НАТИҶАҲОИ РУШДИ ИҶТИМОИВУ ИҚТИСОДИИ ШАҲР ДАР ДАВОМИ ШАШМОҲАИ СОЛИ ҶОРӢ ҶАМЪБАСТ ГАРДИД

Имрӯз, 8 июли соли 2022, дар толори Мақомоти иҷроияи ҳокимияти давлатии шаҳри Гулистон маҷлиси фаъолони шаҳр доир гардид, ки дар он натиҷаҳои фаъолияти соҳаҳои хоҷагии халқи шаҳр дар шаш моҳи соли 2022 мавриди таҳлилу баррасӣ қарор дода шуд.

Дар маҷлиси фаъолон муовин ва роҳбари дастгоҳи  раиси шаҳр, мудирони шуъбаву бахшҳо ва роҳбарони сохторҳои Мақомоти иҷроияи ҳокимияти давлатии шаҳр, роҳбарони мақомотҳои ҳифзи ҳуқуқ, расиони ҷамоати шаҳракҳо, роҳбарони корхонаҳои саноатӣ, намояндаи Ҳукумати Ҷумҳурии Тоҷикистон, роҳбари гурӯҳи кории ҷумҳуриявӣ оид ба истиқболи сазовори Ҷашни 35-солагии Истиқлолияти давлатии ҷумҳурии Тоҷикистон, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода ва намояндаи Мақомоти иҷроияи ҳокимияти давлатии вилояти Суғд, директори Маркази стандартизатсия, метрология, сертификатсия ва нозироти савдои вилояти Суғд Ғайбулло Муҳиддинзода иштирок намуданд.

ПАЁМИ ШОДБОШИИ Пешвои миллат Эмомалӣ Раҳмон ба муносибати иди Қурбон

Ҳамватанони гиромӣ!

Ҳоло, ки мо дар арафаи яке аз ойинҳои суннатии мардуми   мусулмон – иди Қурбон қарор дорем, ҳамаи шуморо ба ин муносибат самимона табрик мегӯям.

Мардуми мусулмони мо иди саиди Қурбонро ҳамчун суннати меҳру шафқат ва тараҳҳуму ҳамбастагӣ гиромӣ медоранд.

Мо – шаҳрвандони Тоҷикистон шукр мекунем, ки иди Қурбон ва дигар маросиму ҷашнҳои милливу диниро дар фазои истиқлолу озодӣ ва амнияту оромӣ, ки бузургтарин дастоварди мардумамон мебошад, таҷлил мекунем.

БАРГУЗОРИИ ЯРМАРКАИ ҶОЙҲОИ КОРИИ ХОЛӢ

Санаи 07.07.2022 дар шаҳри Гулистон аз ҷониби шуъбаи Агентии меҳнат ва шуғли аҳолӣ ярмаркаи ҷойҳои холии корӣ гузаронида шуд.

Дар ярмарка корхонаҳо ва ташкилотҳо иштирок намуда, зиёда аз 200 ҷойҳои холии корӣ пешниҳод намуданд.

Бо роҳхати шуъба 14 нафар ба касбомӯзӣ ва 12 нафар ба кор роҳхат дода шуданд.

Аёдати собиқадорони меҳнат дар шаҳри Гулистон

Дар пайравӣ аз сиёсати инсондӯстонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ба муносибати Иди Қурбон Раиси вилояти Суғд Раҷаббой Аҳмадзода дар шаҳри Гулистон собиқадорони меҳнатро аёдат намуд.

Раиси вилоят ба манзили Анвар Отаев, собиқадори соҳаи геология (кӯҳкорӣ) ва Абдусамад Артукбаев, собиқадори соҳаи маориф ташриф оварда, ба онҳо сиҳату саломатӣ, рўзгори тинҷу осуда, дастархони пурфайзу баракат ва хотирҷамъию саодати зиндагӣ орзу намуд.

Таъкид карда шуд, ки фаъолияти пурсамари собиқадорон ҳамеша аз ҷониби давлат қадр гардида, кору пайкори шахсиятҳое, ки умри худро барои пешрафти ҷомеа бахшидаанд, намунаи ибрат ба наврасону ҷавонон аст.