дода шуд, ки дар муассисаи таълимӣ 454 нафар хонанда аз ҷумла 216 нафар духтар ба таҳсил фаро гирифта шудаанд.

ҚАБУЛИ ШАҲРВАНДОН ДАР ҶАМОАТИ ШАҲРАКИ АДРАСМОН

13-уми апрели соли 2026 дар доираи сафари корӣ ба Ҷамоати шаҳраки Адрасмон Раиси шаҳри Гулистон Илҳом Пӯлотзода як қатор шаҳрвандонро ба ҳузур пазируфта, муроҷиатҳои онҳоро шунида мавриди баррасӣ қарор дод.

Зимни қабул шаҳрвандон бо масъалаҳои гуногуни иҷтимоӣ муроҷиат намуданд. Аз ҷумла, сокинон вобаста ба ҷудо намудани қитъаи замин, ба расмият даровардани ҳуҷҷатҳои ҳуқуқи истифодаи замин ва манзили истиқоматӣ, ҳалли баҳсҳои марбут ба моликияти шахсӣ ва амсоли инҳо суолҳо дода шуд.

Раиси шаҳр ҳар як муроҷиатро мавриди омӯзиш қарор дода, ба нафарони масъул ҷиҳати баррасии ҳамаҷониба ва андешидани чораҳои мушаххас супоришҳо дод. Таъкид гардид, ки ҳалли саривақтии масъалаҳои шаҳрвандон ва расонидани кумаки амалӣ ба онҳо яке аз самтҳои афзалиятноки фаъолияти мақомоти маҳаллӣ ба шумор меравад.