Раъно Ҳошимзода модарони дорои имкониятҳои маҳдуд ва яккаву танҳоро аёдат намуд

Иҷрокунандаи вазифаи раиси шаҳри Гулистон Раъно Ҳошимзода баҳри амалӣ намудани сиёсати оқилонаву инсондӯстонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба Рӯзи Модар як қатор модарони собиқадор, дорои имкониятҳои маҳдуд ва фарзандгумкардаро аёдат намуд.

Роҳбари шаҳр аз ҷумла Салима Турғунова ва Рамзия Давлатбоева собиқадори соҳаи маориф ва модари яккаву танҳо, ки фарзандашонро дар раванди барқарорсозии сохти конститутсионии мамлакат аз даст додаанд ба Рӯзи Модар таҳният гуфт.

Модарон баҳри дастгириву таваҷҷӯҳи пайваста ба модарону бонувон изҳори сипосмандии хешро ба Пешвои муаззами миллат муҳтарам Эмомалӣ Раҳмон баён доштанд.

ФАТҲУ КУШОИШ ОРАД ДАСТИ ДУОИ МОДАР - аёдати модарони рӯзгордида бахшида ба Рӯзи Модар дар шаҳри Гулистон

Дар доираи чорабиниҳои идона ба ифтихори Рӯзи Модар иҷрокунандаи вазифаи раиси шаҳри Гулистон Раъно Ҳошимзода ҳамроҳ бо муовини Раиси вилояти Суғд Даврон Зоҳидзода модарони рӯзгордидаи шаҳри Гулистонро, ки солиёни зиёд дар низоми хизмати давлатӣ ва соҳаи маориф фаъолияти бенуқсон кардаанд аёдат намуданд.

Дар ин рӯз собиқадори соҳаи хизмати давлатӣ Нуруллоева Санавбар Нуруллоевна ва собиқадори соҳаи маориф Шамсиддинова Мушаррафа ба аёдат фаро гирифта шуда, ба онҳо паёми табрикии Раиси вилояти Суғд муҳтарам Раҷаббой Аҳмадзода ва туҳфаҳои хотиравӣ тақдим карда шуд.

МОДАРИ ТОҶИК, МАН ХОКИ ҚАДАМҲОЯТ ШАВАМ! - таҷлили бошукӯҳи Рӯзи Модар дар шаҳри Гулистон

Санаи 5-уми марти соли ҷорӣ дар толори Кохи фарҳангии “Истиқлол”-и маркази шаҳри Гулистон бахшида ба Рӯзи Модар чорабинии идона баргузор гардид. Дар ибтидо муовини Раиси вилояти Суғд Даврон Зоҳидзода табрикоти Раиси вилояти Суғд муҳтарам Раҷаббой Аҳмадзодаро ба самъи ҳозирин расонид.

Сипас, иҷрокунандаи вазифаи Раиси шаҳри Гулистон Раъно Ҳошимзода занону бонувони шаҳрро ба муносибати Рӯзи Модар табрику таҳният намуд. Зикр гардид, ки бо шарофати сиёсати фардосози Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Истиқлолияти давлатӣ ҷиҳати таъмини мавқеи устувори зан-модар дар ҷомеа ҳамаи имкониятҳо фароҳам оварда шуд.

Баргузории конфренсияи илмӣ-амалӣ бахшида ба Рӯзи Модар таҳти унвони “Модар – бақои ҳаёт”

Санаи 04.03.2022 дар толори Кохи фарҳангии “Истиқлол”-и маркази шаҳри Гулистон тибқи нақшаи кории бахши кор бо ҷавонон ва варзиши шаҳр конфренсияи илмӣ-амалӣ бахшида ба Рӯзи Модар таҳти унвони “Модар – бақои ҳаёт” бо иштироки ҷавондухтарони Коллеҷи тиббии шаҳр, муассисаҳои таълимии маркази шаҳр, ҷавондухтарони фаъоли ҷамоати шаҳракҳо, гирандагони стипендияи Президенти Ҷумҳурии Тоҷикистон, гирандагони стипендияи раиси шаҳр ва бонувони фаъоли ҳамаи соҳаҳои хоҷагии халқи шаҳр баргузор гардид.

Дар даромадгоҳи Кохи фарҳангии “Истиқлол” дастовардҳои варзишии варзишгарони шаҳр дар соли 2021, маҳсули дастранҷи ҷавондухтарон ва намоиши китобӣ ба маъраз гузошта шуд.