БАРГУЗОРИИ ҶАЛАСАИ ФАЪОЛИЯТИ НИМСОЛАИ ШУРОИ ШАҲРИИ ҲАРАКАТИ ҶАМЪИЯТИИ ВАҲДАТИ МИЛЛӢ ВА ЭҲЁИ ТОҶИКИСТОН

Имрӯз, 24.07.2024 дар асоси ҷадвали тасдиқ намудаи Раиси Шурои вилоятии Ҳаракати ҷамъиятии ваҳдати миллӣ ва эҳёи Тоҷикистон ҷаласаи Шурои шаҳрии Ҳаракати ҷамъиятии ваҳдати миллӣ ва эҳёи Тоҷикистон оид ба фаъолият дар нимсолаи якуми соли 2024 ва вазифаҳо барои нимсолаи соли 2024 баргузор гардид.

Дар ҷаласа намояндаи Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон Маҳкам Миркамолов ва муовини раиси КИ ҲХДТ дар вилояти Суғд Фирдавс Салимзода иштирок намуданд.  Ҳамчунин аъзои Шурои  шаҳрии Ҳаракати ҷамъиятии ваҳдати миллӣ, раисони ташкилотҳои ибтидоӣ ва дигар шахсони масъул иштирок доштанд.

Дар рўзномаи ҷаласа масъалаҳои зерин мавриди баррасӣ қарор гирифтанд: Ҳисоботи Шўрои шаҳрии Ҳаракати ҷамъиятии ваҳдати миллӣ ва эҳёи Тоҷикистон дар давоми нимсолаи аввали соли 2024, вазъи таъсисёбии ташкилотҳои Ҳаракат дар сатҳи воҳидҳои сохторӣ, ҷамоати шаҳракҳо ва ташкилоту муассисаҳо, вазъи татбиқи Қонунҳои миллӣ: “Дар бораи масъулият барои таълиму тарбияи кӯдак” ва “Дар бораи танзими анъана ва ҷашну маросим” дар сатҳи шаҳр, баррасии рафти иҷрои дастуру супоришҳои Пешвои миллат, Раиси Ҳаракати Ваҳдати миллӣ ва эҳёи Тоҷикистон муҳтарам Эмомалӣ Раҳмон, ки аз мулоқоташон бо ходимони дин, аҳли ҷамоатчигӣ ва фаъолон бармеояд ва масъалаҳои ҷорӣ.

Боздид аз муассисаҳои таълимии маркази шаҳр ва шаҳраки Сирдарё

Имрӯз, 23.07.2024 муовини Раиси шаҳр Ғайрат Оқилзода аз муассисаҳои таҳсилоти миёнаи умумии №1,14 ва гимназияи №1-и маркази шаҳр ва муассисаи таҳсилоти миёнаи умумии №8-и шаҳраки Сирдарё ҷиҳати омодагӣ ба соли нави хониши 2024-2025, пурра аз таъмир баровардани муассиса, таъмини хонандагон бо либоси ягонаи мактабӣ  ва омодагӣ ба давраи тирамоҳу зимистони солҳои 2024-2025 дидан намуд.

Иттилоъ дода шуд, ки дар муассисаҳои таълимӣ таъмири синфхонаҳо пурра ба анҷом расида, дар гирду атрофи муассисаҳо низ корҳои ободонӣ ба ба роҳ монда шуд. Муассисаҳои таълимӣ барои қабули хонандагон ба соли нави хониши 2024-2025 омода мебошанд. Сару либоси хонандагони муассисаҳои таълимӣ аз ҷониби ҶДММ “Маҳина” омода гардида, волидайн ҳамарӯза аз коргоҳи дӯзандагии мазкур, ки дар ҳудуди шаҳр ҷойгир аст сарулибоси хонандагонро дастрас намуда истодаанд. Дар муассисҳо барои зимистонгузаронӣ ангишт, ҳезум ва сӯзишвориро ба қадри зарурӣ захира карда шудааст.

