КОНФЕРЕНСИЯИ ИЛМӢ-НАЗАРИЯВӢ: НАВРӮЗ МЕРОСИ БУЗУРГИ ФАРҲАНГИЮ ТАЪРИХИИ МИЛЛАТИ ТОҶИК

17 марти соли 2026 дар асоси нақшаи чорабиниҳои Кумитаи иҷроияи Ҳизби Халқии Демократии Тоҷикистон дар шаҳри Гулистон доир ба сазовор таҷлил намудани ҷашни байналмилалии Наврӯз конфренсияи илмӣ-назариявӣ таҳти унвони “Наврӯз мероси бузурги фарҳангию таърихии миллати тоҷик” дар толори кумитаи иҷроия баргузор гардид.

Дар кори конференсия Раиси КИ ҲХДТ дар шаҳри Гулистон Бахтиёр Каримов, муовини Раиси шаҳри Гулистон Шарифҷони Саидраҳмон, мудири шуъбаи умумии КИ ҲХДТ дар вилояти Суғд Фаррух Зоҳидов, мудири бахши адабиёт ва камолшиносии “Маркази илмии Камоли Хуҷандӣ” Исмоил Саидов иштирок ва суханронӣ намуданд.

Зикр карда шуд, ки Наврӯз бо таърихи беш аз шашҳазорсолаи худ бузургтарин ҷашни фарҳангию таърихии миллати тоҷик ва соли нави аҷдодии мо буда, ниёкони некноми мо онро аз замонҳои хеле қадим таҷлил мекарданд, омадани баҳор ва эҳёи табиатро бо шодиву хурсандӣ ва бо иштироки хурду бузурги диёр истиқбол мегирифтанд.

ШАНБЕГИИ УМУМИШАҲРӢ ДАР ШАҲРИ ГУЛИСТОН

Тибқи нақшаи чорабиниҳои Мақомоти иҷроияи ҳокимияти давлатии шаҳри Гулистон санаи 14.03.2026 бо мақсади истиқболи сазовори ҷашни байналмилалии Наврӯз, 35-солагии Истиқлоли давлатии Ҷумҳурии Тоҷикистон ва беҳтар намудани ҳолати санитарӣ, тозаву озода нигоҳ доштани муҳити зист ва зебогардонии ҳудуди шаҳр  шанбегии умумишаҳрӣ ба роҳ монд.
Ин тадбир бо мақсади амалигардонии қарори Ҳукумати Ҷумҳурии Тоҷикистон аз 29 июни соли 2024, таҳти рақами 374 "Дар бораи барномаи кабудизоркунии Ҷумҳурии Тоҷикистон барои давраи то соли 2040" ва Фармони Президенти Ҷумҳурии Тоҷикистон "Дар бораи эълон намудани соли 2026 "Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ" сурат гирифт.

БАРРАСИИ МУРОҶИАТИ ШАҲРВАНДОН

14-уми марти соли 2026 дар Мақомоти иҷроияи ҳокимияти давлатии шаҳр қабули навбатии шаҳрвандон аз ҷониби Раиси шаҳр Илҳом Пӯлотзода баргузор гардид.
Зимни қабул шаҳрвандон бо масъалаҳои гуногуни иҷтимоӣ ба шаҳрдор муроҷиат намуданд. Аз ҷумла, сокинон вобаста ба ҷудо намудани қитъаи замин, ба расмият даровардани ҳуҷҷатҳои ҳуқуқи истифодаи замин ва манзили истиқоматӣ, ҳалли баҳсҳои марбут ба моликияти шахсӣ ва амсоли инҳо суолҳо дода шуд.

ИЛҲОМ ПӮЛОТЗОДА КОРМАНДОНИ МАҚОМОТИ ПРОКУРАТУРАИ ШАҲРРО БА МУНОСИБАТИ ИДИ КАСБИЯШОН ТАҲНИЯТ ГУФТ

Санаи 14.03.2026  Раиси шаҳри Гулистон Илҳом Пӯлотзода ҳайати кормандони мақомоти прокуратураи шаҳрро ба муносибати Рӯзи кормандони мақомоти прокуратура муборакбод гуфта, барояшон тансиҳатӣ, хотирҷамъӣ, рӯзгори осуда ва дар иҷрои  рисолати пуршарафашон барору комёбӣ таманно намуд.
Зикр карда шуд, ки мақомоти прокуратура яке аз ниҳодҳои муҳимми давлатдорӣ мебошад, ки фаъолияти он ба ҳифзи арзишҳои ҷомеаи демократӣ, қонуният, тартиботи ҷамъиятӣ, ҳуқуқу озодиҳои инсон ва шаҳрванд, манфиатҳои давлат ва ҷомеа, ошкору пешгирӣ намудани ҳуқуқвайронкуниҳо ва мубориза бо ҷинояткорӣ равона гардидааст.
Аз ин рӯ, таъмини қонунияту адолат, амният, сулҳу субот ва ризоият дар ҷомеа аз фаъолияти самараноки мақомоти прокуратура вобаста мебошад.