Курси "Зан-сарвар" дар шаҳри Гулистон

Санаи 18.12.2023 дар толори маркази тахсилоти иловагии маркази калонсолони  мақомоти иҷроияи ҳокимияти давлатии шаҳри Гулистон  машғулиятҳои курси кутоҳмуддати «Зан-сарвар» оғоз гардид. Сатторова Матлуба и.в.мудири бахши кор бо занон ва оилаи шаҳри Гулистон дар оғози машғулият изҳори умедворӣ намуд, ки шунавандагон аз омўзишҳои ин курс аз устодон, занони роҳбар, сиёсатмадорони варзида, устодон барои худ дониш ва аз таҷрибаи бойи эшон бардоштҳои муҳим ва зарурӣ мегиранд. Иттилоъ дода шуд, ки курси мазкур низ дар асоси татбиқи нақша-чорабинии барнома роҳандозӣ гардида, соли 5-ум аст,ки таҳти унвонҳои «Духтарони Пешво»,«Зан роҳбар»,«Зан-сарвар», «Мактаби сарварони ҷавон», «Зан ва сиёсат» доир гардида, то имрӯз зиёда аз садҳо нафар занону духтарон ин курсро хатм намуда,  соҳиби шаҳодатнома гардиданд.

Сипас, Директори маркази калонсолон Мухаммадалиева Мухаё ба сухан баромада, таъкид дошт, ки мақсад аз баргузории чунин курсҳо, ин пеш аз ҳама, ҷалби духтарони лаёқатманд ба соҳаи хизмати давлатӣ ва омода намудани кадрҳои роҳбарикунанда аз ҳисоби занону духтарони лаёқатманд баланд бардоштани маърифати ҳуқуқӣ ва шаҳрвандии онҳо, ҷалби бештари духтарон ба таҳсил, таъмини ҳуқуқи баробари мард ва зан ҳангоми пешниҳод ва таъин намудан ба вазифаҳои роҳбарикунанда арзёбӣ намуд.

Бахшида ба 115-солагии академик Бобоҷон Ғафуров таҳти унвони “Нақши академик Бобоҷон Ғафуров дар таҳқиқи таърихи миллат ва саҳми ӯ дар ташаккули Ҷумҳурии Тоҷикистон” конференсияи илмӣ-амалӣ баргузор гардид

Имрўз, 20.12.2023 дар асоси  нақша чорабиниҳои   бахши кор бо ҷавон ва варзиши шаҳри Гулистон доир ба 115-солагии академик Бобоҷон Ғафуров таҳти унвони “Нақши академик Бобоҷон Ғафуров дар таҳқиқи таърихи миллат ва саҳми ӯ дар ташаккули Ҷумҳурии Тоҷикистон” конференсияи илмӣ-амалӣ баргузор гардид.

Дар кори конференсия муовини Раиси шаҳр Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов, директори МДТИ шаҳр Бобоев Эмомалӣ, котиби масъули рӯзномаи шаҳрии “Соҳил” Фаридуншоҳ Абдуллоев ва омӯзгори МТМУ №14 Исмоил Саидов иштирок ва суханрони намуданд.

Таъкид карда шуд, ки дар таърихи зиёда аз шашҳазорсолаи миллати тоҷик садҳо чеҳраҳои мондагоре ҳастанд, ки нақши онҳо барои пойдории миллат, посдории илму фарҳанг, худшиносиву худогоҳии мардум ва ободии сарзамини аҷдодӣ басо арзишманд мебошад.

Ҷамъбастӣ мусобиқаи шаҳрии футбол байни деҳаву маҳалаҳои аҳолинишинӣ Ҷамоати шаҳраки Адрасмони шаҳри Гулистон, бахшида ба Рӯзи умумиҷаҳонии футбол

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир  ба омавигардонии варзиш ва тарзи ҳаёти солим тадбирҳои муассир андешида шудаистодааст.

Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст.

Лозим ба ёдоварист, ки масъулини бахши кор бо ҷавонон ва варзиши шаҳр дар ҳамкорӣ бо муассисаҳои таълимӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд.

Баргузории хониши сиёсӣ дар мавзӯӣ "Кафолати ҳуқуқҳои инсон-омили пешрафти ҷомеаи башарӣ"

Имрӯз, 11.12.2023 дар Ҷамоати шаҳраки Чоруқдаррони шаҳри Гулистон дар асоси нақшаи кории бахши кор бо ҷавонон ва варзиши шаҳри Гулистон хониши сиёсӣ дар мавзӯӣ  "Кафолати ҳуқуқҳои инсон-омили пешрафти ҷомеаи башарӣ" ташкил ва баргузор карда шуд.

Дар чорабинии мазкур муовини Раиси шаҳри Гулистон Шарифҷони Саидраҳмон, Аҳлиддин Абдураҳмонов мудири бахши кор бо ҷавонон ва варзиши шаҳр, Матлуба Сатторова и.в. мудири бахши кор бо занон ва оила ва Наргиса Бердиева раиси ҷамоати мазкур иштирок ва суханрони намуданд.

Қайд карда шуд, ки ҳуқуқҳои инсон ба ҳар як одами дар ҷаҳон  зиндагикунанда  танҳо ба он хотир хос аст, ки вай инсон аст.