Вохӯрии судманд доир ба эълон гардидани соли 2024 "Соли маърифати ҳуқуқӣ"

Бо мақсади иҷрои амри Президенти Ҷумҳурии Тоҷикистон муҳтарам Эмомалӣ Раҳмон дар бораи "Соли маърифати ҳуқуқӣ"  эълон намудани соли 2024 аз 18 марти соли 2024, таҳти рақами АП-533 барои баланд бардоштани маърифати ҳуқуқии шаҳрвандон тибқи нақшаи кории Вазорати адлияи Ҷумҳурии Тоҷикистон  гурӯҳи корӣ  бо роҳбарии сармутахссиси бахши кадри маркази ёрии ҳуқуқии Вазорати адлияи Ҷумҳурии Тоҷикистон  Абдулазиз Шарифзода ва намояндаи маркази ҳуқуқии Вазорати адлияи Ҷумҳурии Тоҷикистон Аҳмадзода Шаҳриёр ба шаҳри Гулистон сафарбар шуда, санаи 23 июли соли ҷорӣ дар толори хурди Мақомоти иҷроияи ҳокимияти давлатии шаҳр бо роҳбарии муовини раиси шаҳр Шарифҷони Саидраҳмон ва иштироки роҳбарони шуъбаву бахшҳои дахлдор, раисони мақомотҳои худфаъолияти ҷамъиятӣ, намояндагони ҷамоати шаҳракҳо, мудирони шуъбаю бахшҳои мақомоти иҷроияи ҳокимияти давлатии шаҳр, ҳуқуқшиноси давлатии шаҳри Гулистон вохӯрӣ гузаронида шуд.

Дар ин вохӯрӣ  дар мавзӯи "Шомилшавии ҷавонони имрўза ба гурўҳҳои террористӣ ва экстремистию ифротгароӣ ва роҳҳои пешгирии он"  баромад намуд,  Сармутахссиси бахши кадри маркази ёрии ҳуқуқии Вазорати адлияи Ҷумҳурии Тоҷикистон  Абдулазиз Шарифзода, дар мавзӯи "Пешгирии ҳуқуқвайронкуниҳо ва ҳолатҳои коррупсионӣ дар корхона ва муассисаҳо"  баромад намуд,  намояндаи маркази ҳуқуқии Вазорати адлияи Ҷумҳурии Тоҷикистон Аҳмадзода Шаҳриёр, ки мавзӯҳои ироагашта,  мавзӯи мубрамро дар бар мегирад,  доир ба ин мавзӯъ музокира ва андешарониҳои муфид шуд.

ҚАБУЛИ ШАҲРВАНДОН

Рӯзи 20-уми июли соли 2024 аз тарафи Раиси шаҳри Гулистон Раъно Ҳошимзода  4-нафар шаҳрванд қабул карда шуд.

Муҳтавои муроҷиат масъалаҳои гуногунро дарбар гирифта, барои гирифтани қитъаи замин,  расонидани кумаки моддӣ ва таъмири бинои истиқоматӣ, таъмин намудан бо хонаи хизматӣ,  таъмири биноҳои истиқоматии бисёрошёна, мебошад.  Масъалаи баррасии талабу дархости муроҷиаткунандагон  ба шуъбаву бахшҳои дахлдор равона карда шуд.  Раиси шаҳр масъулинро вазифадор  намуд, ки иҷроиши масоили мазкурро дар муддати кӯтоҳ иҷро карда шуда,  аз натиҷааш ба унвони Раиси шаҳр ва муроҷиаткунандагон тариқи хаттӣ хабар дода шавад.

Сипас Раиси шаҳри Гулистон Раъно Ҳошимзода ба самъи  раисони мақомотҳои худфаъолияти ҷамъиятӣ, роҳбарону муассисони корхонаҳо ва муассисаҳо навобаста аз шакли моликият расонид, ки ҳар ҳафта рузи шанбе  барои тозагии ҳудуи шаҳр, ҳудуди хонаҳои истиқоматӣ, ҳудуди корхонаву ташкилотҳо, боғҳо, роҳравҳову гулгаштҳо, самти тозагиву озодагии маҳалли зист гузаронидани чорабини "Тозагии маҳал" чораандешӣ намоянд.  Иҷроиш ва баргузории онро зери назори қатъи гирифта,  таъмин намоянд.