Пешвои миллат Эмомалӣ Раҳмон ноиби Президенти Бонки Осиёии Рушд Шиксин Ченро ба ҳузур пазируфтанд

6 июн дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ноиби Президенти Бонки Осиёии Рушд Шиксин Ченро, ки ҷиҳати иштирок дар Конфронси дуюми Душанбе оид ба Даҳсолаи байналмилалии амал “Об барои рушди устувор”, солҳои 2018-2028 дар Тоҷикистон қарор дорад, ба ҳузур пазируфтанд.

Дар рафти мулоқот ҳолати кунунӣ ва ҳамкориҳои минбаъдаи Тоҷикистон ва Бонки Осиёии Рушд мавриди баррасӣ қарор дода шуд.

Президенти мамлакат муҳтарам Эмомалӣ Раҳмон иштироки намояндагони Бонкро дар кори Конфронси дуюми оби Душанбе нишони дастгирии ташаббусҳои Тоҷикистон дар пешбурди рӯзномаи ҷаҳонии об арзёбӣ карданд.

Иштироки Сарвари давлат Эмомалӣ Раҳмон дар нишасти сеюми Пешвоёни Эътилоф оид ба обу иқлим

4 июн Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Бӯстонсаройи шаҳрии Ҳукумати Ҷумҳурии Тоҷикистон дар Нишасти сеюми Пешвоёни Эътилоф оид ба об ва иқлим иштирок ва суханронӣ карданд.

Дар ҳамоиш оид ба ҳалли масоили обу иқлим намояндагони як қатор кишварҳои олам ва коршиносони ташкилоту созмонҳои бонуфузи ҷаҳонӣ иштирок карданд.

Кори нишасти сеюми Пешвоёни Эътилоф оид ба об ва иқлимро Петтери Таалас — Дабири кулли Ташкилоти ҷаҳонии обуҳавошиносӣ (WМO) ифтитоҳ карда, суханро ба Президенти Ҷумҳурии Тоҷикистон муҳтарам Эмомалӣ Раҳмон дод.

ТАҶЛИЛИ РӮЗИ КОРМАНДОНИ ХОҶАГИИ МАНЗИЛИЮ КОММУНАЛӢ

Имрӯз, 04.06.2021 дар толори Кохи фарҳангии “Истиқлол”-и маркази шаҳр  ба муносибати Рӯзи кормандони соҳаи савдо, хизмати маишӣ ва хоҷагии манзилию коммуналӣ чорабинии идона баргузор гардид.

Раиси шаҳри Гулистон Раъно Ҳошимзода кормандони соҳаи савдо, хизмати маишӣ ва хоҷагии манзилию коммуналиро бо иди касбиашон табрик намуда, зикр дошт, ки  ғамхориҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон боис гардид, ки ҳар гӯшаву канори Ватани азизамон ба гулистон табдил ёбад.

Сокинони шарафманди шаҳри Гулистон тавассути корҳои ободониву кабудизоркунӣ ҳамеша ҷиҳати пойдориву шукуфоии Истиқлолияти давлатии Ҷумҳурии Тоҷикистон ҷидду ҷаҳд менамоянд, чунки зебоию ободонии ҳар як шаҳру деҳот аз худи мо вобаста аст ва барои мардуми мо, сатҳу сифати зиндагӣ, рушду нумуи Ватани азиз аст.

Номаи табрикотии Раиси шаҳри Гулистон Раъно Ҳошимзода ба муносибати Рӯзи кормандони соҳаи савдо, хизмати маишӣ ва хоҷагии манзилию коммуналӣ

Ҳамшаҳриёни гиромӣ!

Ҳамасола якшанбеи якуми моҳи июн Рӯзи кормандони соҳаи савдо, хизмати маишӣ ва хоҷагии манзилию коммуналӣ бо тантана таҷлил мегардад.

Имрӯзҳо кормандони соҳаи мазкур баҳри таъмини хизмати маишӣ, беҳтар гардидани хизматрасонӣ дар соҳаи савдо, ҳамчунин оид ба андешидани тадбирҳои иловагӣ баҳри муташаккилона гузаронидани маъракаи кабудизоркунӣ ва ободонӣ, дар ташкили шанбегиҳо, дарахтшинонию тозаю озода нигоҳ доштани маҳалли зист фаъолона иштирок менамоянд. Нуқтаҳои савдо, иншоотҳои маишӣ ва хиёбону гулгаштҳое, ки дар ҳудуди шаҳрамон мебинем, маҳсули меҳнати софдилонаю хизматрасонии оқилона ва дастони гулкори коркунони хоҷагии манзилию коммуналӣ мебошад. Аз хизмати бошарафу беғарази кормандони ин соҳа руҳ болидаву табъи мардум дучанд хуш мегардад.

Ғамхориҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон боис гардид, ки ҳар гӯшаву канори Ватани азизамон ба гулистон табдил ёбад. Сокинони шарафманди шаҳри Гулистон тавассути корҳои ободониву кабудизоркунӣ ҳамеша ҷиҳати пойдориву шукуфоии Истиқлолияти давлатии Ҷумҳурии Тоҷикистон ҷидду ҷаҳд менамоянд, чунки зебоию ободонии ҳар як шаҳру деҳот аз худи мо вобаста аст ва барои мардуми мо, сатҳу сифати зиндагӣ, рушду нумуи Ватани азиз аст.