Президенти мамлакат дар Балҷувон Осорхонаи таърихию кишваршиносии ноҳияро ба истифода доданд

23 сентябр Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ дар ноҳияи Балҷувон Осорхонаи таърихию кишваршиносии ноҳияро ба истифода доданд.

Осорхона аз се ошёна иборат буда, дорои тамоми шароит барои маҳфуз доштани нигораҳо, бозёфтҳо ва аксу мусаввараҳо мебошад ва ҳар ошёна давраҳои таърихии ба худ хосро инъикос менамояд.

Дар ошёнаи якуми бино толори калони намоиш дар масоҳати 193 метри мураббаъ,  хазина ва даҳлез ҷойгир карда шудаанд.

Толори намоиши ошёнаи дуюм дар масоҳати 400 метри мураббаъ  таърихи ноҳияро дар даврони пеш ва баъди соҳибистиқлолии мамлакат фаро мегирад.

МУЛОҚОТ ВА ҚАБУЛИ ВАКОЛАТДОР ОИД БА ҲУҚУҚИ ИНСОН

Дар толори Мақомоти иҷроияи ҳокимияти давлатии шаҳр мулоқоти Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо мудирони шуъбаву бахшҳо, раисони Ҷамоати шаҳракҳо, роҳбарони воҳидҳои зерсохтори Мақомоти иҷроияи ҳокимияти давлатии шаҳр, раисони маҳаллаҳо ва дигар фаъолон баргузор гардид.

Вохӯриро Раиси шаҳри Гулистон Бахтиёр Саидаҳмадзода ҳусни ифтитоҳ бахшид. Сипас, Ваколатдор оид ба ҳуқуқи инсон дар Ҷумҳурии Тоҷикистон Умед Бобозода доир ба мазмуну  муҳтавои санадҳои меъёрии ҳуқуқии Ҷумҳурии Тоҷикистон, механизмҳои ҳифзи ҳуқуқи инсон дар кишвар, масъалаҳои байналмилалии ҳифзи ҳуқуқи инсону шаҳрванд ва монанди ин суханронӣ намуд.

РӮДАКӢ РАФТУ МОНД ҲИКМАТИ ӮЙ

Ба ифтихори Рӯзи Рӯдакӣ дар назди нимпайкараи Рӯдакӣ дар шаҳри Гулистон чорабинии адабӣ-фарҳангӣ таҳти унвони “Рӯдакӣ-поягузори адабиёти классикии тоҷику форс” баргузор гардид. Дар чорабинӣ кормандони Мақомоти иҷроияи ҳокимияти давлатии шаҳр, кормандони бахши фарҳанги шаҳр ва омӯзгорону хонандагони муассисаҳои таълимии шаҳр иштирок намуданд.

Дар ибтидо Илҳом Мадализода мудири шуъбаи рушди иҷтимоӣ ва робита бо ҷомеаи дастгоҳи Раиси шаҳри Гулистон табрикоти Раиси шаҳр Бахтиёр Саидаҳмадзодаро ба ифтихори Рӯзи Рӯдакӣ манзури ҳозирин намуд. Қайд гардид, ки бо шарофати Истиқлолияти давлатӣ, соҳибихтиёрии Тоҷикистон мо имкон пайдо кардем, ки бо кору пайкори абармардони илму адаб, таъриху фарҳанги оламшумули гузаштаи худ эҳтирому сипосмандии воҷиб гузорем ва номашонро зинда нигоҳ дорем. Хушбахтона, дар садри онҳо устод Абуабдуллоҳ Рӯдакӣ қарор дорад.

Табрикоти Раиси шаҳри Гулистон Бахтиёр Саидаҳмадзода ба ифтихори Рӯзи Рӯдакӣ

Ҳамшаҳриёни гиромӣ!

Бо шарофати Истиқлолияти давлатӣ, соҳибихтиёрии Тоҷикистон мо имкон пайдо кардем, ки бо кору пайкори абармардони илму адаб, таъриху фарҳанги оламшумули гузаштаи худ эҳтирому сипосмандии воҷиб гузорем ва номашонро зинда нигоҳ дорем. Хушбахтона, дар садри онҳо устод Абуабдуллоҳ Рӯдакӣ қарор дорад.

Бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳанӯз моҳи майи соли 2002 ба Қонуни Ҷумҳурии Тоҷикистон «Дар бораи рӯзҳои ид» илова ворид гардид, ки дар рӯзи 22-юми сентябр дар саросари кишвар ҳамасола чун Рӯзи Рӯдакӣ, ҳамчун ҷашни фархундаи назми кӯҳан, мероси адабию илмӣ, фаннӣ ва ахлоқии беш аз ҳазорсолаи мо, чун рӯзи ифтихор аз камолоти тамаддуни миллӣ, худшиносӣ ва худогоҳии таърихӣ таҷлил ва арҷгузорӣ мегардад.