Маҷлиси васеи Ҳукумати Ҷумҳурии Тоҷикистон баргузор гардид

20 январ дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси васеи Ҳукумати Ҷумҳурии Тоҷикистон баргузор гардид.

Дар кори маҷлис роҳбарият ва аъзои Ҳукумати кишвар, Дастгоҳи иҷроияи Президенти Ҷумҳурии Тоҷикистон ва воҳидҳои сохтории он, роҳбарони мақомоти марказии давлатӣ, идораҳои назди Президент ва Ҳукумат, корхонаю муассисаҳои ҷумҳуриявӣ, раисони вилоятҳо ва шаҳру ноҳияҳо, роҳбарони муассисаҳои таҳсилоти олӣ, марказҳои татбиқи лоиҳаҳои давлатии сармоягузорӣ, бонкҳои давлатӣ ва саҳҳомӣ, рӯзномаю маҷаллаҳои расмӣ ва дигар шахсони масъул иштирок карданд.

Дар маҷлиси васеи Ҳукумати Ҷумҳурии Тоҷикистон нишондиҳандаҳои рушди иқтисодию иҷтимоии кишвар дар соли 2021 ва вазифаҳои асосӣ барои соли 2022 муайян карда шуд.

ВОХӮРИИ НАМОЯНДАГОНИ БДА ҶУМҲУРИИ ТОҶИКИСТОН “АМОНАТБОНК” ДАР ВИЛОЯТИ СУҒД БО СОКИНОНИ ШАҲРИ ГУЛИСТОН

Санаи 18 январи соли 2022 дар толори бахши ҳифзи муҳити зисти шаҳри Гулистон бо иштироки кормандони Бонки давлатии амонатгузории Ҷумҳурии Тоҷикистон Амонатбонк” дар вилояти Суғд бо мақсади баланд бардоштани маърифати молиявӣ дар байни аҳолӣ ва гузаронидани корҳои фаҳмондадиҳӣ дар самти хизматрасониҳои бонкӣ, пешниҳоди қарзҳо барои рушди соҳибкорӣ, ҳисоббаробаркуниҳои ғайринақдӣ ва хизматрасониҳои фосилавӣ вохурӣ баргузор гардид. Намояндагон аз соҳаҳои гуногуни хоҷагии халқи шаҳр иштирок доштанд.

Дар вохӯрӣ намояндагони Бонки давлатии амонатгузории Ҷумҳурии Тоҷикистон “Амонатбонк” дар вилояти Суғд Мавзуна Муинзода, Муҳаммад Саидализода ва Озода Икромзода иштирок ва суханронӣ намуданд.

Машварати кории назди раиси шаҳр

Имруз 17 январи соли 2022 дар толори хурди мақомоти иҷроияи ҳокимияти давлатии шаҳр машварати кории назди раиси шаҳр бо роҳбарони ташкилоту корхонаҳо доир гардид.

Дар машварати корӣ масъалаҳои рафти кор дар корхонаҳои истеҳсолии навтаъсис ва ташкили корҳои ободонӣ дар шаҳри Гулистон мавриди баррасӣ қарор дода шуданд.

Раиси шаҳр Бахтиёр Саидаҳмадзода ишора ба суръати корҳо дар корхонаҳои истеҳсолии навтаъсис карда, ба муовини якуми раиси шаҳр, мудири бахши саноат ва энергетика  ва роҳбарони корхонаҳои мазкур дастур дод, ки барои тезонидани корҳо чораҷуй намоянд.

Мулоқоту вохӯрӣ бо таълимгирандагони муассисаҳои таълимии Ҷамоати шаҳраки Адрасмон

Санаи 13.01.2022, гурӯҳи кории Мақомоти иҷроияи ҳокимияти давлатии шаҳри Гулистон дар ҳайати Наимҷон Шарифов, сармутахассиси бахши кор бо ҷавонон ва варзиши шаҳри Гулистон, Аҳлиддин Тоҷидинов иҷрокунандаи вазифаи мудири бахши дин, танзими анъана ва ҷашну маросим ва Матлуба Сатторова сармутахассиси комиссияи ҳифзи ҳуқуқи кӯдак  бо хонандагони муассисаҳои таълимии №4, №5, №7, №12 ва №13-и Ҷамоати шаҳраки Адрасмони шаҳри Гулистон ҷиҳати шарҳу тавзеҳи нуктаҳои Паёми Пешвои муаззами миллат ва пешгирии ҳодисаҳои номатлуб ба мсили ифротгароӣ, бегонапарастӣ, нашъамандӣ, коррупсия ва ҷинояткорӣ мулоқоту вохӯриҳо доир намуданд.

Дар мулоқоту вохӯриҳо хонандагони синфҳои болоӣ ва омӯзгорон иштирок намуданд.

Дар мулоқот нуктаҳои муҳими Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шарҳу тавзеҳ дода шуд.